JOSHUA 8:1 - Kemethajüh (N) (Re-editing) Bible (BSI)

¹ Apvüwa na Joshua wi khi, “Süpahithu tsüdi ssiya nu Ai wi shulo. Messi nyelela accükwenshü nsala. Hi no ya Ai wi kadimiwa miwi khangya thsüaden; ma nyunuti, anyi, nu ayyi tsüdila pi nji saben.

JOSHUA 8:1 Iomraidhean Croise

ZAKECI 27:1

Apvüwa na hi kewegüwa nu hi hangshawa; hi thola messi meyacha. Apvüwa na kemessi tsüdi wi ighihie den; hi messi meyacha.

ZAKECI 44:3

N-nyithu na mathu njünnu sen nu ayyiwa tsü nka meya; mathu kekhang wina khang meya; isala no kekhang nu no kezü, no keten chüti kesa ghena, tsüna no mathu tizen tenle kesa pi ccüca kechi.

ZAKECI 46:11

Kekhang ntsawa Apvüwa na ithu ssiden; Jacob Nyiza tsüna ithu ken-nie penwa.

ISAYA 12:2

Anyiza na hi hangshawa; hi ma nondi keten khe nmessi nengdha. Apvüwa na kekhang nu kezü pi hi cüden; ma hi hangshawa.

ISAYA 43:2

Nthu na atssükedhu pvüdhiwa lela hi nthu ssiden; nthu gükeccü tsüna nthu ghongshaya nben. Nthu na anni pvüdhi wa lela nthu mecangya nben; nthu metenkinan kedhu na gho lela tsüna nthu patenaya nben.

JEREMIYA 46:27

“Inyithu, nmessi lalo, Israel nyithu, qhethiketen nsala. Hi ayyi kelensie wina nthu kekasha yaden, nthu na atssüzü sa keben yyi wi tsüna. Nthu na ajjen wi gho neng nu cca hang yaben; nthu na yazishu benya, nu thola nthu satemessi nbendha.

JEREMIYA 49:3

Heshbon nyithu, magha shaghalo! Ai na yasadha! Rabbah wi nzathu, anongü wa yilo! Aleshithsü mphi nu anongülo. Chükivvü nu bvülo. Ncenpvü Molek pi ma keqhaikedithu nu kaditsathu ssinu gweghe kushiyyi wi bvüaden .

DANIEL 2:21

Ma matsü nu kese keyeng tsü ghan sen benden; ma kadimithu pi sa thsü nu nsa thsü laden; ma kemetsa nu chüshikeya khuchi ketenwa.

DANIEL 4:25

Anyithu zilashü wina no jügüshi pi wala aghangsathu gweghe hangwa thsüaben. No amesü süpon kesü ti amapi tagü aghang maha dsa nu agheja wi jen nu ciwi akejan na nmiwi cakiden. Tsaseng wi no Kekhang ntsawa Anyiza na anyi kadinyuthu miwi kekhang sen, nu ma tsüthu pi ma thowa kessiya khe cüya mehai le kesa chüya den.

DANIEL 4:35

Ma ayyi wi anyithu ha ghang pi mangla nkenye ti sa, tang wi nyilothu nu ayyi wi anyithu na ma kekhang kekhu wi ben. Thola ma kenenwa tsü matang nyelela ma mangwa saten khe keüya nben.

MATHI 8:26

Jisu na luneng, “Nthu mangkesa na messi ben nu? Nthu kenondi khatila zeng nu?” Tsaseng wi ma shagha nu ameghü nu atssüketi khachi nan ciwi ccen sa.

AYENZHÜNENG 31:8

Apvüwa na ma ketanla nthu len tsütson nu nthu ssibenden. Ma nthu malia nyelela nthu teshia nben; tsalina accükwenshü nu nmessi lalo.”

AYENZHÜNENG 7:18

Mathu nmessi lalo; Apvüwa nthu Nyiza na Ejipt kadimiwa nu ma nyithu tsüdi miwi sakechi tsü meshenyalo.

AYENZHÜNENG 7:21

Tsalina anyi hathu nmessi lalo. Apvüwa nthu Nyiza na nthu ssiden; ma kekhang Nyiza, ma kemessiu le.

JOSHUA 1:9

Hi no lebenzü nu kempvüza sayalo kekiza tsü meshenyalo! Messi nu accükwenshü nsala, kepaghenanye hi Apvüwa n-Nyiza, no khiewa wa khe hi no ssiden.”

JOSHUA 10:7

Tsalina Joshua nu ma süpahizi kemehai ntsathu maben saghula Gilgal wina wa.

JOSHUA 10:8

Apvüwa na Joshua wi khi, “Mathu nmessila. Hi khangkeya pi no cüdha. Mathu kesüla no shunya nben.”

JOSHUA 2:24

nu khi, “Apvüwa na diyyiwa maben pi ithu cüdha kesa chütiben. Ciwi anyi tsüdila ithu messiben le.”

JOSHUA 6:2

Apvüwa na Joshua wi khi, “Hi Jerikho, ma kadimiwa, nu ma süpahi kekhangthu tsüdi pi nkwen wi chiaden.

JOSHUA 7:9

Kanaan nyithu nu diyyiwa wi anyi kepathu tsüdila tsü cüki zayaben. Mathu na ithu vüya nu ithu tsüdi pathiaben. Isalethu, no n-nyankethang ghena khati saten nu?”