JOSHUA 7:26 - Kemethajüh (N) (Re-editing) Bible (BSI)

²⁶ Mathu na alon kejon pi ma miwi kaghapvü kesa tsüna nansü kecu ciwi ben. Tsalina apen tsüpi khili la Ketizenkesa Yyiketijü le khiden. Tsaseng wi Apvüwa na ma leben nminula.

JOSHUA 7:26 Iomraidhean Croise

2 SAMUEL 18:17

Mathu na Absalon kamang pi ayinong ghansha wi ayyiku kedhu kesü wi khalachia, nu alon ketiti pi kecenbhon. Israel nyithu tsüdila bvü sen nu kepapa jjen wi wha.

2 SAMUEL 21:14

Tsaseng wi mathu na Saul nu Jonathan güthu tsüpi Benjamin yyi Zela wi Saul ba Kish shüjjen wi vhüa, nu kadimiwa na kekhi tsüdila sa. Tsaseng wi Anyiza na mathu na diyyiwa ghena kekhie tsü luneng chicüa.

2 KHENICÜKI 29:10

“Hi khili Apvüwa Israel Nyizawa ssinu cenkethenjüh kesü sale südhe yadha, isanu ma ithu miwi leben ntsu thsülale kesalina.

EZRA 10:14

Ikhang kedithu yala Jerusalem wi ben nu ajjügi tsü südheya thsü. Isanu matsü ssan ketheng wi anyi thowa na asang pi ma wubvü sa keben muya khe ma nyunutiwa wi accülikesathu nu pendhethu gweghe gho thsü. Hatinu tsü ghena Anyiza leben ketsuwa tsü kemili thsülo.”

ZAKECI 85:4

Ithu ssinu kheneng gholo, O Anyiza ithu hangshawa, nu ithu miwi no n-nen keben tsü teshilo!

BVÜKESHHU 32:12

Mangsale Ejipt nyithu ya no n-nyithu ssi wa ayikha wi mathu pathi nu mathu yasatha sale kesalina Ejipt wina mathu ssi shhughole khi thsü nu? Leben nminu lalo; no kemeshen kemiliya nu ketizenkesa ha sengho n-nyithu miwi nchila.

ISAYA 40:2

Jerusalem wi kahang nyi leben satezü cülo. Mathu na kesiela ketizenkesa qo sagho, nu khili mathu kesami teshi pi cüdha le kizalo. Hi mathu kesami tsüdi ghena kemeten pi cü cendha.”

ISAYA 65:10

Mathu na hi kinyi nu mathu khaghaneni nu amesüsithu ssinu niduwa Sharon Deshentijü wi nu nishuwa Kekivvü Yyiketijü wi atsse yaben.

NONKEGÜ 3:53

Mathu na hi kahang pi ayyiku wi khalachi, nu alon kesü pi shanbhon.

HOSEYA 2:15

Hi ma kheni keben kemeshentsse lli tsüpi ma cü neng nu Kekivvü Yyiketijü tsü sapi kaghangkeben-jenka kesü sa cüaden . Ma Egipt wina keshhugho ma kepvünyi tsüwi ti ma hi luneng ben.

HOSEYA 2:17

Hi khiela ma ya Baal nyan teng thsü nbendha.

JOEL 2:13

Nthu hathanaben le kesa lebengüccü pi ccücalo; nthu thsümeni mezüqhe kesa tsü ketan ncen le.” Apvüwa nthu Nyiza wi ghoneng lo. Ma wi ccatssü nu nanketizen na pongben; ma lebensie nu ma khishi kechithu tsü saaden; ma keshüthangla meten kecüwa nyela kesami teshi pi cüle saden.

JOEL 2:18

Tsaseng wi Anyiza na ma yyiwa cüki kemeshen pi ccücachi; ma ma nyithu nantizen chicü.

JONA 1:15

Tsaseng wi mathu na Jonah ghangya nu pi atssükedone non wi khala chia, nu tsü meyi ceen sa.

ZEKHARIYA 6:8

Tsaseng wi tangnyilowa na hi wi maghachi, “Goru aghawa Babylonia wi kewathu tsüna Apvüwa leben ketsuwa sapi ceen sa thsüdha.”

SHICÜSI 25:8

nu anyi tsüwa nu nzawa manyi niedu nithsüjjen wina apie pi manyi qho mejenthighu. Hatinu adhagha na Israel yasa kebenwa tsü khen,

AYENZHÜNENG 13:17

Yasa kesauthu tsü mangla pi nthu ghena nthengla, isalethu, Apvüwa na aghekepvü wi khapeghe nu nthu nantizen chicüben. Ma nthu nantizen cü nu ma nthu bamyithu wi khishiketheng ti nthu sapi anyi ji kayi ntsa yathsüaben.

AYENZHÜNENG 13:18

Keujüla nthu na ma yenkhukechithu hi nansü pi nthu cü keben tsüdi nie nu Apvüwa nthu Nyiza tuwi ketsatanwa tsü sa lethu.”

JOSHUA 10:27

Aghani kedulen wi Joshua na ahza khuchi nu mathu kamang tsü pie shaya nu pi hatuwi mathu kekuthi ben alonshiku witsü khalachia. Alon ketiti pi alonshiku kedulen witsü chia, nu tsüthu tsüna nansü kecu ciwi ben.

JOSHUA 7:24

Joshua nu Israel nyi tsüdi gweghe Akhan, rükatssü, athsü, suna, Akhan tsa nu ma ngathu, ma mesüsi, gadathu, nu khaghaneni, ma nithsüjjen, nu ma keben tsüdi saghuya, nu mathu na tsüthu sen nu Ketizenkesa Yyiketijü wi wa.

JOSHUA 8:29

Ma Ai wi kadimiwa pi achanton kesü wi hangthi nu ma kamang teshi pi minulen kecu ciwi ben thsüa. Ghani du keten wi ma kamang tsü pieshalo kesa Joshua na ahza khuchi, nu tsü piesha pi anyunuti khweti-jenka kedulen wi cüchia. Mathu na alon kejon pi tsü miwi kecenbhon nu tsüna nansü kecu la ben.