JOSHUA 6:21 - Kemethajüh (N) (Re-editing) Bible (BSI)

²¹ Mathu na njünnu sen nu anyunuti wi anyi nza nu npvüzathu tsüdi, ghanyi nu keqhaithu, tsüdi süthia. Mathu na amesüsi, khaghaneni, nu gadathu la pathia.

JOSHUA 6:21 Iomraidhean Croise

1 KADIMITHU 20:42

Atusenjüh-kechüwa na kadimiwa wi khi, “Hawa ha Apvüwa jüh le: ‘Hi anyi tsüwa pi shü thsülo khichi ketheng wi no ma pi bvü thsü kesa ghena no kahangli pi tsü dhiben, nu nsüpahizi na ma süpahizi pi bvü thsü kesa ghena mathu yasa ben.’ ”

JEREMIYA 48:18

Nthu Dibon wi hang kebenthu, nthu kekinyikü pen wina dugholo, nu ayyinikhu miwi donkilo; Moab keyasawa na hewi tendha, nu ma khweti yasa pi thengdha.

AYENZHÜNENG 13:16

Anyi ciwi kahangthu keben tsüdi saghu sengho anyuti non wi saghuya. Tsaseng wi anyuti tsüwa nu ciwi keben tsüdi mecang pi Apvüwa nthu Nyiza wi kekinyi salo. Anuphanla tsü yisha pia nu khiela tsü nsa neng lalo.

AYENZHÜNENG 2:34

Tsü tsüwi ithu na anyuti tsüdi yasa, nu nza, npvüza, nu ghanyithu tsüdi yathia. Thola pi nhang thsü.

AYENZHÜNENG 7:16

Apvüwa nthu Nyiza na pi nthu kekhang kekhu wi chikesa mizzatentithu tsüdi yasa nu mathu nantizenchi nsala. Mathu cenpvüthu tsü nkinyila, kepaghenanye tsüna nthu ghena aca kesü saben.

JOSHUA 10:28

Joshua na tsü ghanan Makkeda nu ma kadimiwa ssikaghashen nu ma ghanya. Ma anyunuti wi anyi tsüdi pi shü thsüa; anyi kesüla pi nhang thsüla.

JOSHUA 10:39

Ma anyunuti tsüpi ma kadimi nu tsü kevü wi anyunutithu tsüdi wwala yaya. Mathu na anyi tsüdi pi shü thsüa. Joshua na ma Hebron nu Libnah nu ma kadimi miwi sa kechi ti Debir nu ma kadimiwa miwi la sachia.

JOSHUA 11:11

Mathu ciwi anyi tsüdi pi shü thsüa; anyi kesüla pi nhang thsüla nu anyunutiwa tsü la mecang.

JOSHUA 11:14

Israel nyithu na anyunuti hathu wi atsanqai menkedhu nu asahangthu khuya nu pi mathu ghena thengya. Isala mathu na anyi tsüdi pi shü thsüa; anyi kesüla pi nhang thsüla.

JOSHUA 8:2

No Jerikho nu ma kadimiwa miwi mangwa sachi khe tsüti Ai nu ma kadimiwa miwi la sachilo, isala no khili tsü atsanqaithu nu asahangthu tsü pi nji saya yilo. Anyunuti sengwa na wa tsü ssisalo.”

JOSHUA 8:22

Israel nyi anyunutiwa wi kebenthu na gho mathu gweghe nu aghisa. Tsalina Israel nyithu na Ai nyithu vüya nu mathu tsüdila pathi khia. Anyi kesütanla bvü meya, nu thola hang meyala.

JOSHUA 9:3

Isala Gibeon wi anyithu tsüna Hivi nyithu, mathu Joshua na Jerikho nu Ai miwi kulikechi tsü zaya,

CCÜCAKECHI 18:21

Tsaseng wi tangnyilo kesü na kenyeggülon keti kesü piekiya nu pi atssükedone non wi khalachi nu khi, “Babilon ketiwa tsüna hati nu pi yasa-yala wi khalachiaben nu khiela nmu nengdha.

1 SAMUEL 15:3

Wala Amalek nyithu ssisa nu mathu keben tsüdila yasa pi cülo. Mangla nheila; anyi npvüza, nza, ghanyi nu memethu tsüdila, amesüsi, khaghaneni, sunsiesa, nu gadathu mabenla pathilo.”

1 SAMUEL 15:8

Ma Amalek kadimiwa Agag ma kahang ghanya nu anyi kepa wi tsüdi pathia.