JOSHUA 7:24 - Kemethajüh (N) (Re-editing) Bible (BSI)

²⁴ Joshua nu Israel nyi tsüdi gweghe Akhan, rükatssü, athsü, suna, Akhan tsa nu ma ngathu, ma mesüsi, gadathu, nu khaghaneni, ma nithsüjjen, nu ma keben tsüdi saghuya, nu mathu na tsüthu sen nu Ketizenkesa Yyiketijü wi wa.

JOSHUA 7:24 Iomraidhean Croise

ADECHHÜ 18:25

No khiela ketsatanthu pi gheshighenathu gweghe pathia nben. Tsüti saya nben. No mangla tsüti sa nben. No tsüti sa lethu ketsatanthu pi gheshighenathu gweghe meten-meshadha. Tsüti saya nben. Ayyi tsüdi wi ajüh kekaghatenwa tsüna kemeshonwa saden.”

Job Lesüshen 20:15

Gheshighenawa na mathu ghanfükeya keben-keyeng tsü tuweshi den; Anyiza na mathu pvü non wi lela khunengya ben.

BVÜKESHHU 20:5

Atsikezhü tuwi nkukedula nyelela tsü nkinyila, kepaghenanye hi Apvüwa nthu Nyiza nu anonkemeyen Nyiza. Hi kemeten sengho hi nanmeghü ketenthu nu mathu shicüthu abvüye kecheng nu mejü kecu wi cüden.

KEMETSAJÜH 15:27

Keujüla no atsentsa nkenye wi kiyiya le kiden lethu no ntheghi pi agükeccü wi chiden. Alaa meyala isathu no kesie hang yaden.

Sansichhü 5:13

Hi ayyi hawi qhethiketen kesa kesü mudha; anyithu na mathu nsenthu keyishü tsüwi senle kesalina mathu pisa mesha den,

ISAYA 65:10

Mathu na hi kinyi nu mathu khaghaneni nu amesüsithu ssinu niduwa Sharon Deshentijü wi nu nishuwa Kekivvü Yyiketijü wi atsse yaben.

HOSEYA 2:15

Hi ma kheni keben kemeshentsse lli tsüpi ma cü neng nu Kekivvü Yyiketijü tsü sapi kaghangkeben-jenka kesü sa cüaden . Ma Egipt wina keshhugho ma kepvünyi tsüwi ti ma hi luneng ben.

JOSHUA 15:7

Ketizenkesa Yyiketijü wina Debir wi wa, nu aghawa na kheneng sen Gilgal wi Adummin Pass kepeghewa na yyiketijü cülawa wi wa. Tsüti sa sen nu Enshemesh tssükebvüpen wi wa Enrogel wi shu,

JOSHUA 22:20

Zerah tsawa Akhan na keyisha tsanqaithu tsü ghena ayenkhukechi nkinala. Akhan ketan ma kesami ghena nshü isala Israel nyi zitenti mabenla tsü ghena khatila ketizensa khe meshenchilo.”

JOSHUA 6:18

Isala nthu na yasalo kesathu mangla khu meyala nu tsüdi yasa khilo; Keujüla nthu na pala pahan khuya lethu, nthu na agükeccü nu kededi sengho Israel nyithu kemnanpen wi chiaben.

JOSHUA 6:21

Mathu na njünnu sen nu anyunuti wi anyi nza nu npvüzathu tsüdi, ghanyi nu keqhaithu, tsüdi süthia. Mathu na amesüsi, khaghaneni, nu gadathu la pathia.

JOSHUA 7:1

Apvüwa na Israel nyithu wi mathu na Jerikho wi mangla khu meyala pi yasalo kekhi tsü n-niela. Anyi kesü ma nyan Akhan kesa na ahza tsü n-niela, tsalina Apvüwa na Israel nyithu miwi aghepvü ntsa sa. (Akhan na Judah mizza wi Zerah gei wi Zabdi tsawa Karmi tsa.)

JOSHUA 7:23

Mathu na nithsüjjen wi tsüthu khu sen wa Joshua nu Israel tsüdi cüa, nu tsüthu pi Apvüwa tuwi chia.

JOSHUA 7:26

Mathu na alon kejon pi ma miwi kaghapvü kesa tsüna nansü kecu ciwi ben. Tsalina apen tsüpi khili la Ketizenkesa Yyiketijü le khiden. Tsaseng wi Apvüwa na ma leben nminula.