JOSHUA 24:14 - Kemethajüh (N) (Re-editing) Bible (BSI)

¹⁴ “Tsalina khili Apvüwa kinyikü nu aleben ntsa nu ajühtsentsa sala ma kekuli salo. Nthu bamyithu na Mesopotamia nu Ejipt wi kinyi kegho cenpvüthu tsü teshi nu Apvüwa kekuli ketan salo.

JOSHUA 24:14 Iomraidhean Croise

ADECHHÜ 17:1

Abram na ma kahang achentugu nu tugu mapi wi Apvüwa na ma tuwi gho nu khi, “Hi kekhang Nyizawa. Keshüthangla ijühkina nu kemeshonwa sa tenlo.

ADECHHÜ 35:2

Tsalina Jakob na tsü khipi ma theghi nu ma gweghe ketenthu tsüdila kiza, “Nthu asang cenpvüthu keben tsü khupi khalalo, nthu samethaya, nu athsümeni ketheü pvüyalo.

2 KADIMITHU 20:3

“Apvüwa, hi leben tsentsa nu jühkeya wina no kekuli sagho, nu hi keshüthangla no hi ya sa thsü mvu kebenwa tsü sa le kiden.” Isanu ma qai ntsa sa wa.

EZRA 9:11

tsüna no nmaghathu atusenjüh- kechüthu wina pi ithu kecü. Mathu na ithu wi nthu na wa benya keten yyiwa tsüna nmetha, kepaghenanye anyi ciwi kahangthu na nankiqanan, kekuli nkemethathu sapi ayyi katen kesü na wa pahanwa kecu pongdha le kiza.

Job Lesüshen 1:1

Ciwi anyi kesü ma nyan Job na ben nu Uz yyiwi hangden, ma Anyiza kinyi nu ma tuwi atsentsa saden. Ma anyi kemehai kesü nu nkemehai mangla nsale kesa kiden-kesha keten nyi.

Job Lesüshen 28:28

Anyiza na anyi wi khi, “Metsaya le kesalina nthu na Apvüwa kinyikülo. Chüshiya le kesalina nthu na nkemehaiwa wina shhughoya.”

ZAKECI 111:10

Apvüwa kenyuwakü tsüna metsaya keten lenwa; ma kemeshon jühkekaghatenwa tsü khupi ma jühkhukechithu nie ketenthu tsüdila cüden. Anuphanla ma seng keben-u le.

ZAKECI 119:1

Anyi ma kahang wi kepazzi nkemithu, nu Apvüwa na ayenkhukechithu wi hang ketenthu na kemihhi ntsa.

ZAKECI 119:80

Hi yala njühkhukechithu tsü nie cencu keyawa salo, nu nyu nkecha kejüghekeya tsü pi hi ghü cülo.

ZAKECI 130:4

Isala no ithu kesami teshi cü, isanu ithu ya no kemessi wi ngan yathsü.

ZAKECI 81:10

Hi Apvüwa nthu Nyiza, Ejipt wina nthu ssi keshhughowa tsü. Nthu pang ka chilo, isathu hi nthu ghanja cüden.

EZEKIEL 20:18

Tsü mithon wi hi mathu jawi anyi kepvünyithu kitsan chi: Nthu baqhaithu yenthu tsü n-niela; mathu sa keten yenthu n-niela; nyelela mathu na nan-kenontssü tsikezhüthu tsüpi nthu nakhi nsala.

EZEKIEL 23:3

Manyi ghanyi Ejipt wi hang keten wi manyi pvünyimetha wi hang meyala keqheza menkedsa sa wa.

HOSEYA 3:5

Isala Israel nyithu na Apvüwa mathu Nyiza nu David shicübvügha kesü mathu kadimiwa wi kheneng gho keten matsü kesü na ghoden. Isanu mathu na Apvüwa messi nu ma ju khukechi kemehaithu tsü yayaden.

LEVIYEN 17:7

Israel nyithu na Apvüwa wi jühtsentsa nsala mathu alli wi asahangthu pathi nu ahhansha sapi aneni tsaghangthu kecü tsü nsa lalo. Israel nyithu na matsü ghaketen tsüdi wila ayen ha nieben.

MIKA 6:8

Nyele, Apvüwa na mangwa mehai khe pi ithu kizadha. Ma ithu wi yamvu kebenwa na ha: mangwa meshon khe tsü kesa, ghaliki kesa pi keccüca, nu satemeni nu ithu Nyiza ssinu kahang.

Luk Zhükechi Jühtheü Kemehaiwa 8:15

Amacü ayyi kemehai wi keqancathu tsüna anyi Anyiza jüh tsü zaya nu pi mathu leben wi chiya nu noncca sen wa ma bi bünya nu wwiyale.

KEKULI 9:31

Tsalina ha Judea, Galilee, nu Samaria tsüdi wi kemehu na kecca tsü kesü sa. Kemetha Ghamu kekiqa wina kemehu satezü nu ji pfüpfü sa, nu Apvüwa kinyikü nu hang.

2 KORINTHNYI 1:12

Ikhang kapvü kebenwa na ikhang kechükeza methasi nu ikhang kizaben, ikhang ayyi ha wi kahang wi nthu gweghe keya hana anyi kemetsa wi nyela Anyiza nanketizen kekhang wina khukechi lebensha kechi nu jühtsentsa wina.

EFESANYI 6:24

Anyiza nanketizen yala tizenki kesa sen nu ithu Pvüwa Jisu Khrista tizen ketenthu tsüdi ssiben ketenwa salo.

AYENZHÜNENG 10:12

“Israel nyithu, khili Apvüwa nthu Nyiza na nthu wi mangwa khieben khe kina chilo; Apvüwa kinyikü nu ma kekhi tsüdila salo. Ma tizen, nthu leben tsüdi pi ma kekuli sa,

AYENZHÜNENG 18:13

Apvüwa wi jühtsentsa salo.”

AYENZHÜNENG 6:13

Apvüwa nthu Nyiza kinyikü, ma ketan kinyi nu ma nyan wina ketan nthu jühkhishi tenlo.

FILIPPINYI 1:10

nu nthu ya kemehai ntsawa tsü kessiya thsüle kesalina. Isathu, nthu tsüdila Khrista tsathang wi tsü nkemetha nu kemeshensa ben nben.

JOSHUA 24:2

Joshua na anyi tsüdi wi khi, “Apvüwa Israel Nyizawa na ha khiben: ‘Kheni nthu bamyithu na Eufrat Ghaku khhaka kawa hang nu acenpvü kepathu kinyile. Mathu meshu kesü Tera, tsüna Abraham nu Nahor manyi ba.

JOSHUA 24:23

Ma khi, “Isalethu nthu na asang cenpvüthu tsü pi khalalo, nu nthu jühkeya pi Apvüwa Israel Nyizawa tuwi khichilo.”

1 SAMUEL 12:14

Keujüla nthu na Apvüwa nthu Nyiza tsü kinyikü, ma kekuli sa, ma jüh kina, nu ma yenkhukechithu tsü nie, nu nthu le nthu kadimiwa lela ma nie lethu, pala tsüdi wila nthu ghena mehaiben.

1 SAMUEL 12:24

Apvüwa jüh kina nu nthu jühtsentsa sala lebenchi nu ma kekuli salo.

1 SAMUEL 7:3

Samuel na Israel nyithu wi khi, “Keujüla nthu na nthu leben tsüdi sen nu Apvüwa wi kheneng gho lethu, nthu na asang cenpvüthu nu Astart cenpvü nzawa tsiketonthu tsüdila teshi nsathu yishü. Nthu satemethatha pi Apvüwa wi chi nu ma ketan kinyi lethu ma Filistinthu kwen wina nthu kekasha cüaben.”