JOSHUA 24:15 - Kemethajüh (N) (Re-editing) Bible (BSI)

¹⁵ Keujüla nthu na ma kekuli nsamvu lethu, nthu bamyithu na Mesopotamia wi kinyi kegho cenpvüthu tsüla, nyelela Amor nyi nthu na khili mathu yyi wi hang keben cenpvüthu tsü khe nthu na thowa kekuli saten khe nansü südhe yalo. Hi nu itheghi ghena tsü ithu na Apvüwa kekuli ketan saden.”

JOSHUA 24:15 Iomraidhean Croise

ADECHHÜ 18:19

Ma ya ma tsangathu nu ma shicübvüghathu sansi pi ijühkina nu kemetha nu ketsantanwa kuli thsüle kesalina hi ma kessiyadha. Mathu na tsüti sa lethu hi ma ghena khichi ketheng tsüdi sa cüden.”

ADECHHÜ 35:2

Tsalina Jakob na tsü khipi ma theghi nu ma gweghe ketenthu tsüdila kiza, “Nthu asang cenpvüthu keben tsü khupi khalalo, nthu samethaya, nu athsümeni ketheü pvüyalo.

1 KADIMITHU 18:21

Elijah na anyithu wi shhu nu khi, “Matsü khathu khati nthu leben wi kesütu benten nu? Keujüla Apvüwa tsüna Anyiza lethu, ma kinyikülo; isala keujüla Baal tsüna Anyiza lethu, ma kinyikülo!” Isala anyithu na mangla nkhi.

1 KHENICÜKI 1:14

Kanaan na Jebus, Amor, Girgash,

ZAKECI 101:2

Iyencüki wi kesazzi nmi. No khathansha hi wi gho ten nu? Hi ijjen wi kemetha kahang wi gho den,

ZAKECI 119:106

Hi no kicükegwe kemeshonthu tsü nie le ijüh kedhu khishi ketheng tsü nie den.

BVÜKESHHU 23:2

Anyi kejiwa na sazzi nyelela kemeshonwa yasa ketenthu sheikepi tsü n-niela.

BVÜKESHHU 23:24

Mathu cenpvü tuwi kukedu nyelela tsüthu nkinyila, nu mathu keccüna kekuli tsü nsala. Mathu cenpvüthu tsü yasa nu mathu ducükezhü kemethathu tsü pakhhilo.

BVÜKESHHU 34:15

Nthu na diyyiwa wi anyithu ssinu nponghula, kepaghenanye mathu na ahhansha sapi mathu cenpvü cü nu tsü kekinyi wi nthu cichi nu nthu mechu pi mathu cenpvü kekinyi tsse tsü dsa thsüben.

EZEKIEL 20:39

Kemisintsa Apvüwa na khi, “Khilitsü Israel nyithu, nthu tsüdila nthu kenen saya yilo! Nthu na atsikezhüthu tsü kinyi benlo! Isala haseng witsü nthu na ijühkina nu ajuthu pi atsikezhüthu kinyi nu inyan kemetha kinakhiwa tsü nsa lalo kesa nthu kitsan ben.

DANIEL 3:18

Isala keujüla ma tsüti nsa lela, ikhang na ncenpvüwa tsü kinyi nten, nu no suna pi kesa atsikezhü pieki kethengwa tuwi la kukedu nten kesa Njenkeben Kadimiwa na chüti yalo.”

LEVIYEN 14:42

Alon kepa wi pi alon khupi kesathu mithon witsü chi, nu ayyi ketheü pi tsü nyenbhon shaben.

MIKA 4:5

Mizzatenti kesüsü tsüdi ma cenpvü kinyi nu jühkinaden, isala ithu tsü anuphanla Apvüwa ithu Nyiza jühkina nu ma kinyiden.

KEKULI 11:23

Ma wa cukeya wi Anyiza na khatila sawegü pi anyithu cü khe muya, ma anonghe ntsa sa nu mathu leben tsüdi pi Apvüwa wi bentenlo kesa mathu kechü-kenong chicü.

AYENZHÜNENG 13:7

Mathu meshu kesü na no khitenong pi anyithu no tetsaki nyelela temeja wi hang ketenthu cenpvüthu kinyi thsüben.

AYENZHÜNENG 29:18

Nansü hewi ngan kebenthu npvüza, nza, atheghi, nu mizzatenti thola Apvüwa nthu Nyiza wi khapeghe sen wa mizzatenti kepathu cenpvü tsü nkinyila metsilo. Hana nthu jawi achan ghazan kekha kesü shigü shagha aji chan kesü ti saben.

JOSHUA 24:16

Anyithu na khineng, “Ithu na khiela Apvüwa teshi nu kepa wi cenpvüthu kekuli sa wa nben le!

PENDHENYI 6:10

Hi Apvüwa nthu Nyiza nu nthu na mathu yyi wi hang keben Amor nyithu cenpvüthu tsü nkinyi lalo kesa nthu kizadha. Isala nthu na ijüh nkina le.”