JOSHUA 7:25 - Kemethajüh (N) (Re-editing) Bible (BSI)

²⁵ Nu Joshua na khi, “No mangkesa na ketizenkesa hati sengho ithu miwi chi nu? Apvüwa na khili ketizenkesa sengho nmiwi chitendha!” Anyi tsüdi ngan nu alon pi Akhan nu ma theghi kecenthi nu ma keben la pi mecang.

JOSHUA 7:25 Iomraidhean Croise

ADECHHÜ 34:30

Jakob na Simeon nu Levi manyi wi kiza, “Nshinyi na agükeccü sengho hi cüdha, khili Kanaan, Periz, nu ayyi hewi anyi tsüdila hi nanmeghü tendha. Hi anyi kejon nmi, keujüla mathu saghuya nu hi ssikaghashen lethu hi nu itheghi maben la yasa ben.”

ADECHHÜ 38:24

Asha kecheng seng wi nyu pahan na Judah kiza, “Ncünyiewa Tamar na keqheza menkedsa nza ti sa nu ma khili atsa-npvü tendha.” Judah kekhi na, “Ma kushi pi nu ssi wa mecangthi thsülo.”

1 KHENICÜKI 2:7

Karmi tsa Akhan Zera shicübvüghathu jawi kesü na nyu ji shu keya pi Anyiza cü kesa tsüpi thengya nu kededi sengho Israel nyithu miwi chia.

KEMETSAJÜH 1:19

Teng kedsa tsüna keshüthangla teng kedsawa kahangli yaden—— anyi thowa na yasayala wi hang ten khe hati saden.

KEMETSAJÜH 15:27

Keujüla no atsentsa nkenye wi kiyiya le kiden lethu no ntheghi pi agükeccü wi chiden. Alaa meyala isathu no kesie hang yaden.

LEVIYEN 20:14

Npvüza kesü na bvütsanyi qho yaya lethu, ma kecheng qho pi mecangthiaben, kepaghenanye mathu anyankekinyen kekuli sa kesalina; nthu jawi hati ha nsala.

LEVIYEN 20:2

Israel nyithu wi khi thsü, “Nthu nyelela asang nthu jawi hang ketenthu kesüle kesü lela thowa na ma tsangathu pi atsaghang Molek kekinyi wi sen thsü khe azitenti mabenla alon pi ma kecenthiaben.

LEVIYEN 21:9

Keqhaikedi kesü nga na keqheza menkedsa sa wa lethu ma ma ba nyankenyün ben; ma pi mecangthiaben.”

LEVIYEN 24:14

“Anyi tsüwa ssinu kemnanpen na ameiwa wi shhulo. Ma kishencü keben za keyathu tsüdi ma sazzidha le khishi nu akwen chang pi ma miwi chi nu azitenti maben alon pi ma kecenthiaben.

GALATIANYI 5:12

Hi anyi nthu pakivvü ketenthu tsü yala bvü thsü nu mathu ya mathu ketanla agheghü sa thsü mvuben le!

AYENZHÜNENG 13:10

Alon pi ma kecenthilo! Ma nthu na Ejipt wi nyu nssümagha sa keben wi nthu kekasha keyawa Apvüwa nthu Nyiza wina nthu ssi bvüale sa kesalina.

AYENZHÜNENG 13:11

Tsaseng wi Israel nyi tsüdila mangwa khati sadha khe zayaben; mathu na messi nu anyi kesüla hati nkemehai nsa nengdha.

AYENZHÜNENG 17:5

anyi tsüwa ssi shhula anyuti na ameiwa alon pi kecenthilo.

AYENZHÜNENG 21:21

Tsaseng wi anyunuti wi anyithu na alon pi ma kecenthiaben, isanu nkemehai hawi nthu na shhuyaben. Israel jawi tsüdila mangwa khati sadha khe zaya nu messiben.

2 THESSALONIKANYI 1:6

Anyiza na kemeshonwa tsü saben; ma ketizen kesa sengho nthu ya ketizen sa thsü kebenthu cüben,

IBRINYI 12:15

Anyiza nanketizen ncüzzi le kesa ghena kiden-kesha yalo. Thola ya kekha chan kesü ti shigü shagha nu anyi kejon sa pi agüccü thsü nsala.

JOSHUA 6:18

Isala nthu na yasalo kesathu mangla khu meyala nu tsüdi yasa khilo; Keujüla nthu na pala pahan khuya lethu, nthu na agükeccü nu kededi sengho Israel nyithu kemnanpen wi chiaben.

JOSHUA 7:15

Yasa pilo kesa tsanqai senketen anyi tsüwa khushi keyawa ma theghi nu ma keben tsüdi gweghe pi anni wi mecang sh aben, kepaghenanye ma hi cenkethenjüh tsü pakhhi nu nkemehai kejüghekeya sengho Israel miwi chidha.”

1 SAMUEL 14:29

Jonathan na luneng, “Iba na ithu nyithu miwi khatila qhethiketen kesa satheng nu! Ghangchilo, hi anikholi tsü kedsa ghena khatila hanhashu sadha nu!