JOSHUA 6:17 - Kemethajüh (N) (Re-editing) Bible (BSI)

¹⁷ Anyunuti ciwi keben pala tsüdi yasatha sapi Apvüwa kekinyi sa nsathu yishü. Keqheza menkedsa nza Rahab nu ma jjen wi ma gweghe kebenthu ketan heilo, kepaghenanye ma ithu wahhaithu tsü pi kuthi cüle.

JOSHUA 6:17 Iomraidhean Croise

ADECHHÜ 12:3

“Hi sawegü pi no cü ketenthu sawegü cüden. Isala kishen cü pi no cü ketenthu kishen cüden.” “Nu hi no wina sawegü pi mizzatenti tsüdila cüden.”

EZRA 10:8

tsüna anyi ccülikesathu na ahza khukechi wina. Keujüla anyi kesüle kesü lela ghanan kecheng jü tsü nghola lethu, ma keben tsüdila khuya ben, nu ma azitenti jawi anyi kesü sakeya kemeshon nmila ben.

ISAYA 34:6

Ma njünnuwa tsüna khaghaneni zza nu aneni jjü pi kekinyi kesa jjü nu kethu ti mathu jjü nu kethu pi pong yaben. Apvüwa kekinyi hawa ha pi Bozra nyunutiwa cüaden; ma Edom yyi wi anyi pathi ntsa kesa ha sachiben.

JEREMIYA 46:10

Hana Kemisintsa Apvüwa Kekhangwa tsathang: ma nansü ajukhi yaden; ma nansü ma ghinyithu meten cüden. Ma njünnu na mathu dsa pi npi pongkeya chu dsaben, nu mathu jjü jjü pi aleben gha nkeya chu jjüden. Nansü Kekhang ntsawa na ma nkechathu pi aghawa Eufrat wi ahhansha saben.

EZEKIEL 39:17

Kemisintsa Apvüwa na hi wi khi, “Keshü nyiwa, apen tsüdi wi aghangsa nu awathu cichi nu hi mathu ghena ahhansha kesa kiden kebenwa ha dsa thsülo. Tsüna Israel yikha miwi kemishu keti kesü sa. Ciwi mathu na asa dsa nu ajjü jjüden.

LEVIYEN 27:21

Pi Kecüneng Mapi vvüthiwa nten alli tsüna anuphanla Apvüwa ji saben, tsüna keqhaikedithu ji sadha.

MIKA 4:13

Apvüwa na khiben, “Jerusalem nyithu, wala nthu ghinyithu meten cü lo! Hi nthu sapi amesü süpon kesü na amighe pi ma ghacü sa nu lezza pi ma mezzen sapvü keten kezü ti sa cüden. Nthu na mizzatenti kejon cücha, nu mathu na yasayala wina mukeya keben-keyeng tsü nthu na pi ayyi maben Pvüwa, hi kinyi ben.”

MATHI 25:40

Kadimiwa na luneng ben, ‘Hi atsentsa nthu kizaden, nthu na kusi inyi hathu jawi kizza ntsawa kesü miwi ha sachi khe tsüna ighena sachile.’

1 KORINTHNYI 16:22

Thowa na Apvüwa tizen nten khe kishen-keshi ma miwi benlo! Marana tha — Ithu Pvüwa, gholo!

1 KORINTHNYI 2:7

Hi kemetsa jüh pi kekhi tsüna Anyiza wi kekuthi kemetsa pi anyi tuwi kuthi ketheng, isala ayyi npi kesachi wina Anyiza na ithu nyankethang ghena kiden ketheng tsüle.

GALATIANYI 3:10

Ayenwa kekuli tsü nondi nu hang ketenthu tsüdila kishen-keshi kekhu wi ben. Kepaghenanye Ntsawajüh kekhi na, “Thowa na keshüthangla Ayenwa lesüshen wi zhü kethengthu tsüdila nie nu sa nten khe Anyiza kishen-keshi kekhu wi ben.”

GALATIANYI 3:12

Isala Ayenwa tsüna kenondi ssinu mangla kesa nmi. Tsüti kesawa nye, Ntsawajüh na kekhi ti, “Thowa na Ayenwa tsüdila nie nu kuliten khe hang yaben.”

AYENZHÜNENG 20:17

Apvüwa na nthu kekiza ti anyi tsüdi pathitha salo: Hitti, Amor, Kanaan, Periz, Hivi, nu Jebus nyithu.

IBRINYI 11:31

Kenondi ghena qhezamen kedsawa Rahab pi Anyiza jüh nkekinathu gweghe npathi, kepaghenanye ma anonkeghe sala Israel nyi wahhaithu ssiya.

IBRINYI 6:10

Anyiza na nkemeshon sa nten. Nthu na kemethathu wi ma ghena kuli nu kiqa cü nu ketizen pi ccücachi kesa tsü nu khilila sa keben tsüti Anyiza na malia nben.

JAMES 2:25

Keqhezamen kedsawa Rahab la tsü makesü sa. Ma kekuli wina Anyiza tu wi meshonya; ma Israel nyi wahhaithu ssiya nu mathu kiqa pi alen kepawa wina bvü thsüa.

JOSHUA 2:1

Tsaseng wi Joshua na Akakia kemnanpen wina wahhai keni kizala wa kuthila Kanaan yyi wi Jerikho nyunutiwa tsü hhainanlo kesun chi. Manyi na khathansha wi wa anyunutiwa tsü cuya khe, manyi wa keqheza menkedsa nza kesü ma nyan Rahab jjen wi ben.

JOSHUA 2:22

Wahhai keni na yyishiphon thu wi wa kuthiwa. Kadimi nyithu na ghanan kecheng diyyiwa tsüdi wi manyi bha, isala mathu na manyi mu meyala kesalina mathu Jerikho wi kheneng wha.

JOSHUA 7:1

Apvüwa na Israel nyithu wi mathu na Jerikho wi mangla khu meyala pi yasalo kekhi tsü n-niela. Anyi kesü ma nyan Akhan kesa na ahza tsü n-niela, tsalina Apvüwa na Israel nyithu miwi aghepvü ntsa sa. (Akhan na Judah mizza wi Zerah gei wi Zabdi tsawa Karmi tsa.)

1 SAMUEL 15:3

Wala Amalek nyithu ssisa nu mathu keben tsüdila yasa pi cülo. Mangla nheila; anyi npvüza, nza, ghanyi nu memethu tsüdila, amesüsi, khaghaneni, sunsiesa, nu gadathu mabenla pathilo.”

1 SAMUEL 15:6

Ma kekitsan kesü kesun pi Ken nyi kheni mathu bamyithu na Israel nyithu na Ejipt wina shhugho keten tizenchi kecüthu wi chi, “Amalek nyithu tsü teshi nu bvülo, nthu na mathu gweghe nshüle kesalina.” Tsalina Ken nyithu na bvüa.