JOSHUA 23:13 - Kemethajüh (N) (Re-editing) Bible (BSI)

¹³ nthu na atujügüwa lela Apvüwa nthu Nyiza na mizzatenti hathu jügüshi nben kesa chüya metsilo. Tsüti kesawa nye mathu na nthu ghena aca nyelela ayyiku kesü ti kemessi ben nu nthu geshi kihheghe kecü kinaa ti nyelela nthu nyon wi aghazü keben ti saben. Nu tsüna nthu kesüla Apvüwa nthu Nyiza na ayyi kemehai pi nthu kecü hawi keben chu ha saben.

JOSHUA 23:13 Iomraidhean Croise

1 KADIMITHU 11:4

nu ma keqhai tsüwi mathu na ma yala asang cenpvüthu kinyi wa thsüa. Ma ma ba David ti Apvüwa ma Nyiza wi ma leben tsentsa nsala.

2 KADIMITHU 17:18

Tsalina Apvüwa na Israel nyithu miwi aghepvü nu Judah kadiyyi ketan khe ma tuwi na mathu tsüdi khupia.

2 KADIMITHU 17:20

Apvüwa na Israel nyithu tsüdi meya mvula, mathu pi mathu ghinyithu kwen wi chia nu ma tuwi na mathu khupi nkesa chu mathu meten cü.

2 KADIMITHU 25:21

tsüna Hamath yyiwi. Ciwi kadimiwa na mathu kiccü nu pi shü thsüa. Tsalina Judah nyithu tsü mathu yyiwi na ssinu kushiyyi wi wa.

2 KADIMITHU 25:26

Tsaseng wi Israel nyi keban nu ketha-uthu lela süpahizi kedithu gweghe Ejipt wi bvüa, kepaghenanye mathu na Babilon nyithu messi kesalina.

ZAKECI 69:22

Mathu tsü yala mathu yasa kesawa sa; mathu ghena kemetha kemishu wina mathu keqanca mukeyawa sa.

BVÜKESHHU 10:7

Kadimiwa kekhu wi kedithu na ma kiza, “Anyi hawa ha khathula agükeccü pi ikhang cü benten nu? Israel nyithu ya bvü thsü yilo, isanu mathu wa mathu Nyiza Apvüwa kinyiya thsülo. Ejipt na yasatha sadha kesa no ha nchü kwe?”

BVÜKESHHU 23:33

anyi hathu ha yala nthu diyyiwa wi nhang thsüla, isalethu mathu na nthu sapi sami nu hi shun thsüaben. Keujüla nthu na mathu cenpvüthu kinyi lethu tsüna nthu ghena keshü ca kesü saben.”

BVÜKESHHU 34:12

Nthu na wa keten diyyiwa wi hang kebenthu kesüla ssinu nponghula, kepaghenanye tsüna nthu ghena keshü ca kesü saben.

BVÜKESHHU 34:16

Nthu tsathu na asang nzathu ha yaya, nu tsüthu na mathu sapi hi wi leben tsentsawa nsa thsüla nu tsüthu cenpvü kinyi wa thsüaben.

EZEKIEL 28:24

Apvüwa na khi, “Mizzatenti Israel nankeqhe ketenthu kesüla aghazü nu ateqaethu ti Israel patena nbendha. Nu mathu na hi Kemisintsa Apvüwa le kesa chüyaben.”

SHICÜSI 33:55

Isala keujüla nthu na ayyi ciwi kahangthu njügüshi lethu, ciwi ben thsü kesathu na nthu nyon wi aghazü ti nthu pakivvü nu nthu minni wi akusü ti sa nu mathu na nthu shunben.

Luk Zhükechi Jühtheü Kemehaiwa 21:24

Njünnu pi pahan süthi nu kepathu ssinu diyyi tsüdi wi atssüzü sa waben; nu Judah nyi nkenyethu na mathu tsü npi kecu chu Jerusalem cüten ben.

AYENZHÜNENG 29:28

Apvüwa na aghepvü ntsa sa, nu ma ghekepvü keti wina mathu yyiwi mathu pfüshi pi mathu nansü wa keben asang yyiwi tsü cü chile.’

AYENZHÜNENG 30:18

nthu yasa piaben — Hi khili hewi nthu kitsan chiben. Nthu na Jordan khhakawa wala yaya keten yyi witsü matsü kesie hangya nben.

AYENZHÜNENG 4:26

Hi nansü atssan nu ayyi cipi nthu ghena chüza saben, nthu na ijüh nkina lethu, nthu na ayyi ciwi wan nmila ben. Nthu na Jordan pvüdhi wa benyale keben yyiwa witsü matsü kesie hangya nben. Nthu yasatha saben.

AYENZHÜNENG 7:16

Apvüwa nthu Nyiza na pi nthu kekhang kekhu wi chikesa mizzatentithu tsüdi yasa nu mathu nantizenchi nsala. Mathu cenpvüthu tsü nkinyila, kepaghenanye tsüna nthu ghena aca kesü saben.

2 TIMOTHI 2:26

Tsaseng wi mathu na chüya lethu, atsaghang na mathu ghan pi ma jühkina thsü keten ca wi tsüna bvüaben.

PENDHENYI 2:21

hi Joshua keshü yyi wi mizzatentithu hang keben kesüla njügüshila tendha.