JOSHUA 5:14 - Kemethajüh (N) (Re-editing) Bible (BSI)

¹⁴ Anyi tsüwa na khineng, “Keni qho nyele, isala hi Apvüwa süpahizi benchüwa sala hewi ben.” Joshua na ayyi wi qancadu kinyi nu khi, “Kediwa, hi nmaghawa le. No hi ya mangwa sa thsü mvu ben nu?”

JOSHUA 5:14 Iomraidhean Croise

ADECHHÜ 17:17

Abraham na kukedu ayyi wi ghangwa, isala ma tsü meshen kechi wi keqhe nu khi, “Anyi kesü ma kahang amapi meza wi atsa benya mehai kwe? Sarah na ma kahang amapi achentugu wi atsa pvüghaya mehai kwe?”

ADECHHÜ 17:3

Abram na kukedu ayyi wi ghangwa nu Anyiza na ma wi khi,

2 SAMUEL 7:19

Isala no tsümiwi la saben, Kemisintsa Apvüwa; no ghaketen mapithu wi ishicübvüghathu ghena khishichidha. Nu no anyi kesü yala ha muya thsüdha. Kemisintsa Apvüwa!

2 SAMUEL 7:20

Hi tsü miwi mangwa le no kiza yadha nu! No nmaghawa cüki chüben.

ZAKECI 110:1

Apvüwa na iPvüwa wi hati khi, “Ikwen ajewa donki ben lalo hi nghinyithu tsüdi pi nccü cakhu wi npi kechi cü chu.”

ZAKECI 24:10

Kadimiwa ha thowa nu? Ma khangkeya kebenwa Apvüwa ma kadimithu kadimiwa le.

BVÜKESHHU 4:10

Isala Mosa na khi, “Nyele, Apvüwa hi nkesun chi lalo. Hi ajüh khi kemehai nyi nye, nu no ccüneng keshagha wi lela hi tsüti npi saya. Hi imili dsaden nu ajüh ashina khi keten nyile.”

BVÜKESHHU 4:13

Isala Mosa na luneng, “Nyele, Apvüwa, anyi kepa wi kesun chilo.”

ISAYA 55:4

Hi ma pi mizzatentithu ccüliwa nu benchüwa kesü sa thsü, nu ma miwi na hi kekhang pi mathu ccüca.

ISAYA 6:8

Tsaseng wi hi Apvüwa na kekhi hhai za, “Hi thowa kesunchi nu? Thowa na ithu nyilowa sa nu?” Hi luneng, “Hi waten le, hi kesunchilo!”

EZEKIEL 3:23

Tsalina hi ayyiketijü witsü cü, nu hi ciwi Apvüwa nyankethang, Khebar Ghaku kete wi kemu tsüti kesa mu. Hi ayyi wi qancadu nkhwen wa,

DANIEL 10:13

Persia kadinyu kaditsa nyilowa na ghanan nkwe nu kesü hi matang wale. Tsaseng wi nyilothu jawi kediwa Mikhael na gho hi kiqa, kepaghenanye hi ketan teshi pi ciwi Persia wi chitheng.

DANIEL 12:1

Tangnyilo linenthsü mphi ketenwa na khi, “Tsü tsüwi nyilo kediwa Mikhael, n-nyithu ghihie ketenwa na shhughoden. Tsaseng wi matsü nkemehai ntsa, mizzatentithu na ben keshagha seng wi npi kegho kesü na ghoden. Tsü tsüwa na ghothu, mizzatentiwa wi anyan pi Anyiza lesüshen wi zhü kethengthu tsüdila hangsha yaden.

DANIEL 8:11

Tsüna tang süpahizi benchüwa lela nkhichi, atsathangla ahhanshathu sapi ma cü keten tsü khen, nu Kekinyijjenwa tsü yasa.

LEVIYEN 9:24

Apvüwa na zuli anni kesun chi pi mecang pi kekinyi nu kekinyipen miwi asa kethu tsü mecang. Anyithu na tsü kemu wi mathu tsüdi magha nu ayyi wi nkhwendu shan.

SHICÜSI 16:22

Isala Mosa nu Aaron manyi ayyi wi nkhwendu nu khi, “Oh Anyiza, no kahangli tsüdi sa kechiwa. Anyi kesü na sami lethu, no azitenti maben miwi n-ghepvü ten kwe?”

SHICÜSI 16:45

“Anyi hathu wina kheneng bvülo, hi khili mathu yasa cüden!” Manyi na ayyi wi nkhwendu,

SHICÜSI 22:31

Tsaseng wi Apvüwa na Balaam ya tangnyilowa na njünnu sen nu ngan keben tsü muya thsü; nu Balaam na ayyi wi nkhwendua.

MATHI 22:44

‘Apvüwa na iPvüwa wi khi: Hi nghinyithu pi nccü cakhu wi npi kechi chu ikwen ajewa donki benlalo.’

MATHI 8:2

Ciwi agükedsakenaa nyi kesü na ma tuwi ghola akhhutsüdu nu ma wi khie, “Apvüwa, no kenen lethu, no hi sa pi mehai cülo.”

Luk Zhükechi Jühtheü Kemehaiwa 1:43

Hi thowa lenu Apvüwa jja na hi hhainan ghoben nu?

Luk Zhükechi Jühtheü Kemehaiwa 20:42

Kepaghenanye David na ma ketanla Zakeci lesüshen wi khi, ‘Apvüwa na iPvüwa wi khi: Ikwen ajewa donkiyalo;

Luk Zhükechi Jühtheü Kemehaiwa 5:12

Kuti wi Jisu na anyuti kesü wi keben ciwi agükedsakenaa nyi kesü na ben. Ma Jisu muya meyi ma mmi zan nccüggü nu khi, “Apvüwa, no saya mehai lethu hi sa pi mehai cülo!”

JOHAN 20:28

Thoma na ma luneng, “IPvüwa, nu iNyiza!”

KEKULI 9:6

Isala no shagha nu anyunutiwa wi tsü walo, ciwi no mangwa nsathu yishü khe pi no kizaben.”

FILIPPINYI 3:8

Pala tsüthu ketan nye; Apvüwa Jisu Khrista cüki tsüdi miwi ma men kebenwa tsü ghena hi pala tsüdi pi ma men nkemi saden. Hi ma ghena tsüdila teshidha; hi Khrista wi kekiyi muya le kesalina tsüthu pi acenya ti sa,

IBRINYI 2:10

Anyiza pala tsüdi sahangkechi nu kenonccawa na anyi tsüdi ssi gho ma nyankethang wi benya thsüle kesalina ma Jisu sa pi ketizen kesa wina mehai cencuya thsükea tsü ketan na meshon ya. Kepaghenanye Jisu tsüna mathu ssinu hangshakeya wi wa ketenwa.

JOSHUA 20:1

Apvüwa na Joshua kiza

CCÜCAKECHI 12:7

Tsaseng wi tang wi aghisa shagha. Mikhael nu ma nyilothu na kemanthisa ssinu kesali, nu kemanthisawa la ma nyilothu ssinu tsü ssikaghashen.