JOSHUA 4:7 - Kemethajüh (N) (Re-editing) Bible (BSI)

⁷ nthu na mathu wi Apvüwa Cenkethenjüh Khitson pie nu Jordan Ghaku kepvüdhi wi atssü na nganwale khiben. Alon hathu ha na keshüthangla Israel nyithu wi hewi mangwa sa khe meshenya thsüaben le.”

JOSHUA 4:7 Iomraidhean Croise

ZAKECI 111:4

Apvüwa na ithu yala ma kekuli amankesathu tsü mali thsü nten; ma ccatssü nu nantizen ntsa.

BVÜKESHHU 12:14

Hi Apvüwa mangwa sa chidha khe meshenben le kesalina nthu na keshüthangla keccüna kho kesü ti tsü sa nbenthu yishü. Ghaketen matsü tsüdi wi lela ha sabenlo.”

BVÜKESHHU 28:12

Tsüthu pi adepfü-kewhengthsü miwi chi pi Israel mizza taghakeni mithon saya. Tsüti nu Aaron na ma depfü miwi mathu nyan kezhü tsü pvü ben; isanu hi Apvüwa, hi keshüthangla inyithu meshen benle kesalina.

BVÜKESHHU 30:16

Israel nyithu wi apisa ha saghuya nu pi hi ketenpen Nithsüjjen ghena nonccalo. Khajana hawa ha mathu kahang ghena nu hi mathu khwetenle meshen yaden.”

ISAYA 66:3

“Anyithu na mathu kesamvuwa tsü saden. Mathu ghena tsü mathu na amesü süpon pathi pi ahhansha sa le, anyi pi ahhansha sa lela; mathu na khaghaneni zza pi ahhansha sa le, affü sun handhi lela; mathu na asu pi kekinyi sa le, avü jjü pi chi lela; mathu na hankedemvu pi kekinyi sa le, atsikezhü wi kekhie sa lela; tsüdila makesü. Mathu na nankiqanan kekinyi kesa wi mathu nenden.

SHICÜSI 16:40

Hana Israel nyithu ghena kekitsan kesü, Aaron shicü nkenye anyi thola gho kekinyipen wi Apvüwa ghena hankedemvu nmecang thsüle kesalina. Nyelethu ma la pi Korah nu ma nyithu ti yasa ben. Ha tsüdila Apvüwa na Mosa wina Eleazar kekiza ti sa.

SHICÜSI 17:5

Hi anyi kessiya kesawa khhatssü tsüna shigü shagha thsüaben. Hatinu hi Israel nyi hathu keshüthangla leben nkaghajüh khipi hi shun keten tsü khen shaben.”

1 KORINTHNYI 11:24

keseng pi Anyiza cü, pakhhiya, nu khi, “Hawa ha igwo, nthu ghena khukechi. Hi kemeshen zensu wina ha satenlo.”

AYENZHÜNENG 16:3

Nthu na atsse tsü kedsa wi azimi pi kechi mesa ndsala. Nthu na kaghajila Ejipt teshi wale keben wi kesa ti nthu na ghanan tagü azimi pi nkechi mesa dsaben. Amesa pi ketizen kesa mesa le khi keten ha dsalo, nu nthu hang keben chu nthu na ketizen kesa pen Ejipt wina shhugho keya tsathang tsü meshen benle kesalina.

JOSHUA 4:6

Alon hathu ha na anyithu wi Apvüwa na mangwa sachi khe meshenya thsüaben. Ashiseng wi nthu tsangathu na nthu wi alon hathu ha jjügi na mangwa nu nthu wi keü lethu,