JOSHUA 23:16 - Kemethajüh (N) (Re-editing) Bible (BSI)

¹⁶ Keujüla nthu na cenkethenjüh Apvüwa nthu Nyiza na nthu salo kekiza tsü n-niela nu acenpvü kepathu kekuli sa nu kinyi wa lethu, ma aghekepvü wina kemeten pi nthu cü nu nthu kesüla ma ayyi kemehai pi nthu kecü wi ha ben nkeya tsüna ghoaben.”

JOSHUA 23:16 Iomraidhean Croise

1 KADIMITHU 14:15

Apvüwa na Israel meten ben, nu ma ahuphon kesü na aghakutssü miwi kuli keben ti sa ben. Ma ayyi kemehai pi mathu bamyithu kecü ha wina Israel nyithu ghazan pfüpi nu mathu jügü zighe pi Eufrat Ghaku thenkeghe chiaben, kepaghenanye mathu na Asherah cenpvü nzawa tsikezhü tsü sa nu Apvüwa lebenketsu cüssidha.

1 KADIMITHU 9:6

Isala keujüla no nu nshicübvüghathu na hi n-niela, nu iyenthu nu ayenkhuchi pi no kecüthu meyala, nu acenpvü kepathu kinyi wa lethu,

1 KADIMITHU 9:7

hi ayyi pi inyithu Israel cü ketheng witsü mathu khushi piaben. Israel na anyi tsüdi tuwi nankeqhewa nu nyu pangbi sa ben.

2 KADIMITHU 17:7

Israel nyithu na sami pi Ejipt Kadimiwa kwen wina mathu kekashaya nu Ejipt wina mathu ssi keshhughowa Apvüwa mathu Nyiza shun kesalina Samaria na qanca. Mathu na acenpvü kepathu kinyi,

2 KADIMITHU 24:20

Apvüwa na Jerusalem nu Judah nyithu miwi aghepvü ntsa sa nu ma tuwi mathu khu pia.

ISAYA 24:5

Anyithu na Anyiza yenwa tsü bheghe nu ma anuphan ghena cenkethenjüh sa kechi tsü n-niela kesa ghena ayyi ya nmetha thsüladha.

JEREMIYA 32:23

Isala mathu na ayyi hawa wi gho yaya keya sengwi mathu na no khukechi jüh nkina nyelela no pi nyu kesansijüh nie nu tsüti nhangla; mathu na no mathu salo ahza khukechithu tsü mangla nsa. Tsalina no kededi hathu sengho mathu miwi chidha.

JEREMIYA 32:24

“Babilon nyithu na anyunutiwa tsü yasale kesalina ayyi pi aghikehiepenthu zhüki pi tsü vüyadha, nu mathu na kaghashenben. Aghikesa, kekhhwenthi, nu kesakinaa ghei ghena anyunutiwa pi mathu kwen wi du thsüaden . Nthu na khi kegho jüh tsüdi sadhale kesa nthu na muya mehai.

SHICÜSI 33:56

Keujüla nthu na mathu njügüshi lethu, hi mathu yasa cüle kiden keben ti hi nthu yasa cüden.”

AYENZHÜNENG 17:3

tsüna Apvüwa yenkhukechi tsü matangla acenpvü kepathu nyelela aghani, asha, ghotsithu kinyi nu kekuli sawadha le kesa zaya.

AYENZHÜNENG 28:15

“Isala nthu na Apvüwa nthu Nyiza jüh meya nu hi nansü pi nthu cü keben ma yenkhukechi nu ayenthu tsüdi nie kaketsü sa meya lethu, kishen-keshi hathu ha tsüdi nthu miwi ghoaben:

AYENZHÜNENG 6:15

Keujüla nthu na acenpvü kepa wi kinyi lethu, Apvüwa ghekepvü na anni ti nthu miwi gho nu nthu yasatha saben, kepaghenanye Apvüwa nthu Nyiza nthu gweghe kebenwa tsüna anonkemeyen Nyiza.

PENDHENYI 2:14

Tsalina Apvüwa na Israel miwi aghepvü nu shudsa ketenthu ya mathu ssikaghashen nu mathu ji shuya thsüa. Ma mathu ghinyithu yala mathu tsüdi miwi khangya thsüa, nu Israel nyithu na mathu ketanla mathu khwe meyala.

PENDHENYI 2:20

Tsalina Apvüwa na Israel miwi aghepvü nu khi, “Mizzatenti hawa ha na hi mathu bamyithu na nie yalo kekiza cenkethenjühwa tsü pakhhidha. Mathu na ijüh nkinala kesalina,

1 SAMUEL 12:25

Isala keujüla nthu na kesami tsü sakiben lethu, nthu nu nthu kadimiwa lela yasa cüben.”