JOSHUA 5:10 - Kemethajüh (N) (Re-editing) Bible (BSI)

¹⁰ Israel nyithu na Gilgal deshentijü wi Jerikho kete wi kemnanpen sa keben wi mathu na asha tsüwa taghamejü ghaja Shhukeya Kho tsü sa.

JOSHUA 5:10 Iomraidhean Croise

2 SAMUEL 15:28

Hi aghansha wi aghakughu witsü no wi jühtheü npi zakeya chu no hiebenla ben na.”

BVÜKESHHU 12:11

Nthu na kijünyi wa keten ghena ageshi qhangya, accüguwen pi nthu ccü wi chiya, nthu kwen wi akhhatssü khuya, nu kaghaji ntsa tsü ndsathu yishü. Hi Apvüwa, hi kekinyi ghena hawa ha Shhukeya Khowa tsüle.

BVÜKESHHU 12:18

Asha atuwa wi taghamejü ghaja na wala ngwe nu kesü ghaja kecu nthu na azimi nkechi mesa tsü dsalo.

BVÜKESHHU 12:6

Isanu asha tsüwa ghanan taghamejü ghaja Israel nyithu mabenla asahang kesü pathi ben.

JEREMIYA 39:5

Isala Babilon süpahizi na mathu jügü sen wa Jerikho deshentijü kete wi Zedekiya ghanya. Nu mathu na ma ssinu Kadimi Nebukhadnezzar na Hamath yyi wi Ribla nyunuti wi keben wi wa, nu Nebukhadnezzar na ma miwi ajühkaghaten.

EZEKIEL 12:3

“Tsalina keshü nyiwa, kushinyi kesü ti ntsanqai bhenya, nu aghaja tsü npi kegho wi alentsen chilo. Nu anyi tsüdila no apen kepa wi bvü tendha le kesa muya thsülo. Kahhaghe nyi tsüthu na no chüshiya mehaile.

LEVIYEN 23:5

Shhukeya kho, asha atuwa wi taghamejü ghanan aghani du meyi na tsü sashhu nu Apvüwa kinyiküben.

MIKA 6:5

Inyithu, Moab Kadimiwa Balak na nthu miwi mangwa sale kiden nu Beor tsawa Balaam na khati ma lunengchi khe tsü meshen yalo. Akakia wina Gilgal wi wa keten kemnanpen wi mangwa sa khe tsüthu meshenya. Hathu ha meshenchithu hi nthu hangshayale kesa ghena mangwa sachi khe nthu na chüyaben.”

JOSHUA 4:19

Anyithu na asha atuwa wi tagha ghanan wi Jordan pvüdhiya nu wa Gilgal wi kemnanpen sa, tsüna Jerikho na nishuwa.

JOSHUA 5:11

Dhitsüwa tsüna mathu Kanaan wi shigü keshagha tsse asu kennun nu azimi pi nkechi mesa kedsa tegüwa.

JOSHUA 9:6

Isanu mathu na Gilgal wi kemnanpen wi wala Joshua nu Israel nyithu wi khi, “Ithu na alen kesie wina ghoben, ithu na nthu ssinu keponghu samvu ben le.”

1 SAMUEL 7:16

Ma amapi kaghapengla Bethel, Gilgal, nu Mizpah wi wa nu apen hathu wi kicennalijüh tsü südhe.