JOSHUA 6:26 - Kemethajüh (N) (Re-editing) Bible (BSI)

²⁶ Ha tsüwi Joshua na kekitsan kedhu kesü sachi: “Anyi thowa na Jerikho nyunutiwa ha sanengle sa khe Apvüwa kishen-keshi pvüyaben. Thowa na ma giketegü chi khe ma tsa tssütsewa na shüaben; Thowa na ma kaghapeng jenkathu sa chi khe ma tsa bvükhenwa na shüaben.”

JOSHUA 6:26 Iomraidhean Croise

1 KADIMITHU 16:34

Ma kadikesa tsüwi Bethel wina keghowa Hiel na Jerikho sa neng. Apvüwa na Nun tsa Joshua wina khi ketheng ti Hiel na Jerikho giketegü wi ma tsa tssütsewa Abiram, nu tsü kaghapeng jenkathu kesa wi ma tsa bvükhenwa Segub na nmila.

1 KADIMITHU 22:16

Isala Ahab na khineng, “No Apvüwa nyan wina hi wi kekhi wi atsentsawa khilo! Hi khaju tughu tsüti no kiza nu?”

2 KADIMITHU 2:4

Tsaseng wi Elijah na Elisha wi khi, “Khili no hewi ben lalo; Apvüwa na hi Jerikho wi walo kesunchi benle!” Isala Elisha na luneng, “Hi hangkebenwa Apvüwa nu njühkeya wina hi no teshiya nbenle kesa kishen ben.” Tsalina manyi gweghe Jerikho wi wa.

MALAKHI 1:4

Keujüla Esau shicübvügha Edom nyithu na “Ithu nyutithu na yasadha, isala ithu na tsü sa nengya tenle” khi lethu, Apvüwa na luneng ben, “Mathu ya tsü sa neng thsülo— hi kheneng tsü pheghe cüden. Anyithu na tsüthu pi ‘Nkemehai diyyiwa’ nu ‘Apvüwa na anuphanla ma miwi aghepvü keben mizzatentiwa’ tsüti ciaden.”

MATHI 26:63

Isala Jisu na ccen benwa. Keqhaikedi Kemisiwa na kheneng ma wi khi, “Hi khili hang kebenwa Anyiza nyan wina no pi kishen thsüben: no Anyiza Tsawa Messiya tsü la, pi ithu kizalo.”

KEKULI 19:13

Judah nyi pahan kijünyi wa ketenthu na Apvüwa Jisu nyan sen nu nkemehai ghamu na anyithu miwi kebenthu wi hati khi nu jügü, “Hi Paul na pi nyu sansi ketenwa Jisu nyan wina ahza pi no cüben.”

JOSHUA 16:7

Isanu tsüna Janoah wina cüla Ataroth, Naarah, nu Jerikho cuben, nu Jordan wi kenten saben.