JOSHUA 7:2 - Kemethajüh (N) (Re-editing) Bible (BSI)

² Joshua na Jerikho wina anyi pahan kesun pi wa Bethaven kete wi Bethel na nishuwa anyunuti kesü Ai wi ayyi hhainan walo ahza khuchi. Mathu na wa tsüti kesa seng wi,

JOSHUA 7:2 Iomraidhean Croise

ADECHHÜ 12:8

Tsaseng wi ma apen ketsen sen nu Bethel nyunuti na nishuwa yikha wi cü nu ciwi Bethel wi niduwa nu Ai pi nishuwa sanu manyi jüwi ma kemnanpen saya. Ciwi la ma kekinyipen kesü saya nu Apvüwa kinyi.

ADECHHÜ 28:19

Ma apen tsü nyan pi Bethel ciya. (Anyuti tsüwa tsüna kuti wi pi Luz le khi.)

1 KADIMITHU 12:29

Ma suna pi amesü zza süpon kesathu tsü kesü pi Bethel wi nu kepawa pi Dan wi chia.

NEHEMIYA 11:31

Benjamin mizza nyithu na aghawa Geba wina wala Mikhmash, Ai, Bethel nu tsü kete anyuthu,

KEMETSAJÜH 20:18

Kesansi kemehai yaya isathu no mehai yaden; acho mangla nmila aghi tsü keka nwala.

KEMETSAJÜH 24:6

Kepaghenanye, no aghi npi kesali wina kiden-kesha nu acho kiden meyathu yishü, nu no khati jikayi kesansi kemehai muya khe tsüti no khang yaden.

ISAYA 10:28

Hi nankemeghüthu süpahizi na Ai nyunutiwa tsü yayadha. Mathu na Megrom pvüdhi sen nu wadha! Mathu na mathu tsanqai pi Mekmash wi teshidha.

JEREMIYA 49:3

Heshbon nyithu, magha shaghalo! Ai na yasadha! Rabbah wi nzathu, anongü wa yilo! Aleshithsü mphi nu anongülo. Chükivvü nu bvülo. Ncenpvü Molek pi ma keqhaikedithu nu kaditsathu ssinu gweghe kushiyyi wi bvüaden .

HOSEYA 4:15

“No Israel nyithu na hi wi jühtsentsa nsa lela, Judah nyithu tsü tsü makesü nkesawa salo. Gilgal nyelela Bethaven wi nkinyila, nyelela hangkebenwa Apvüwa nyan wina ciwi kekishen nsala.

MATHI 10:16

“Kinalo! Hi nthu pi khaghaneni ti sala kesun pi atennithu jawi chiben. Nthu na amaghang ti meghe-metsa nu nkhetsü ti ayencüki mehai nsathu yishü.

EFESANYI 5:15

Tsalina nthu khati hang ten khe kiden-kesha yalo. Anyi kejüphon ti nyela kemetsa nyi ti sa nu hanglo.

JOSHUA 12:9

Israel nyithu na anyunuti hathu wi kadimithu chaya; Jerikho, Ai (Bethel kete),

JOSHUA 18:12

Aghawa mathu ggü na Jordan wina sasen Jerikho na aghawa kesüphi wi shu nu nidu kepeghewa yyishiphon diyyiwa tsü pvüdhi sen Bethaven yyikeshü kecu waben.

JOSHUA 2:1

Tsaseng wi Joshua na Akakia kemnanpen wina wahhai keni kizala wa kuthila Kanaan yyi wi Jerikho nyunutiwa tsü hhainanlo kesun chi. Manyi na khathansha wi wa anyunutiwa tsü cuya khe, manyi wa keqheza menkedsa nza kesü ma nyan Rahab jjen wi ben.

JOSHUA 7:3

mathu na kheneng gho Joshua wi kiza, “Anyi maben na wala Ai nssisala mehai. Anyi hazar keni nyelela kecheng-u ketan kesun chilo. Süpahizi maben kesun pi ciwi nkesali thsü lalo; tsüna anyunuti keti nyele.”

1 SAMUEL 13:5

Filistinthu na Israel nyithu ssisale saghuya; mathu na aghi goru garithu hazar changha, anyi goru kessithu hazar tugho, nu süpahithu na atssükedone ghüsa wi ahachan ti ben. Mathu na Mikhmash, Bethaven na niduwa wa nu ciwi kemnanpen sa.

1 SAMUEL 14:23

wala Bethaven thenkeghe chia. Tsü ghanan Apvüwa na Israel hangsha cü.

1 SAMUEL 30:27

Ma tsüthu tsü kesun pi Bethel wi anyithu, Judah cülawa Ramah wi anyithu, nu anyuti hathu wi anyithu, Jattir,