JOSHUA 3:10 - Kemethajüh (N) (Re-editing) Bible (BSI)

¹⁰ Nthu na atujügüwathu ma Kanaan, Hitti, Hivi, Periz, Girgash, Amor, nu Jebus nyithu jügüzighe metsiben. Hangkeben Nyiza tsüna nthu jawi benle kesa nthu na chüyaben,

JOSHUA 3:10 Iomraidhean Croise

ADECHHÜ 15:21

Amor, Kanaan, Girgash, nu Jebus nyithu yyi tsüdi saghu.”

1 KADIMITHU 22:28

Mikaiya na khi, “Keujüla no kemehai sala gho neng lethu, Apvüwa na hi wina tsü nkhile!” Nu ma khineng, “Anyi tsüdila hi kekhi jüh ha kinayalo!”

2 KADIMITHU 19:4

Assiriya nyi kadimiwa na ma kekhu wi kedi ntsawa kesun pi Hangkebenwa Nyiza kimenni thsüben. Apvüwa n-Nyiza na kimennijüh zaya nu tsü kekhithu meten kecüwa salo. Tsalina ithu nyi hangkeyathu ghena Anyiza wi kekhie salo.”

1 KHENICÜKI 1:14

Kanaan na Jebus, Amor, Girgash,

ZAKECI 42:2

Hi no nmvu benle, hangkebenwa Nyiza; hi khathansha wi wala no ketenpen wi kinyiyaten nu?

ZAKECI 9:16

Ma ketsatan jüh kekaghakhi wi Apvüwa na ma ketanla ma pi ccüca chi, nu nkemehaithu na mathu kekuli ketanla mathu die yadha.

BVÜKESHHU 17:7

Apen tsüwa nyan pi Massa nu Meriba ci, kepaghenanye Israel nyithu na leben-nkaghajüh khi nu “Apvüwa na ntsakhiwa ithu ssitenla nu?” isa ma ghan-nan.

BVÜKESHHU 3:8

Tsalina hi Ejipt nyithu kwen wina mathu hangshaya nu Ejipt wina mathu ssi wa ayyi kemehai apen kemeza, ayyi kecca nu kinyan; Kanaan, Hitti, Amor, Periz, Hivi, nu Jebus nyithu na khili hang keben witsü chi cüle ghodha.

BVÜKESHHU 33:2

Hi tangnyilo kesü kesun pi nlentsütson thsüben, nu hi Kanaan, Amor, Hitti, Periz, Hivi, nu Jebus nyithu jügüshiaben.

ISAYA 7:14

Isalethu, Apvüwa na ma ketanla azensu kesü pi no cüaden : Ghala kesü na atsa npvüya nu pvügha yaden, nu ma nyan pi Immanuel ciden.

JEREMIYA 10:10

Isala Apvüwa, no tsü atsentsa Nyiza le, no hangkeben Nyiza, nu anuphanla kadimiwa le. No nlebentsu shaghathu ayyi na kedheggü den, mizzatentithu na nleben ketsu wi kethanya nben.

HOSEYA 1:10

Israel nyi na ji pi atssükedone wi ahachan ti sa nu si nkeyakhi nyelela ketegü nkeyakhi saaden. Khili Anyiza na mathu wi khiben, “Nthu na inyi nye,” isala atsathang kesü na ghothu ma hati mathu wi khiden, “Nthu na hangkebenwa Nyiza tsangathu le!”

SHICÜSI 13:29

Amalek nyithu na ayyi cülawa; Hitti, Jebus, nu Amor nyithu na yyishiphon diyyi; nu Kanaan nyithu na Mediterranean Tssükedone kete wi Jordan Ghaku niela hangben.”

MATHI 16:16

Simon Pitor na khineng, “No Messiya, hangkeben Anyiza Tsawa le.”

JOHAN 6:69

No Anyiza wina kegho Kemethawa tsü kesa ikhang na nondi nu chütiben.”

AYENZHÜNENG 31:17

Khathansha wi tsüti sa wa khe hi mathu miwi aghepvüben; hi mathu teshi nu nyu na mathu yasaben. Ketizenkesa kejon na mathu miwi ghoaben, nu mathu na hi mathu Nyiza, hi mathu nssila kesalina pala hathu na mathu miwi ghoben le kesa chüyaben.

AYENZHÜNENG 5:26

Anyi kesütanla hankebenwa Anyiza anni wina ajüh kekhi zakeya seng wi hangben kwe?

AYENZHÜNENG 7:1

“Apvüwa nthu Nyiza na nthu ssi wa ayyi nthu na benyale keben witsü chicüben, nu ma ciwi mizzatenti kejon jügüshi shaben. Nthu na atujügüwathu ma nthu miwi ketiki nu kekhangki mizzatenti tagü - Hitti, Girgash, Amor, Kanaan, Periz, Hivi, nu Jebus nyithu jügüshi cüben.

AYENZHÜNENG 7:21

Tsalina anyi hathu nmessi lalo. Apvüwa nthu Nyiza na nthu ssiden; ma kekhang Nyiza, ma kemessiu le.

1 THESSALONIKANYI 1:9

Mathu tsüdila ikhang na nthu hhainan kegho wi nthu na khati ikhang ssiya nu nthu na khati atsikezhüthu wina khapeghe sen nu Anyiza wi gho nu atsentsa nu hangkeben Nyiza kekuli saben khe tsü cüki khiben,

IBRINYI 10:31

Hangkebenwa Anyiza kwen wi khulidu kesa tsüna qhethiketen kesü saben le!

JOSHUA 11:3

Ma ajüh kesun pi Jordan ghapeli wi kebenthu Kanaan, Amor, Hitti, Periz, nu yyishiphon diyyiwa wi Jebus, Mizpah yyi wi Hermon Yikha ccü wi hang keten Hivi nyithu wi la chi.

JOSHUA 12:8

Ayyi ha na yyishiphon diyyi, niduwa yyishiphon thu ccü, Jordan Yyiketijü nu tsü yyishiphon thu ccü, nishuwa yyi-kesüphi, nu acülawa diyyi tsüdi saghu. Ha na kheni Hitti, Amor, Kanaan, Periz, Hivi, nu Jebus nyithu yyi sagho.

JOSHUA 21:45

Apvüwa na Israel nyithu tuwi khishiketheng tsüdila sacenya.

JOSHUA 22:31

Keqhaikediwa Eleazar tsa Fineha na mathu wi khi, “Khili Apvüwa na ithu ssitenle kesa ithu na chüyadha. Nthu na ma matang nben, tsalina nthu na Apvüwa kemeten wi Israel nyithu hangsha cüdha.”

JOSHUA 24:11

Nthu na Jordan pvüdhi sen Jerikho wi ghoya. Amor, Periz, Kanaan, Hitti, Girgash, Hivi, nu Jebus nyithu na nthu ssinu aghikesa ti Jerikho nyithu na nthu ssinu aghisa. Isala hi mathu tsüdi miwi khangkeya pi nthu cüa.

JOSHUA 3:9

Tsaseng wi Joshua na anyithu wi khi, “Hewi ghola Apvüwa nthu Nyiza na mangwale khiben khe kinachilo.

JOSHUA 9:1

Israel nyithu na khangkeya cüki tsü Jordan na nishuwa kadimithu tsüdila chüya —yyishiphon thu wi, yyishiphon thu ccü wi, nu Mediterranean Tssükedone katen ketijü na wa aghawa Lebanon kecu; kadimi hathu ha: Hitti, Amor, Kanaan, Periz, Hivi, nu Jebus nyi kadimithu.

1 SAMUEL 17:26

David na anyi ma gweghe ketenthu wi keü, “Anyi kesü na Filistinwa ha pathi nu Israel kekimenni tsü senbvü cü lethu ma mangwa muyaben nu? Anyiza nkechünyi Filistin na hangkeben Nyizawa süpahizi nyankekinyen sa keben ha thowa nu?”

1 SAMUEL 26:6

Tsaseng wi David na Hitti nyiwa Ahimelek nu Joab cünyuwa Abishai (manyi jja na Zeruiya) manyi wi keü, “Nshinyi thowa na hi gweghe Saul kemnanpen wi wa nu?” Abishai na luneng, “Hi wa tenle.”