JOSHUA 6:19 - Kemethajüh (N) (Re-editing) Bible (BSI)

¹⁹ Pala katsüha lela rükatssü, suna, lezza, nyelela amighe pi kesathu kuthi pi Apvüwa ghena makepa salo. Tsü pi Apvüwa ghena kebenketheng pen wi chilo.”

JOSHUA 6:19 Iomraidhean Croise

2 SAMUEL 8:11

Kadimiwa David na tsüthu pi kekinyi wi senle kesalina ma mizzatenti kepathu miwi khangya nu khuya kesathu suna nu rükatssü tsü gweghe pi —

1 KADIMITHU 14:26

Ma Kekinyijjen nu kadijjen wi keben-keyeng tsüdi pi Solomon na kesa suna tsonhithu tsü saghu sen bvüa.

1 KADIMITHU 7:51

Kadimi Solomon na Kekinyijjen wi kekuli tsüdila sa cenkeya wi ma ma ba David na sametha pi Apvüwa wi chikesathu rükatssü, suna, nu atsanqai kepathu tsüdila pi Kekinyijjen keben ketheng-jjen wi chia.

2 KADIMITHU 24:13

nu Kekinyijjen nu kadijjen wi keben tsüdi pvü nu Babilon wi wa. Apvüwa na npi wina khi ketheng ti Kadimi Solomon na Kekinyijjen wi kesen ji suna pi ahyikhuthu kesa tsü Nebukhadnezzar na tsüdila pakhhia.

1 KHENICÜKI 18:11

Kadimi David na tsüthu pi ma mizzatentithu — Edom, Moab, Ammon, Filistia, nu Amalek chakeya wi khukeya rükatssü, suna saghu la kekinyi wi kesen ghena satemethaya.

1 KHENICÜKI 26:20

Mathu pvüshang Levi nyithu na ajuthu satemetha pi Anyiza kecü Kekinyijjen wi keben-keyeng nu keben ketheng- jjenthu kenonccathu sa thsü.

1 KHENICÜKI 26:26

Shelomith nu ma theghithu na Kadimi David, atheghithu wi alikesathu, agei kepapa wi accülikesathu, nu süpahizi kedithu na ajuthu pi Anyiza wi satemetha kechi tsüdi noncca.

1 KHENICÜKI 26:27

Mathu na aghikesa wi shukeya tsanqaithu pahan khuya nu tsüpi Kekinyijjen wi kesen ghena satemetha.

1 KHENICÜKI 26:28

Shelomith nu ma theghithu na Kekinyijjen wi kesen ghena satemetha kesathu pi atusenjüh-kechüwa Samuel, Kadimi Saul, Ner tsa Abner, nu Zeruiya tsa Joab, mathu na ajuthu senkegho tsü saghu la tsüdila noncca.

1 KHENICÜKI 28:12

Ma accühha nu tsü kevü keshondhithu, nu Kekinyijjen tsanqai nu Apvüwa wi ajuthu satemetha kechithu pi ketheng-jjenthu tsüdi ghena ma leben wi kiden keben tsüpi Solomon cüa.

2 KHENICÜKI 15:18

Ma ma ba Abijah na satemetha pi Anyiza wi chi kesathu nu ma khupi satemethachi kesa suna nu rükatssü tsanqaithu tsüdi pi Kekinyijjen wi chia.

2 KHENICÜKI 31:12

nu ajuthu nu gishü tagha wi kesü tsüdi pi ciwi mehaitsü thengya. Mathu Levi nyi kesü ma nyan Konania pi tsü kaghangwa sa nu ma cünyuwa Shimei pi ma kekiqawa sa thsüa.

NEHEMIYA 10:38

Gishü tagha wi kesü tsü kesaghu wi Aaron shicübvügha keqhaikedithu na Levi nyithu gweghe benben, nu Kekinyijjen wi kesen ghena Levi nyithu na gishü tagha wi kesü mathu na saghu keya tsüdi miwi gishü tagha wi kesü sen wa Kekinyijjen kebenketheng jjen wi chiaben.

JEREMIYA 38:11

Tsalina Ebedmelek na mathu ssiya nu wan kadijjen tsanqai ketheng pen wi athsüqae pahan khusengho ali pi mesüten nu pi hi wi changchi cü.

LEVIYEN 19:24

Mejü mapi wi kedsau bi tsüdi pi hi Apvüwa, keseng wina satekemetha kekinyi kesü keccüna sa chiben.

MIKA 4:13

Apvüwa na khiben, “Jerusalem nyithu, wala nthu ghinyithu meten cü lo! Hi nthu sapi amesü süpon kesü na amighe pi ma ghacü sa nu lezza pi ma mezzen sapvü keten kezü ti sa cüden. Nthu na mizzatenti kejon cücha, nu mathu na yasayala wina mukeya keben-keyeng tsü nthu na pi ayyi maben Pvüwa, hi kinyi ben.”

SHICÜSI 31:11

Mathu na atsanqai peghekeya tsüdi pi atssüzüthu nu asahangthu saghula khuya,

SHICÜSI 31:12

nu tsüthu khusen Mosa, Eleazar, nu Israel nyi zitenti na Jerikho wina Jordan yyi khhakawa Moab deshentijü wi kemnanpen sa keben wi tsü gho.

SHICÜSI 31:22

Pala mecangya nketen suna, rükatssü, lezza, amighe, tin, nyelela shisha, hathu tsüdi pila anni wi sametha shaben. Pala kepa wi tsüdila satemetha le kesalina sakemetha tssü pi bhu shaben.

MATHI 27:6

Keqhaikedi ntsathu na apisa tsü khuya nu khi, “Hawa ha ajjü men apisa nu ha pi kekinyijjen keben wi kechi ayen nmi.”

MARK 12:41

Jisu na kekinyijjen keben kechipen kete wi ben nu anyithu na mathu pisa pi kechi tsü ghang ben. Keban kejon na apisa kejon sengho cü chiben;

JOSHUA 7:11

Israel na samidha! Hi mathu ya nieyalo kekiza mathu ssinu cenkethenjüh tsü mathu na pakhhidha. Mathu na atsanqaithu yasalo kesa tsü pahan khuyadha. Mathu na milimesa nu tsüthu ghanfü pi mathu ji saghu yadha.