JOSHUA 3:16 - Kemethajüh (N) (Re-editing) Bible (BSI)

¹⁶ atssü na lle nwala dan shula Zarethan nyunuti ketsaki Adam kecu dan. Ssanwa lle sen cüla Keshü Tssükedone kecu danbhon nu anyithu na Jerikho kete wina tsü pvüdhi wa.

JOSHUA 3:16 Iomraidhean Croise

ADECHHÜ 14:3

Kadimithu ha manga mathu apfüwa saya nu Siddim Yyiketijü khili pi Keshü Tssükedone le khi keten wi mathu süpahithu gweghe saghuya.

1 KADIMITHU 4:12

Ahilud tsa Baana: Taanak, Megiddo nyunutithu, nu Beth Shen kete wi ayegu tsüdi, Zarethan kete wi anyutiwa, Jezreel nyuti acülawa, wala Abel Mehola nyunuti nu Jokmean nyunuti kecu

1 KADIMITHU 7:46

Kadimi na Jordan Yyiketijü wi Sukkoth nu Zarethan manyi jüwi amighe kecühpen wi hathu ha tsüdila saya.

ZAKECI 114:3

Kenmie Tssükedone na ghangchi nu bvüa; Jordan Ghaku na lle nwala.

ZAKECI 114:5

Mangwa na no sapi bvü thsü nu atssükedone? O Jordan na mangkesa na lle nwala nu?

ZAKECI 29:10

Apvüwa na atssü kedhu miwi la kekhang sen; ma anuphan kadimiwa ti khang.

ZAKECI 33:7

Ma atssükedone tsüdila pi apen kesü wi saghua; ma atssükedone kedhu tsüpi ma pen wi ben thsüa.

ZAKECI 66:6

Ma tssükedone tsüpi ayyi kekiqha sa; ithu bamyithu na alentsen sen nu aghaku pvüdhi. Ciwi ithu na ma kuli kechithu tsü ghena anonghe.

ZAKECI 74:15

No atssüdhegü kebvüpenthu tsü ya atssü bvüshhugho thsü; na aghaku khutithu tsü ngün thsüa.

ZAKECI 77:19

No atssükellu wi alentsen. No atssükedone kedhu tsü pvüdhi, isala ncükhathu nmu.

ZAKECI 78:13

Ma atssükedone tsü gishüzighe, nu mathu ssinu ciwi shhu; Ma atssü sa pila ajjen-keshon ti ngan thsüa.

BVÜKESHHU 14:21

Mosa na ma kwen zanki pi atssükedone miwi chi, nu Apvüwa na nishu meghü kekhang pi atssükedone mo neng thsüa. Tsüna aghaja thangthang sho nu atssükedone tsüpi ayyi qhayi sa thsüa. Atssü na gishü zighe,

BVÜKESHHU 14:22

nu Israel nyithu na ayyi keqha wi atssü na ghapeli qho ajjen-keshon ti sa nu atssükedone wina shhua.

BVÜKESHHU 14:29

Isala Israel nyithu na ayyi keqha wi atssü na ghapeli qho ajjen-keshon ti sa nu atssükedone wina shhua.

BVÜKESHHU 15:8

No tssükedone mo neng pi misikhhali kaghashun thsü; tsüna ajjen-keshon ti meshonqhe ngan wa; tssükedone kedhu ntsawa tsüna ayyitsen sa.

ISAYA 50:2

‘Inyithu na mangkesa na hi mathu hangshaya le kewa wi hi luneng nchila nu? Mang ghena hi mathu ci kechi wi nluneng nu? Hi mathu hangsha meya chala kwe? Hi ahza kesü khuchi pi atssükedone sapi qha, aghaku sapi ayyikeshü ceng, nu angathu ya atssü nkemi ghena shü thsüya mehai.

EZEKIEL 47:8

Ma hi wi khi, “Atssü hawa ha ayyiwa wi llesen nishuwa wa, nu Jordan yyiketijü nu Keshü Tssükedone wi duben. Tsüna llesen nu Keshü Tssükedone wi duthu atssü kisheng tsü sapi atssü metha thsüden.

NAHUM 1:4

Ma ajühkhuchi pi atssükedone cü, nu tsüna keqha den! Ma aghaku sapi qha wa thsüden. Bashan wi allithu na wengweng, Karmel Yikha na jü wa, nu Lebanon wi athighIthu na qanca.

HABAKKUK 3:8

Apvüwa, aghakuthu na no sapi lebentsu thsü kwe? Atssükedone na no sapi aghepvü thsü kwe? No akulukeshü miwi lentsen; caghamo kulukeshü tsüna ngorugari, no khangkeya senghola n-nyithu kecü wi.

SHICÜSI 34:3

Acülawa ggü na Zin ghansha wina Edom meggü waben. Tsüna Keshü Tssükedone cüla kenten nishuwa na sa waben.

AYENZHÜNENG 1:1

Lesüshen hawi ajühthu hana Israel nyithu na Jordan Ghaku nishuwa aghansha wi keben wi Mosa na khipi mathu kekiza. Mathu na Jordan yyiketijü wi Suf kete pahanwa na anyuti Paran nu kepawa na anyutithu Tofel, Laban, Hazeroth, nu Dizahad jüwi tsü ben.

AYENZHÜNENG 3:17

Mathu yyi niduwa na wala Jordan Ghaku cuben, aghawa Galilee Ghajü na cü acülawa Keshü Tssükedone, nu nishuwa na wala Pisga Yikha ccü kecu.

JOSHUA 12:3

ha na Jordan Yyiketijü kesaghu Galilee Ghajü wina wa acülawa Beth Jeshimoth (Keshü Tssükedone na nishuwa) nu Pisga Yikha ccü kepeghewa kecu.

JOSHUA 15:2

Acülawa ggü na Keshü Tssükedone cülawa na

JOSHUA 16:7

Isanu tsüna Janoah wina cüla Ataroth, Naarah, nu Jerikho cuben, nu Jordan wi kenten saben.

JOSHUA 3:13

Khathansha wi ayyi tsüdi wi Apvüwa Cenkethenjüh Khitson pie keten keqhaikedithu na mathu ccü pi atssü nneya khe Jordan tssü na lle nwala, nu mmiwa lle dugho keben tssü na apen kesü wi saghu waben.”

JOSHUA 4:22

nthu na mathu wi Israel nyithu na ayyi keqha miwi na Jordan pvüdhikeya cüki khiben.

JOSHUA 5:1

Jordan na niduwa Amor nyi kadimithu nu Mediterranean Tssükedone kete wi Kanaan nyi kadimithu tsüdila Israel nyithu na Jordan npi pvüthikeya chu Apvüwa na tsü sapi keqha thsüle kesa zaya. Mathu na messi nu mathu kempvüza nmila.

PENDHENYI 7:22

Gideon nyithu na mathu tutuwa khou keben wi Apvüwa na aghinyi süpahithu sapi mathu njünnu sen nu khokho ssikesali thsü. Mathu na bvüsen Zarethan kepeghewa Beth Shitta kecu, Tabbath kete Abel Mehola nyutiwa kecu wi wa.