JOSHUA 5:9 - Kemethajüh (N) (Re-editing) Bible (BSI)

⁹ Apvüwa na Joshua wi khi, “Nansü hi nthu wi Ejipt wi nssümagha kesa nyankekinyen tsü khupidha.” Tsalina apen tsü nyan pi Gilgal cia, nu anyan tsüna khili la ben.

JOSHUA 5:9 Iomraidhean Croise

ADECHHÜ 34:14

Mathu na ma wi khi, “Ikhang tssüggüwa pi ahyu nkahan nyi wi n-nuwa thsüya nben, tsüna ikhang nkekhichi nkenyuwa saben.

2 SAMUEL 19:15

Kadimiwa na ghoneng keten alenca wi Judah nyithu na Jordan Ghaku wi ma metu, mathu na Gilgal wi gho ma ssinu aghaku pvüdhile kesalina.

NEHEMIYA 12:29

nu Bethgilgal, Geba, nu Azmaveth wina gho saghu ya.

ZAKECI 119:39

Nyu kekimenni kemessi wi tsü hi hangsha cülo; njühkekaghakhithu tsüna khatila amansa nu!

JEREMIYA 9:25

Apvüwa na khiben, “Hi Ejipt, Judah, Edom, Ammon, nu Moab nyithu nu ayyikeshü wi keben nyi alica pi milute ” sapvü keten nyithu tsü meten cü keten matsüwa na gho tendha. Anyi hathu tsüdila ahyuhandha, isala cenkethenjüh zensuthu tsü nie nten. Anyi hathu nu Israel nyithu kesüla hi cenkethenjüh tsü nie nten.”

EZEKIEL 23:3

Manyi ghanyi Ejipt wi hang keten wi manyi pvünyimetha wi hang meyala keqheza menkedsa sa wa.

EZEKIEL 23:8

Ma Ejipt wi ma pvünyimetha bhataghakea tsü wi keqheza menkedsa sa keshagha kekuli tsü nteshi. Ma kaghala tsü wi nyu ma ssimehai nu ma pi keqheza menkedsa ti sa.

HOSEYA 4:15

“No Israel nyithu na hi wi jühtsentsa nsa lela, Judah nyithu tsü tsü makesü nkesawa salo. Gilgal nyelela Bethaven wi nkinyila, nyelela hangkebenwa Apvüwa nyan wina ciwi kekishen nsala.

LEVIYEN 24:14

“Anyi tsüwa ssinu kemnanpen na ameiwa wi shhulo. Ma kishencü keben za keyathu tsüdi ma sazzidha le khishi nu akwen chang pi ma miwi chi nu azitenti maben alon pi ma kecenthiaben.

AMOS 5:5

Bersheba wi kinyile nwala. Bethel wi hi bha nwala, Bethel na mangla nkenye saaben. Gilgal wi nwala, ma nyithu na kushiyyi wi wa thsüa le sadha.”

MIKA 6:5

Inyithu, Moab Kadimiwa Balak na nthu miwi mangwa sale kiden nu Beor tsawa Balaam na khati ma lunengchi khe tsü meshen yalo. Akakia wina Gilgal wi wa keten kemnanpen wi mangwa sa khe tsüthu meshenya. Hathu ha meshenchithu hi nthu hangshayale kesa ghena mangwa sachi khe nthu na chüyaben.”

ZEFANIYA 2:8

Kekhangntsa Apvüwa na khiben, “Hi Moab nu Ammon nyithu na inyithu kimenni nu nankeqhe keben nu mathu na inyithu yyi pigheya ben le khi kapvü keben tsü zadha.

JOSHUA 24:14

“Tsalina khili Apvüwa kinyikü nu aleben ntsa nu ajühtsentsa sala ma kekuli salo. Nthu bamyithu na Mesopotamia nu Ejipt wi kinyi kegho cenpvüthu tsü teshi nu Apvüwa kekuli ketan salo.

JOSHUA 4:19

Anyithu na asha atuwa wi tagha ghanan wi Jordan pvüdhiya nu wa Gilgal wi kemnanpen sa, tsüna Jerikho na nishuwa.

JOSHUA 5:8

Ahyuhan cenkeya seng wi ayisü npi kema chu mizzatenti mabenla kemnanpen wi ben wa.

1 SAMUEL 14:6

Jonathan na pvüzawa wi khi, “Ishinyi Anyiza nkechüthu Filistinthu kemnanpen witsü du na. Apvüwa na ishinyi kiqa cüla mechü; ishinyi ketan lela ma mangla khangkeya pi ishinyi nkecü sa nben.”

1 SAMUEL 17:26

David na anyi ma gweghe ketenthu wi keü, “Anyi kesü na Filistinwa ha pathi nu Israel kekimenni tsü senbvü cü lethu ma mangwa muyaben nu? Anyiza nkechünyi Filistin na hangkeben Nyizawa süpahizi nyankekinyen sa keben ha thowa nu?”

1 SAMUEL 17:36

Hi ssensitemithu nu aduwengthu lela pathidhale, hi Anyiza nkechünyi Filistin na hangkebenwa Anyiza süpahizi nyankenyen kebenwa ha miwi tsü makesü sa cüden.

1 SAMUEL 7:16

Ma amapi kaghapengla Bethel, Gilgal, nu Mizpah wi wa nu apen hathu wi kicennalijüh tsü südhe.