JOSHUA 5:1 - Kemethajüh (N) (Re-editing) Bible (BSI)

¹ Jordan na niduwa Amor nyi kadimithu nu Mediterranean Tssükedone kete wi Kanaan nyi kadimithu tsüdila Israel nyithu na Jordan npi pvüthikeya chu Apvüwa na tsü sapi keqha thsüle kesa zaya. Mathu na messi nu mathu kempvüza nmila.

JOSHUA 5:1 Iomraidhean Croise

ADECHHÜ 12:6

Abram na ayyi tsü pvüdhi sen nu Moreh ji chanton kemetha, Shekhem wi kemetha pen kesü wi ghoya. (Tsü tsüwi Kanaan nyithu na ayyi ciwi hangben.)

ADECHHÜ 48:22

Hi njünnu nu alamugho sen nu Amor nyithu wi nkakeya Shekhem yyi kenyan yegu tsüpi ncünyuthu nyela no cü ben le.”

2 SAMUEL 21:2

(Gibeon nyithu tsüna Israel nyithu nye; mathu na Amor nyithu akhang kizzakeu kesü Israel nyithu na khwecüle khishikethengthu, isala Saul na ma Israel nu Judah nyithu ghena mathu yasatha sale sa.)

1 KADIMITHU 10:5

Nzawa na Solomon miz wi ma kedsakejjü pi cü keten, ma kedithu kahang jjenthu, ma kadijjen wi kekulithu kecükepengyen nu mathu thsümeni pvü keten, kemishu wi ma hie keten amaghathu, nu ma Kekinyijjen wi ahhansha sapi kinyi ketenthu tsüdi mu. Ma tsüthu mu pi amansa nu ahathashu meyala.

EZRA 9:1

Hathu ha tsüdila sa cenkeya sengwi Israel nyi ccülikesathu pahan na gho hi wi anyithu, keqhaikedithu, nu Levi nyithu na mathu diyyi ketsaki Ammon, Moab, Ejipt nyelela Kanaan wina keghothu, Hitti, Perez, Jebus, nu Amor nyithu wi mathu kepa sa meya ladha le kiza. Mathu la anyi hathu na nankiqanan kekuli kesathu makesü sa.

ZAKECI 135:11

Sihon, Amor nyithu kadimiwa, Og, Bashan kadimiwa, nu Kanaan wi kadimithu tsüdi.

BVÜKESHHU 23:28

Hi amejü nikhothu kesun pi nthu tuwi na nthu ghinyi Hivi, Kanaan, nu Hitti nyithu jügüshiaden.

ISAYA 41:5

“Ayyi temeja wi kebenthu na hi mangwa sachi khe mudha; mathu na qhethi nu messila kedheggü. Tsalina mathu tsüdila saghu nu gho.

EZEKIEL 16:3

Jerusalem wi Kemisintsa Apvüwa na ma wi khi keben pi kizalo: “Kanaan yyi wi na no pvüghaya. Nba na Amor nyi, nu njja na Hitti nyi kesü.

EZEKIEL 21:7

Mathu na no wi mangkesa na ghadhi bennu kesa keü lethu, mathu wi jühtheü gho ketenwa tsü ghena le kizalo. Tsüna ghothu kemessi na mathu leben pong shaden, mathu kwen na keyha waden, mathu na kempvüza nmila, nu mathu khu na khukhu waben. Matsü na ghodha, tsüna hewi bendha.” Kemisintsa Apvüwa na khidha.

DANIEL 5:6

Ma qhethiketen nu phalagha sa nu ma khhu keni la kedheggü wa.

AMOS 2:9

“Isala inyithu, hi nthu ghena Amor nyithu mathu na sie pi sedar chanton ti nu zü pi ayang chanton ti kesathu tsü yasatha sale.

SHICÜSI 13:29

Amalek nyithu na ayyi cülawa; Hitti, Jebus, nu Amor nyithu na yyishiphon diyyi; nu Kanaan nyithu na Mediterranean Tssükedone kete wi Jordan Ghaku niela hangben.”

JOSHUA 17:12

Isala Manasseh nyithu na anyi anyuti tsüthu wi hang kebenthu jügüshi meyala, tsalina Kanaan nyithu na ciwi hang wa.

JOSHUA 17:18

Yyishiphon diyyiwa tsüna nthu ji saben. Tsüna ayinong kesü saben lela nthu na ma katen pahanwa na wa kepawa kecu tsü sametha nu pi nthu ji sayalo. Kanaan nyithu na amighe gorugarithu ben nu mathu na anyi kezüthu lela nthu na mathu jügüshiaben.”

JOSHUA 24:15

Keujüla nthu na ma kekuli nsamvu lethu, nthu bamyithu na Mesopotamia wi kinyi kegho cenpvüthu tsüla, nyelela Amor nyi nthu na khili mathu yyi wi hang keben cenpvüthu tsü khe nthu na thowa kekuli saten khe nansü südhe yalo. Hi nu itheghi ghena tsü ithu na Apvüwa kekuli ketan saden.”

JOSHUA 3:16

atssü na lle nwala dan shula Zarethan nyunuti ketsaki Adam kecu dan. Ssanwa lle sen cüla Keshü Tssükedone kecu danbhon nu anyithu na Jerikho kete wina tsü pvüdhi wa.

JOSHUA 3:17

Anyithu tsüdi ayyi keqha wi lentsen nu Jordan npi pvüdhi keyakhi chu keqhaikedithu na Apvüwa Cenkethenjüh Khitson pie nu manon ayyi keqha wi ngan.

CCÜCAKECHI 18:10

Mathu na temeja wi ngan ben, kepaghenanye mathu na ma gweghe ketizen kesa tsü messiben. Mathu khiben, “Qhethiketen le! Khatila amankesa nu! Babilon, keti nu kekhang nyunutiwa! Amighe kekihhe kesü jü ketan na no meten cüdha man!”

PENDHENYI 1:1

Joshua keshü seng wi Israel nyithu na Apvüwa wi keü, “Ithu mizzathu khawa na atuwa sala wa Kanaan nyithu ssikaghashen nu?”

PENDHENYI 11:23

Tsalina tsüna Apvüwa Israel Nyizawa tsü ghena le, ma ma nyithu Israel ghena Amor nyithu jügüshi cüle.

PENDHENYI 3:3

Anyi hathu teshi pi ayyi ciwi theng: Filistin nyunuti manga, Kanaan nyithu tsüdi, Sidon nyithu, nu Hivi nyi Lebanon Yikha wi Baal Yikha Hermon wina wa Hamath Pass kecu wi hang kebenthu.

PENDHENYI 4:2

Tsalina Apvüwa na Kanaan nyi kadimi kesü Hazor nyunuti wi kekhang sen kebenwa Jabin yala mathu miwi khangya thsüa. Ma süpahizi wi benchüwa na Sisera, Anyiza nkechüthu nyu Harosheth wi hang ketenwa.

1 SAMUEL 25:37

Nabal na metsakeya seng wi ma wubvü na tsüdi khipi ma kiza. Ma khulidu ketizensa ntsa nu cügüshütha sa.