JOSHUA 3:3 - Kemethajüh (N) (Re-editing) Bible (BSI)

³ nu anyithu kiza, “Khathansha wi keqhaikedithu na Apvüwa nthu Nyizawa Cenkethenjüh Khitson tsü pie keten muya khe nthu na kemnanpen tsü pheghe nu mathu nie walo.

JOSHUA 3:3 Iomraidhean Croise

2 SAMUEL 6:13

Anyithu na Cenkethenjüh Khitson tsü pie nu acükha tugho wakesa seng wi David na mathu pi ngan thsü nu ma amesü süpon kesü nu ma zza kekunon kesü pi ahhansha sa.

2 SAMUEL 6:3

Mathu na yyishiphon wi Abinadab jjen wina tsüpi amesü gari ketheü kesü miwi chiya. Abinadab tsa keni Uzza nu Ahio manyi na amesü gari tsü ssi,

1 KADIMITHU 8:3

Khathansha wi accülikesathu tsüdi saghuya khe keqhaikedithu na Cenkethenjüh Khitsonwa tsü pieki,

JEREMIYA 33:18

nu Levi mizza wina keshüthangla keqhaikedithu sa hi kekuli sa nu mecang pi kinyi, asu pi kinyi, nu ahhanshathu sa thsüben.”

SHICÜSI 10:33

Anyithu na kemetha Yikha Sinai keteshi wi mathu na ghanan kecheng alentsen wa. Apvüwa wi Cenkethenjüh Khitson na keshüthangla mathu tuwi wa mathu kemnanpen sa keten pen tsü bhaden.

SHICÜSI 4:15

Kemnanpen pheghe keten tsüwi Aaron nu ma tsathu na kemetha tsanqaithu tsüdi mejuya ccüla Kohath gei wi anyithu na ghola tsü pie yaben. Kohath gei wi anyithu na kemetha tsanqaithu tsü pa yishü, isalethu mathu na shüaben. Khathansha wi Nithsüjjenwa tsü papheghe khe hathu ha Kohath nyithu dulu.

MATHI 16:24

Tsaseng wi Jisu na ma sansikeyathu wi kiza, “Anyi kesü le kesü lela hi nie gha mvu lethu, ma ketanla ma mali nu ma kross pieya nu hi nie n-ghathu yishü.

MATHI 8:19

Ayen pi kesansi nyi kesü na ma wi gho nu khi, “Kesansiwa, hi no khiewa waten khe no gweghe waten.”

AYENZHÜNENG 31:25

Ma tsü sacen keya seng wi Levi nyi keqhaikedi Apvüwa Cenkethenjüh Khitson kenonccathu wi khi,

AYENZHÜNENG 31:9

Tsalina Mosa na Anyiza Yenwa tsü zhüya nu tsüpi Levi nyi keqhaikedi Apvüwa Cenkethenjüh Khitson kenonccathu, nu Israel nyi ccülikesathu cüa.

JOSHUA 3:4

Nthu na alen hewi npi ghanan, tsalina mathu na alen pi nthu kizaben. Isala Cenkethenjüh Khitson kete wi nwala; kilometer kesü tsü seng wi temejalo.”

JOSHUA 3:6

Tsaseng wi ma keqhaikedithu na Cenkethenjüh Khitson tsü pieya nu anyithu tuwi walo kiza. Mathu na ma kekhi ti sa.

JOSHUA 3:8

Cenkethenjüh Khitson pie keten keqhaikedithu wi mathu na wa aghaku cuya lethu, mathu atssü pvüdhi wa aghüsa wi nganlo kizalo.”

JOSHUA 4:10

Apvüwa na ahza pi Joshua cü nu anyithu ya salo kekiza tsüdila npi kesakhi chu keqhaikedithu na Jordan Ghaku non witsü ngan. Hawa ha Mosa na salo khitheng. Anyithu na kaghajila aghaku tsü pvüdhi.

JOSHUA 6:6

Joshua na keqhaikedithu cichi nu mathu wi kiza, “Cenkethenjüh Khitson tsü pieya, nu no tagü na tutuwa pie nu tsü tuwi walo.”

CCÜCAKECHI 14:4

Mathu na nzathu ssinu keqheza kesami nsa; mathu na pvünyimethathu. Mathu na Khaghanenizzawa na khiewa wa khe ma seng nieden. Mathu na ayyi wi anyithu ja wi na hangshaya nu pi atuwa sa Anyiza nu Khaghanenizzawa kinyi ketenthu.

1 SAMUEL 6:15

Levi nyithu na Apvüwa Cenkethenjüh Khitsonwa tsü pieshaya nu suna pi tsiketon na keben khitsonwa tsüpi alon keti miwi chia. Tsaseng wi Beth Shemesh nyithu na mecang pi kekinyi nu ahhansha kepathu sapi Apvüwa cü.