JOSHUA 6:4 - Kemethajüh (N) (Re-editing) Bible (BSI)

⁴ Keqhaikedithu meshu tagü, kesüsü na tutuwa kesüsü pie nu Cenkethenjüh Khitson tuwi waben. Tugho ghanan wi keqhaikedithu na tutuwa khou nu no nu nsüpahithu na lentsen sen nu tagü tughu anyunutiwa tsü vülo.

JOSHUA 6:4 Iomraidhean Croise

ADECHHÜ 2:3

Anyiza na sawegü pi atsathang tagüwa miwi chi nu tsü sametha, kepaghenanye ma sahangchi cenya theng nu tsü ghanan mnan wa.

1 KADIMITHU 18:43

Ma ma maghawa wi khi, “Wala atssükedone wiwa ghangchilo.” Amaghawa na wa nu kheneng gho khi, “Hi pala kesüla nmule.” Elijah na ma tagü tughu wala ghangchilo ma kiza.

2 KADIMITHU 5:10

Elisha na amagha kesü kesun pi ma wala ma ketanla Jordan Ghaku tssü witsü tagü tughu tensha yalo, isathu ma agükedsakenaa tsü mehaitha yaben na kesa ma kiza thsü.

2 KADIMITHU 5:14

Tsalina Elisha na kekhi ti Naaman na Jordan Ghaku wi cü ma ketanla atssü non wi tagü tughu du tensha nu ma mehaitha ya. Ma sa na züya nu mehai pi meme gwo ti sa.

2 KHENICÜKI 13:12

Anyiza na ma ketanla ithu kessiwa nu ma keqhaikedithu na hewi tutuwa sen nu khou chile ithu cipi aghi wi nthu ssisa thsüle kidenben. Israel nyithu, Apvüwa nthu bamyithu Nyizawa tsü ssikaghashenle nsa lalo! Nthu na khangya nbenle!”

2 KHENICÜKI 20:17

Nthu na aghi ha sa nben. Wa nthu pen kidenya nu hie benla; Apvüwa na khangkeya pi nthu kecü muya ben. Judah nu Jerusalem nyithu, kesütu nyelela nmessi lalo. Aghi wi walo, Apvüwa na nthu ssiten le!”

2 KHENICÜKI 20:19

Kohath nu Kora gei wi Levi nyithu na shagha nu misikhhali magha pi Apvüwa Israel Nyiza seng.

2 KHENICÜKI 20:21

Anyithu ssinu kecenkinali keya sengwi kadimiwa na akhwi kechüthu pahan ya mathu matsü kemetha wi pvüketen agwomejuwa kaghazuthu tsü pvüya nu “Apvüwa Sengle! Ma kaghali na anuphan benden!” kesa khwisa sen süpahizi tuwi walo ahza khuchia.

Job Lesüshen 42:8

Khili amesü süpon tagü nu khaghaneni süpon tagü sen nu Job wi wa nu tsüthu pi nthu ketanla nthu hhansha salo. Job na nthu ghena khie chithu hi ma kekhie luneng cü nu nthu kepvü qo-u wi kejüghe meya thsüla ben. Nthu na ma kekhi ti icüki tsentsawa nkhi.”

ISAYA 27:13

Tsü tsathang na kegho wi tutuwa kesü khou chi nu Assiriya nu Ejipt wi Israel kushinyi na kebenthu tsüdila ci neng yaben. Mathu na gho Jerusalem wi yyishiphon kemetha wi Apvüwa kinyiden.

LEVIYEN 14:16

ma kwenzza ajewa pi ten chiya nu pi Apvüwa ketenpen wi tagü tughu keghü chiben.

LEVIYEN 4:6

Ma kwenzza pi ajjü non wi tsü tenchi nu pi keshonthsü kemetha tuwi tagü tughu keghü chiben.

ZEKHARIYA 4:2

nu keü, “No mangwa muben nu?” Hi lunengchi, “Suna pi kesa ahulakedonpen kesü. Ma shoni wi adeli pi kechi ghena akhuzza kesü ben. Ahula-kedonpenwa miwi ahula tagü na ben, ahula kesüsü miwi ahyikhu kechipen tagü na ben.

ZEKHARIYA 4:6

Tangnyilowa na Apvüwa wi ketsijüh hapi Zerubbabel cülo hi wi kiza: “No süpahizi kekhang nyelela no kezü wina nye, isala ighamu ghena no khang yaden.

SHICÜSI 23:1

Ma Balak wi kiza, “Ighena kekinyipen tagü salo, nu amesü süpon tagü nu khaghaneni süpon tagü sen gholo.”

JOSHUA 6:3

No nu nsüpahithu na ghanan kesü wi kuti lentsen sen nu anyunutiwa tsü vü ben, nthu na ghanan tugho tsüti saben.

JOSHUA 6:5

Tsaseng wi mathu na tutuwa tsü kesie khou chithu, nthu na tsü zaya meyi anyi tsüdila misikhhali jishalo, isalethu, anyunuti khwetithu tsüna bvücaben. Tsaseng wi süpahizi mabenla anyunutiwa non witsü bvü dulo.”

CCÜCAKECHI 1:20

No ikwen ajewa ghotsithu tagü keben, nu suna pi kesa ahula kedonpenthu tagü kemu tsü ma jjügi na ha: ghotsithu tagü tsüna kemehu tagü nyilothu, nu ahula kedonpenthu tagü tsüna kemehuthu tagü.

CCÜCAKECHI 1:4

Johan na zhü pi Asia yyi wi Kemehuthu Tagü kecü: Khili kebenwa, kheni na ketenwa, nu ha seng wi gho ketenwa, nu aghamu tagü ma kadipen tu wi ben ketenthu,

CCÜCAKECHI 10:3

nu ahhai misikhhali ssensitemi kaghamo hhai ti jisha. Ma jisha kechi seng wi atsankeshigü tagü na ghamo pi ma lunengchi.

CCÜCAKECHI 15:1

Tsaseng wi tang wi pala zensu nu amankesa keti mu. Tangnyilothu tagü na adhagha sakhen tagü senden, kepaghenanye tsüthu na Anyiza leben kekha pi ccüca kechi sakhendha.

CCÜCAKECHI 15:7

Tsaseng wi hangben keten ghangsathu mejü ja wi kesü na anuphan nu anuphanla hangben ketenwa Anyiza leben kekha pi pongti chi ketheng suna hikhu tagü tsü pi tangnyilothu tagü cü.

CCÜCAKECHI 16:1

Tsaseng wi hi kekinyijjen wina ahhai misikhhali kesü tangnyilothu tagü wi khi keben zaya: “Wala Anyiza leben kekha hikhuthu tagü tsü pi ayyi miwi keshusha chilo!”

CCÜCAKECHI 5:1

Hi kadipen miwi donki kebenwa kwen ajewa wi kezhüllu kesü mu; tsüwa non wi ghapeli qho zhübhon nu mechantsithu tagü pi jen theng.

CCÜCAKECHI 5:6

Tsaseng wi hi Khaghanenizzawa na kadipen mnon wi ngan, hangben keten ghangsathu mejü nu keshenpfüthu na ma vü sen keben mu. Khaghanenizzawa tsüna pathi kesa ti. Tsüna ma ghacü tagü nu anyon tagü ben, tsüthu tsüna Anyiza ghamu tagü kesun pi ayyi maben wi chi kesathu.

CCÜCAKECHI 8:2

Tsaseng wi hi tangnyilothu tagü na Anyiza tu wi ngan keben mu, nu tutuwa tagü pi mathu cü theng.

CCÜCAKECHI 8:6

Tsaseng wi tangnyilothu tagü na tutuwathu tagü pi khou chi le kiden sen nu shhugho.