JOSHUA 24:2 - Kemethajüh (N) (Re-editing) Bible (BSI)

² Joshua na anyi tsüdi wi khi, “Apvüwa Israel Nyizawa na ha khiben: ‘Kheni nthu bamyithu na Eufrat Ghaku khhaka kawa hang nu acenpvü kepathu kinyile. Mathu meshu kesü Tera, tsüna Abraham nu Nahor manyi ba.

JOSHUA 24:2 Iomraidhean Croise

ADECHHÜ 11:22

Serug na amapi 30 wi atsa kesü Nahor muya,

ADECHHÜ 11:24

Nahor na amapi 29 wi atsa kesü Tera muya,

ADECHHÜ 11:26

Tera na ma kahang amapi 70 seng wi Abram, Nahor, nu Haran ma kecheng ba saya.

ADECHHÜ 11:27

Hathu hana Abram, Nahor, nu Haran mathu ba Tera shicübvüghathu. Haram na Lot ba,

ADECHHÜ 31:19

Laban na ma khaghaneni ssen han wa nu ma nkemi jü Rachel na ajjen wi ma ba theghi cenpvü tsü ghanfüya.

ADECHHÜ 31:30

No nba jjen wi wha neng mvu ntsa kesalina bvükesa tsü hi chüben, isala no mangkesa na itheghi cenpvü kezhü tsü ghanfüya nu?”

ADECHHÜ 31:32

Isala keujüla anyi kesü ncenpvü kezhü tsü sen keten muya lethu ma pi shü thsülo. Hewi inyithu nyon kemu wi ha ntsanqai tsü bha nanlo nu nji muya lethu khuyalo.” Rachel na Laban cenpvü kezhü tsü ghanfüya kesa tsü Jakob na nchü.

ADECHHÜ 31:53

Abraham Nyiza nu Nahor Nyiza na ishinyi jühkaghakhi ben.” Tsaseng wi Jakob na ma ba Isak kinyi ketenwa Anyiza nyan wina khishi kechi ha niele kesalina kishen.

ADECHHÜ 35:4

Tsalina mathu sen keten asang cenpvüthu tsüdi nu mathu khuna thighithu la khupi Jakob cüa. Jakob na tsüthu khupi Shekhem kete wi ayangton kekhu wi chhüvhüa.

1 KHENICÜKI 1:27

nu Abram (pi Abraham le khiden).

ISAYA 51:2

Nthu baqhaiwa Abraham nu Sarah, nthu na manyi gwo wina keshhugho keni tsü meshen chilo. Hi Abraham ci keya wi ma atsanga nmi, isala hi sawegü pi ma cü, nu atsanga pi cü; Hi ma shicübvüghathu sapi kejon sa cü.

EZEKIEL 16:3

Jerusalem wi Kemisintsa Apvüwa na ma wi khi keben pi kizalo: “Kanaan yyi wi na no pvüghaya. Nba na Amor nyi, nu njja na Hitti nyi kesü.

Luk Zhükechi Jühtheü Kemehaiwa 3:34

ma Jakob tsa, ma Isak tsa, ma Abraham tsa, ma Tera tsa, ma Nahor tsa,

AYENZHÜNENG 26:5

Tsaseng wi nthu na Apvüwa tuwi ajüh hathu khiben: “Ibamyi na Arameya nyi kesü sala keqoedeja keten ma theghi ssi wa Ejipt wi hang. Mathu na anyi keu ketan ciwi wa, isala mathu na mizzatenti keti kekhang kesü saya.

JOSHUA 24:15

Keujüla nthu na ma kekuli nsamvu lethu, nthu bamyithu na Mesopotamia wi kinyi kegho cenpvüthu tsüla, nyelela Amor nyi nthu na khili mathu yyi wi hang keben cenpvüthu tsü khe nthu na thowa kekuli saten khe nansü südhe yalo. Hi nu itheghi ghena tsü ithu na Apvüwa kekuli ketan saden.”