JOSHUA 7:6 - Kemethajüh (N) (Re-editing) Bible (BSI)

⁶ Joshua nu Israel nyi ccülikesathu na ahathakina wina mathu thsümeni mezüqhe, mathu na Apvüwa Cenkethenjüh Khitson tuwi qancadu mathu hathakina pi ccücale kesalina ayyinikhu pi mathu li miwi chipvü nu shitawa kecu ciwi ben.

JOSHUA 7:6 Iomraidhean Croise

ADECHHÜ 37:29

Reuben na ayyiku witsü kheneng gho nan ciwi Josef mu meya, nu ma ahathakina wina ma thsü mezüqhe.

ADECHHÜ 37:34

Jakob na ma hathakina wina ma thsü mezüqhe nu aleshithsü mphiya. Ma ma tsawa ghena matsü kesiela ma nongü.

2 SAMUEL 1:11

David na ma hathakina wina ma thsümeni mezüqhe, nu ma nyithu tsüdila tsü makesü sa.

2 SAMUEL 1:12

Mathu na Saul, Jonathan, Israel nyithu, nu Apvüwa nyithu kejonla aghi wi shü kesalina qai, anongü, nu minulen kecu wi kezi sa.

2 SAMUEL 1:2

Dhitsüwa wi Saul kemnanpen wina kepvüza nyi kesü na gho cuya. Ma ahathakina ghena ma thsümeni mezüqhe nu ayyinikhu pi ma li miwi chi pvü gho. Ma David wi wha nu ma kekü wina ayyi wi nkhwendu.

2 SAMUEL 12:16

David na atsa tsü ya mehaiya thsülo kesa ghena Anyiza wi kekhie sa. Ma mangla ndsajjü mvula, nu aghaja kaghapengla ma kejenben wi du aghaja thangthang ayyi wi nkhwen.

2 SAMUEL 13:19

Ma ajuwen pi ma li wi chi, ma gwomejuwa mezüqhe, nu ma kwen pi ma mmi shabhon pvüla bvüa.

2 SAMUEL 13:31

Kadimiwa na ahathakina wina shagha ma thsümeni mezüqhe, nu ayyi wi khulidua. Amagha ma gweghe kebenthu la athsümeni mezüqhe.

2 KADIMITHU 22:11

Khathansha wi kadimiwa na lesüshen tsü sikeben zaya khe ma hathakina wina ma thsümeni mezüqhe,

2 KHENICÜKI 34:19

Kadimiwa na lesüshen tsü si keben zakeya wi ma hathakina wina ma thsümeni mezüqhe

EZRA 10:1

Ezra na Kekinyijjenwa tuwi kesami hathu khishi pi qai nu kekhie sa keben wi Israel nyithu akhang kesü nza, npvüza, nu ghanyithu gho ma vüya nu qai ntsa sa.

NEHEMIYA 9:1

Asha tsüwa ngwe nu mejü ghanan wi Israel nyithu na mathu kesamithu ghena ahathakina pi ccüca le kesalina saghu nu gweghe kezi sa. Mathu na asangthu wina mathu kepa sadha. Mathu na ahathakina zensu wina aleshithsü mphi nu ayyi pi mathu li wi chi pvü. Tsaseng wi mathu ngan nu mathu nu mathu bamyithu na kesamithu sa ketheng tsü khishi shhu.

ESTHER 4:1

Mordekai na hathu ha tsüdi zakeya wi ma hathakina wina ma thsümeni mezüqhe. Tsaseng wi ma aleshithsü mphiya, ajuwen pi ma li wi chiya, nu anyunutiwa tsü pvüdhila kohon nu qai ntsa sa,

ESTHER 4:3

Diyyi tsüdi wi khiewi kadimi na pi thangkechi tsü chüya khe, Judah nyithu jawi anonkegü di ntsa sa. Mathu na zi, qai, kohon, nu mathu kejon na aleshithsü mphi nu ajuwen wi kuweng.

Job Lesüshen 1:20

Tsaseng wi Job na ma leben güccüla shagha nu ma thsü mezüqhe, ma li whia, nu ayyi wi nkhwenca dua.

Job Lesüshen 2:12

Mathu na alen kesie wina Job mu, isala ma chüshi meyala. Mathu na ma chüshi keya wi qai nu leben güccü, nu mathu thsümeni mezüqhe nu mathu leben ketizenkesa wi ayyiwen whapi tangwi cügi nu pi mathu li wi chi.

Job Lesüshen 42:6

Tsalina hi ijühkekhi tsüdi ghena jüghedha, nu ayyinikhu ayyiwen wi kuweng, nu leben khapeghe benle.

NONKEGÜ 2:10

Jerusalem wi keqhaithu na ayyi wi ccen donkiben, Aleshithsü mphi nu ayyinikhu pi mathu li wi chipvü. Ghala tegüthu na mathu mmi nkhwenca sa.

SHICÜSI 14:6

Nun tsa Joshua nu Jefunne tsa Kaleb, wahhai keni na manyi hathakina wina athsümeni mezüqhe,

SHICÜSI 16:22

Isala Mosa nu Aaron manyi ayyi wi nkhwendu nu khi, “Oh Anyiza, no kahangli tsüdi sa kechiwa. Anyi kesü na sami lethu, no azitenti maben miwi n-ghepvü ten kwe?”

SHICÜSI 16:45

“Anyi hathu wina kheneng bvülo, hi khili mathu yasa cüden!” Manyi na ayyi wi nkhwendu,

KEKULI 14:14

Isala Paul nu Barnaba manyi mathu tsüti sale keben tsü zaya meyi manyi thsümeni zanqhe nu anyitenti jawi bvüdu nu jisha,

JOSHUA 7:7

Nu Joshua na khi, “Kekhang ntsawa Apvüwa! No mangkesa ithu ssinu Jordan khhaka kegho ithu pi Amor nyithu kwen wi du thsü nu ithu yasa thsüale saben nu? Ithu na Jordan khhaka kawa ceen hang nkeben kwe?

CCÜCAKECHI 18:19

Mathu na ayyi wha pi mathu li wi cühki, mathu qai nu anongüla khi, “Qhethiketen le! Anyunuti ketiwa ghena khatila amankesa nu! Ma anyunutiwa tsü, ciwi ahunjjen kebenthu tsüdila atssükedone wi wa nu ma keben-keyeng miwi na benya ten nan! Amighe kekihhe kesü jü ketan na ma keben tsüdila yasadha le!”

PENDHENYI 11:35

Ma ma nga mukeya wi ahathanala ma thsümeni mezüqhe nu khi, “Oh inga! No ileben pachadha le! Mangkesa na no hi sapi ketizen nsathu keyishü sadha nu? Hi Apvüwa tuwi kekishen kesü satheng nu hi tsü bhegheya nbendha le!”

PENDHENYI 20:26

Tsaseng wi Israel nyi tsüdi Bethel wi shula anongü. Mathu na ciwi ndsajjüla minulen wi kecu Apvüwa tuwi donki. Mathu na Apvüwa tuwi wa mecang pi kekinyi nu kecca ghena kekinyithu sachi.

PENDHENYI 21:2

Tsalina Israel nyithu na Bethel wi wa minulen wi kecu Anyiza tuwi donki. Mathu na misikhhali qai ntsa nu anongü:

1 SAMUEL 4:12

Benjamin mizza wi anyi kesü na tsü ghanan aghikesa pen wina bvü sengho Shilo cuya. Ma hathakina pi ccücale kesalina ma thsümeni mezüqhe pi nu ayyi pi ma li miwi chiya.