JOSHUA 7:5 - Kemethajüh (N) (Re-editing) Bible (BSI)

⁵ Ai wi anyithu na khweti-jenka wina mathu jügü sen nu Shebarim kecu yyishiphon kencüggü wi mathu changha nu tugho cen pathia. Tsaseng wi Israel nyithu na mathu kempvüza nmila messi wa.

JOSHUA 7:5 Iomraidhean Croise

ZAKECI 22:14

Hi kezü na bvüdha, atssü na ayyi wi lle kewa ti sa bvüdha. Igüthu na nkeshunkili ladha; ileben na anie lleghe kesa ti sadha.

ZAKECI 58:7

Mathu ya atssü lle bvü keten tsüti nmu thsüla; alen wi kepaghathu ti mathu cücha thsü kesawa salo.

ISAYA 13:7

Anyi tsüdi kwen na kelaca ben; nu anyi tsüdila kempvüza nmila ben.

EZEKIEL 21:7

Mathu na no wi mangkesa na ghadhi bennu kesa keü lethu, mathu wi jühtheü gho ketenwa tsü ghena le kizalo. Tsüna ghothu kemessi na mathu leben pong shaden, mathu kwen na keyha waden, mathu na kempvüza nmila, nu mathu khu na khukhu waben. Matsü na ghodha, tsüna hewi bendha.” Kemisintsa Apvüwa na khidha.

LEVIYEN 26:36

“Nthu thothu na kushiyyi wi ben khe hi nthu sapi qhethiketen sa thsü nu ameghü na aghangwa kemosha hhai lela messi nu bvü thsüden. Nthu na aghi tukebvü ti bvü, nu aghinyithu na nthu kete wi nmi lela nthu na khuli thsüaden.

NAHUM 2:10

Nineve na yasadha, yisha, nu teshidha! Kemessi ghena leben pachadha, akhu kenün, nu kezü nmidha; ammi phalagha sadha.

AYENZHÜNENG 1:44

Amor nyi yyishiphon ciwi hang kebenthu na anikhothu ti nthu ssisale shhugho. Mathu na Horma kecu nthu jügüchi nu ciwi Edom yyishiphon diyyiwa wi nthu miwi khangya.

JOSHUA 2:11

Ithu na tsü cüki zaya meyi messi ntsa sa; nthu ghena ithu kempvüza nmiladha. Apvüwa nthu Nyiza tsüna tang wi nu ayyi ha wi la Anyiza le!

JOSHUA 2:9

nu manyi wi khi, “Apvüwa na ayyi hapi nthu cüdha kesa hi chüben. Diyyiwa wi anyi tsüdila nthu messithi ben.

JOSHUA 5:1

Jordan na niduwa Amor nyi kadimithu nu Mediterranean Tssükedone kete wi Kanaan nyi kadimithu tsüdila Israel nyithu na Jordan npi pvüthikeya chu Apvüwa na tsü sapi keqha thsüle kesa zaya. Mathu na messi nu mathu kempvüza nmila.