JOSHUA 6:23 - Kemethajüh (N) (Re-editing) Bible (BSI)

²³ Tsalina manyi dula Rahab, ma ba, ma jja, ma baghathu, nu ma theghi kepathu ssi shhugho. Manyi na ma theghi nu nssümaghathu tsüdi ssinu Israel nyithu kemnanpen kete yazishu kesa pen wi wa.

JOSHUA 6:23 Iomraidhean Croise

ADECHHÜ 12:2

Hi ashicü kejon pi no cüden, nu mathu na mizzatenti keti kemehai saben. Hi sawegü pi no cü nu n-nyan sa mechan chiden, isanu no kesawegü kepvüwa saden.”

ADECHHÜ 18:24

Keujüla ciwi ketsatan nyi deni na ben lethu no anyunuti tsü maben yasaten kwe? Ketsatan nyi deni ghena no anyuti tsü meyasala sa nben kwe?

ADECHHÜ 19:29

Isala Anyiza na yyiketijü wi Lot na hang keten nyunuti keni tsü keyasa wi ma Abraham meshenya nu Lot yala bvü shhu yathsüa.

SHICÜSI 31:19

Nthu na nyu pathi nyelela keshü kamang kidhen kesathu tsüdila ghanan tagü kemnanpen na ameiwa benlalo. Kecheng nu tagü ghanan wi nthu na nthu nu nthu na ghankeya nzathu tsü satemethalo.

KEKULI 10:28

Ma mathu wi khi, “Nthu na chüben, Judah nyi kesü na Judah nyi nkenye jjen wi wa, nyelela gweghe nten. Isala Anyiza na hi anyi kesütanla pi nmetha nyelela kenenkagha le nsa lalo kesa pi hi ccüca chidha.

KEKULI 27:24

nu khi, ‘Paul, nmessi lalo! No wala Rom Kadimiwa tuwi n-nganthu yishü, nu Anyiza na ma kemehai wina no gweghe wa ketenthu tsüdi kahangli hangsha cüben.’

1 KORINTHNYI 5:12

Hi anyi amei wi kebenthu jühkekaghakhi-u nye. Anyiza na mathu jühkekaghakhiben. Isala nthu ketanla nthu shukesa nyithu jühkekaghakhiya nben kwe? Ntsawajüh na kekhi ti, “Nthu jawi anyi nkemehaiwa tsü khushilo.”

EFESANYI 2:12

Tsü tsüwi nthu na Khrista wiwa nye. Nthu na asang sa nu Anyiza na kessikeya nyi nsa. Anyiza na pi ma nyithu cüle kesa ghena khishi ketheng cenkethenjüh wi tsü nthu ji nmi, nu nthu na ayyi ha wi kaghang nmi nu Anyiza nchüla hang.

IBRINYI 11:31

Kenondi ghena qhezamen kedsawa Rahab pi Anyiza jüh nkekinathu gweghe npathi, kepaghenanye ma anonkeghe sala Israel nyi wahhaithu ssiya.

IBRINYI 11:7

Kenondi ghena Noah na Anyiza wi ma nkemu gha keten cüki kekitsan tsü zaya. Ma Anyiza jühkina nu ahun kesü cüya nu ciwi na ma nu ma theghithu hangshaya. Tsü ghena ayyiwa tsü yasa nu Noah na Anyiza wina kegho kenondi ghena ketsatan tsü muya.

JOSHUA 2:13

Nthu na iba, ijja, ibaghathu, ipvünonthu, nu mathu theghithu tsüdi hangsha cübenle kesa hi wi khishichilo! Ithu pathi nsa lalo!”

JOSHUA 2:16

Nzawa na khi, “Yyishiphon diyyiwa wi walo, nyelethu kadimi nyi na nshinyi mu yaben. Mathu na npi kheneng kegho chu ciwi ghanan kecheng kuthi benla. Tsaseng wi ccüna nshinyi na nshinyi len wi whalo.”

JOSHUA 2:18

No hati salo. Khathansha wi ithu na nthu yyi nka gho khe no ishinyi ya ccenca cü thsü kesa ali kenmie ha pi njjenkubhi wi misüki theng lalo. Nba, njja, nbaghathu, nu nba theghithu tsüdi cighu pi njjen wi chiyalo.

PENDHENYI 1:25

Tsalina ma alen khipi mathu kiza, nu Efraim nu Manasseh nyithu na anyi tsüwa nu ma theghi ketan khe anyunuti wi anyi tsüdi pathia.