JOSHUA 6:18 - Kemethajüh (N) (Re-editing) Bible (BSI)

¹⁸ Isala nthu na yasalo kesathu mangla khu meyala nu tsüdi yasa khilo; Keujüla nthu na pala pahan khuya lethu, nthu na agükeccü nu kededi sengho Israel nyithu kemnanpen wi chiaben.

JOSHUA 6:18 Iomraidhean Croise

2 SAMUEL 21:1

David na kadikesa tsüwi azeng kedhu ntsa kesü na amapi kecheng kemtson sa. Tsalina David na tsüghena Apvüwa ccüneng nu Apvüwa na khi, “Saul nu ma theghi na anyi kepathi ghena samile; ma Gibeon nyithu pi shü thsüle.”

Sansichhü 9:18

Kemetsa na aghighethu miwi kemehai jiki sa yaden, isala kesami nyi kesü na pala kemehai kejon yasa den.

JONA 1:12

Jonah na luneng, “Hi pi atssükedone wi khala chilo, isalethu tsüna ceen sa shaben. Nthu na caghamo kemessi wi ben kesa hana hi kesazzi le kesa hi chüben.”

ROMNYI 12:9

Nanketizen tsüna leben tsentsa nsathu yishü. Nkemehaiwa nanmeghü nu kemehaiwa tsü ghansenya.

2 KORINTHNYI 6:17

Tsalina Apvüwa na khiben, “Nthu na mathu teshi nu shhugho lo nu mathu wina nthu kepa sayalo. Nkemetha tsü ssinu mangla nsala, isathu hi nthu ssiyaben.

EFESANYI 5:11

Anyithu na sa keten kejang kekuli pala ma men nkemithu tsü gweghe mangla nsala, isala tsüthu tsü pi nyu chüya thsülo.

AYENZHÜNENG 13:17

Yasa kesauthu tsü mangla pi nthu ghena nthengla, isalethu, Apvüwa na aghekepvü wi khapeghe nu nthu nantizen chicüben. Ma nthu nantizen cü nu ma nthu bamyithu wi khishiketheng ti nthu sapi anyi ji kayi ntsa yathsüaben.

AYENZHÜNENG 23:10

Keujüla anyi kesü na aghaja wi ma gwotssü keji kesa ghena nmethala ben lethu ma ya kemnanpen ameiwa shhula benla thsülo.

AYENZHÜNENG 7:26

Tsikezhü hathu ha kesüla sen nu nthu jjen wi nghola, isalethu tsüthu miwi kishen-keshi tsüna nthu miwi ghoaben. Nthu na tsikezhü hathu nanmeghü nu nanqanan nsathu yishü, kepaghenanye tsüthu na Apvüwa kishen-keshi cakhu wi bendha.”

JAMES 1:27

Abawa Anyiza tu wi atsentsa nu kemetha keccüna tsüna ha: Magha-maghangthu nu denyi-demathu na ketizen sa keben wi mathu nantizenchi, nu ayyi nkemehaiwa wi methasi benkeya.

JOSHUA 7:1

Apvüwa na Israel nyithu wi mathu na Jerikho wi mangla khu meyala pi yasalo kekhi tsü n-niela. Anyi kesü ma nyan Akhan kesa na ahza tsü n-niela, tsalina Apvüwa na Israel nyithu miwi aghepvü ntsa sa. (Akhan na Judah mizza wi Zerah gei wi Zabdi tsawa Karmi tsa.)

JOSHUA 7:13

Shaghalo! Wa anyithu sametha nu mathu ya ituwi ghole kidenya thsülo. Mathu dhitsü wi kidenyalo kizalo, kepaghenanye hi Apvüwa Israel Nyizawa na ha khiben: ‘Israel, nthu jawi hi yasa pilo kekhi tsanqaithu tsüna bendha. Nthu na tsüthu tsü khupi nkesa tsü nthu na nthu ghinyithu tuwi nganya nbenle!’

JOSHUA 7:15

Yasa pilo kesa tsanqai senketen anyi tsüwa khushi keyawa ma theghi nu ma keben tsüdi gweghe pi anni wi mecang sh aben, kepaghenanye ma hi cenkethenjüh tsü pakhhi nu nkemehai kejüghekeya sengho Israel miwi chidha.”

JOSHUA 7:25

Nu Joshua na khi, “No mangkesa na ketizenkesa hati sengho ithu miwi chi nu? Apvüwa na khili ketizenkesa sengho nmiwi chitendha!” Anyi tsüdi ngan nu alon pi Akhan nu ma theghi kecenthi nu ma keben la pi mecang.

1 JOHAN 5:21

Itsangathu, nthu na milikemesa cenpvüthu tsü ghüyalo!

1 SAMUEL 15:9

Isala Saul nu ma nyithu na Agag npathi nu khaghaneni, amesüsi, amesü zza nu khaghaneni zza kemehai ntsathu nyelela atsanqaithu heiya; mathu na nsenla kemehai nu ma men nkemithu tsüdila yasa.