JOSHUA 3:1 - Kemethajüh (N) (Re-editing) Bible (BSI)

¹ Dhitsü ghanenwa wi Joshua nu Israel nyi tsüdi ghanen mitu na shagha Akakia wi kemnanpen tsü teshi nu Jordan wi wa tsü pvüdhile kemnanpen sa nu hieben.

JOSHUA 3:1 Iomraidhean Croise

ADECHHÜ 21:14

Ghanenwa wi mitu na Abraham na kedsakejjü pahan nu atssü pi asahyu khüti wi chi pi Hagar cü. Ma atsawa pi ma ghatsü wi cügi cü nu kesun pi bvü thsüa. Hagar na bvü wa Beersheba ghansha wi kegoedeja wa.

ADECHHÜ 22:3

Ghanenwa wi mitu na Abraham na ahhansha kesa ghena achan pahan pi gada khhi saya, ma tsawa Isak nu ma magha keni ssiya; isanu mathu gweghe Anyiza na apen khipi ma kekiza wi tsü wa.

ZAKECI 119:60

Nminula hi kaghaji nu njühkhukechithu tsü nie den.

JEREMIYA 25:3

“Amon tsawa Josiya na Judah kadimi sa keya tagha nu kechengwa wina gho nansü ha kecu amapi ngwe nu kecheng ha Apvüwa na hi ccüneng gho, nu hi khiela ma hi kekiza jüh pi nthu nkizala nsa. Isala nthu na nmeshenchila.

JEREMIYA 26:5

nu hi imaghathu kesun pi nthu wi chi keghothu, atusenjüh-kechüthu jüh tsü mehaitsü kinalo. Nthu na mathu khi kechi jüh tsü khiela nkina ladha.

JEREMIYA 7:13

Nthu na kesami hathu tsüdi sadha, nu nthu wi kekhi sen khineng lela nthu na nkina mvula. Hi nthu ci lela nthu na n-nusha mvu.

MIKA 6:5

Inyithu, Moab Kadimiwa Balak na nthu miwi mangwa sale kiden nu Beor tsawa Balaam na khati ma lunengchi khe tsü meshen yalo. Akakia wina Gilgal wi wa keten kemnanpen wi mangwa sa khe tsüthu meshenya. Hathu ha meshenchithu hi nthu hangshayale kesa ghena mangwa sachi khe nthu na chüyaben.”

SHICÜSI 25:1

Israel nyithu na Akakia yyiketijü wi kemnanpen sa keben wi npvüzathu na Moab nyi nzathu ciwi kebenthu ssimehai wa.

MARK 1:35

Dhitsüwa wi ghanen mitu atsajang keben na Jisu na shagha nu akhemi wi shhua. Ma anyuti wina kecaghang pen kesü wi wa kekhie sa.

JOSHUA 2:1

Tsaseng wi Joshua na Akakia kemnanpen wina wahhai keni kizala wa kuthila Kanaan yyi wi Jerikho nyunutiwa tsü hhainanlo kesun chi. Manyi na khathansha wi wa anyunutiwa tsü cuya khe, manyi wa keqheza menkedsa nza kesü ma nyan Rahab jjen wi ben.

JOSHUA 6:12

Dhitsüwa wi Joshua na ghanen mitu shagha, nu keni tughuwa ghena keqhaikedithu nu süpahithu na ghanie kesa ti kesenniela lentsen sen nu anyunutiwa tsü vü wa thsü; atuwa, aghikehie khang; tsü shiwa, keqhaikedi tagü na tutuwa tagü kekhou; tsaseng wi keqhaikedi Apvüwa Cenkethenjüh Khitson pie ketenthu; nu asakhenwa, aghikehie asengwa khang. Matsü tsüdi wi tutuwathu khou isa.

JOSHUA 6:15

Tagü ghanan wi mathu na atsathang meyi shagha hatuwi ti lentsen sen nu tagü tughu anyunutiwa tsü vü — ha ghanan ketan mathu na lentsen sen nu tagü tughu tsü vü.

JOSHUA 7:16

Dhitsü ghanenwa mitu wi Joshua na Israel nyithu pi amizza mizza sala ssi shhugho, nu Judah mizza khushiya.

JOSHUA 8:10

Ghanenwa wi Joshua na mitu na shagha süpahithu cighuya. Tsaseng wi ma nu Israel nyi ccülikesathu na mathu ssisen Ai wi wa.

PENDHENYI 20:19

Tsalina Israel nyithu na dhitsü ghanenwa wi wala Gibea nyunuti kete wi kemnanpen sa.

1 SAMUEL 17:20

David na dhitsüwa wi mitu na shagha anyi pahan pi khaghaneni hie thsüa, kedsakejjü khuya, nu Jesse na ma salo kekiza ti wa. Israel nyithu na aghi wale dan nu aghi jisha keben wi ma wala kemnanpen tsü cuya.