JOSHUA 24:25 - Kemethajüh (N) (Re-editing) Bible (BSI)

²⁵ Tsalina Joshua na tsü ghanan anyithu ghena cenkethenjüh kesü sa, nu ma Shekhem wi mathu na nie yalo kesa ghena ayen nu ahzathu pi cü.

JOSHUA 24:25 Iomraidhean Croise

ADECHHÜ 35:4

Tsalina mathu sen keten asang cenpvüthu tsüdi nu mathu khuna thighithu la khupi Jakob cüa. Jakob na tsüthu khupi Shekhem kete wi ayangton kekhu wi chhüvhüa.

2 KADIMITHU 11:17

Keqhaikediwa Jehoiada na Kadimi Joash nu anyithu yala mathu na Apvüwa nyithu sa benle kesa Apvüwa ssinu cenkethenjüh kesü sa thsüa; ma Kadimiwa nu anyithu jüwi la cenkethenjüh kesü sa thsüa.

2 KHENICÜKI 15:12

Mathu na cenkethenjüh kesü sa, ciwi mathu na mathu leben nu kahang tsüdi sen nu Apvüwa mathu bamyithu Nyizawa tsü kinyi tenle cenya.

2 KHENICÜKI 15:15

Judah nyithu tsüdila anonkeghe sa kepaghenanye mathu leben tsentsa sa nu cenkethenjühwa ha saya. Mathu na Apvüwa kekinyi wi mathu nen, nu ma mathu yaya nu mathu kevü tsüdi wila kecca pi mathu cü.

2 KHENICÜKI 23:16

Keqhaikediwa Jehoiada na Kadimi Joash nu anyithu yala ma gweghe nu mathu na Apvüwa nyithu sa tenle kesa cenkethenjüh kesü sa.

2 KHENICÜKI 29:10

“Hi khili Apvüwa Israel Nyizawa ssinu cenkethenjüh kesü sale südhe yadha, isanu ma ithu miwi leben ntsu thsülale kesalina.

NEHEMIYA 9:38

Hathu ha tsüdila sakeya ghena ithu Israel nyithu na kemetha cenkethenjüh kesü sa nu ithu ccülikesathu, Levi nyithu, nu keqhaikedithu na mathu kemechan zensu pi tsü miwi jeng.

BVÜKESHHU 15:25

Mosa na ma leben chi ntsa nu Apvüwa wi khie, nu Apvüwa na achan kesü pi ma ccüca, ma tsüpi atssü wi cüchi; nu atssü na jjü mehai shhughoa. Ciwi Apvüwa na mathu nie nu hanglo kesa ayenthu pi cü, nu mathu kemehai keteshi la ghan-nan.

BVÜKESHHU 24:3

Mosa na wa Apvüwa na ahza khukechi nu ayenkhukechi tsüdi khipi anyithu kiza, nu anyithu tsüdila gweghe khineng, “Ikhang na Apvüwa kekhi tsüdila saden.”

AYENZHÜNENG 29:1

Hathu hana Apvüwa na Moab yyiwi Mosa kiza nu Israel nyithu ssinu Cenkethenjüh kesa: ha tsüdila Apvüwa na Sinai Yikha wi mathu ssinu cenkethenjüh kesa tsü miwi wwa kechi.

JOSHUA 24:1

Joshua na Israel mizza nyithu tsüdi cighu pi Shekhem wi chi. Ma baghangthu, ccülikesathu, pendhethu, nu Israel nyi kedithu cichi nu mathu na Anyiza tuwi gho,

JOSHUA 24:26

Joshua na ayenkhukechi hathu pi Anyiza Yenwa lesüshen wi zhüya. Tsaseng wi ma alon kedi kesü khuya nu pi ayangton cakhu wi Apvüwa kekinyipen wi sheng.