JOSHUA 24:18 - Kemethajüh (N) (Re-editing) Bible (BSI)

¹⁸ Ithu na atujügü sen ayyi hewi kegho wi Apvüwa na Amor nyi hewi kebenthu tsüdi jügüshia. Tsalina ithu la Apvüwa kekuli saden; ma ithu Nyizawa.”

JOSHUA 24:18 Iomraidhean Croise

ZAKECI 116:16

Hi nmaghawa le, Apvüwa; ijja ti hi no kekuli sa den. No keshü wina hi hangsha cü.

BVÜKESHHU 10:2

nu hi amankesa hathu sa kechi wi khatila Ejipt nyithu sapi kejüphon sa cü khe no tsü khipi ntsathu nu ntsa tsathu kizaya thsüle kesalina. Nthu tsüdila hi Apvüwa le kesa chüyaden.”

BVÜKESHHU 15:2

Apvüwa na hi kekhwe kezüwa; ma hi hangsha kecüwa. Ma iNyiza, nu hi ma sengden, iba Nyiza, nu hi ma kadi cüki khipi akhwi saden.

BVÜKESHHU 23:31

Hi nthu yyi ggü tsü Kenmie Tssükedone na wa Filistin Tssükedone kecu nu ayyikeshü na wa Eufrat Ghaku kecu sapi tisie kayi cüden. Hi ayyi ciwi hang kebenthu miwi kekhang pi nthu cü, nu nthu na mathu jügüshiaben.

MIKA 4:2

nu mathu nyithu na khiben, “Ithu Apvüwa yyishiphon wi Israel Nyiza Kekinyijjenwa witsü shu na. Kepaghenanye ma ithu na mangwa sa thsü mvuben khe pi ithu sansi cüben; ithu na ma kessiya kesa lenthu tsü ton den. Kepaghenanye Apvüwa kesansi jühwa tsüna Jerusalem wina ghoden; ma Zion wina ma nyithu ccüneng den.”

ZEKHARIYA 8:23

Tsü tsüwi asangthu meshu tagha na Judah nyi kesü wi gho hati khiben, ‘Ikhang la no gweghe wa mvuben, kepaghenanye Anyiza na no gweghe tenle kesa ikhang na zayadha.’ ”

KEKULI 7:45

Tsashi seng wi ithu bamyithu na mathu bathu wi nithsüjjen tsü muya nu tsü pvü wa Joshua gweghe mathu na atujügüwa lethu Anyiza na amizza kepathu jügüshi kesa wi ayyi tsü nkaya. Nu tsüna David tsü kecu chu ciwi ben.

AYENZHÜNENG 10:21

Ma senglo — ma nthu Nyiza, nu nthu nyon pi ma nthu ghena kedi nu amankesa kulikechi muyadha.

AYENZHÜNENG 33:27

Anyiza na keshüthangla nthu kiqa gho, anuphanla ma kwen pi nthu kiqaden. Nthu na atujügüwathu ma nthu ghinyithu jügü, nu mathu tsüdi yasalo nthu kiza.

JOSHUA 23:9

Nthu na atujügüwathu Apvüwa na mizzatenti kedi nu kekhang ntsathu jügüshi cü, nu thola nthu shunya nben.

JOSHUA 24:17

Apvüwa ithu Nyiza na Ejipt wi nssümagha wina ithu bathu nu ithu ssi shhugho, nu ithu na ma amankesa kekulithu muyadha. Ma ithu ya kahe wi mizzatentithu tsüdi jawi pvüdhi wa lela yazishu waya thsü.

JOSHUA 24:19

Joshua na anyithu wi khi, “Nthu na Apvüwa kekuli saya nben, kepaghenanye ma kemetha Nyiza kesü; ma anonkemeyen Nyiza kesü; nu ma nthu kesami teshicü nben.