JOSHUA 23:10 - Kemethajüh (N) (Re-editing) Bible (BSI)

¹⁰ Nthu kesü le kesü lela meshu kesü na anyi hazar kesü jügü pi bvü thsüya mehai, kepaghenanye Apvüwa nthu Nyiza na khishiketheng ti ma nthu ghena aghi saben.

JOSHUA 23:10 Iomraidhean Croise

2 SAMUEL 23:8

Hathu hana David süpahi nyankemechan ntsathu: atuwa na Takhemon wina keghowa Josheb Basshebeth, ma “Meshu Kecheng jawi aliwa; ma apie sen nu anyi meza tazen ssisa nu aghikesa kesü wi mathu tsüdi yathikhia.

1 KHENICÜKI 5:20

Mathu na mathu kenondi pi Anyiza miwi chi nu mathu kiqa cülo kesa kekhie sa, nu Anyiza na mathu kekhie kina cü nu mathu sapi Hagri nyi nu mathu pfüwathu miwi khangya thsüa.

1 KHENICÜKI 5:22

Mathu na aghinyithu kejon pathia, kepaghenanye aghikesa hawa na Anyiza kemeshen sa. Isanu mathu na kushinyi npi sakewa chu ayyi ciwi hangwa.

ZAKECI 35:1

Hi matang ketenthu matang cülo, Apvüwa, nu hi ssikesali ketenthu ssikesali cülo.

ZAKECI 46:7

Kekhang ntsawa Apvüwa na ithu ssiden; Jacob Nyiza tsüna ithu ken-nie penwa.

BVÜKESHHU 14:14

Nthu tsüdi ceenben, Apvüwa na nthu ghena aghisaden.”

ISAYA 30:17

Nthu nyi hazar kesü na ghinyi süpahi kesü muchithu bvüaben, nu süpahi manga na nthu tsüdi jügü pi bvü thsüya mehai. Nthu süpahizi tsanqai khangthsü chan tsü makevü ketan teshi pi yyishiphon shoni wi chiaben.

LEVIYEN 26:7

Nthu na nthu ghinyithu miwi khangyaben;

LEVIYEN 26:8

nthu meshu manga na meza chaya, nu meza na hazar tagha chaya mehai.

ZEKHARIYA 12:8

Tsü tsüwi Apvüwa na Jerusalem wi hang kebenthu khweya, nu mathu jawi nkezü ntsawa lela David kezü ti saaben. David shicübvüghathu na Apvüwa nyilo ti, Anyiza ti mathu lentsütson ben.

ROMNYI 8:31

Ha tsüdi miwi ithu khatile khi nu? Keujüla Anyiza tsüna ithu wiwa lethu, thowa na ithu matangya mehai nu?

AYENZHÜNENG 20:3

‘Israel nyithu, kinalo! Nthu nansü aghiwa tendha. Nthu ghinyithu nmessila nu leben nzzala.

AYENZHÜNENG 20:4

Apvüwa nthu Nyiza na nthu ssi waden, nu ma khangkeya pi nthu cüben.’

AYENZHÜNENG 28:7

“Nthu ghinyithu na nthu ssikaghashen kegho wi Apvüwa na mathu chayaben. Mathu na alen kesü wina nthu ssikaghashen ghoben, isala mathu na nthu wina alen tsüdi wi bvüzigheaben.

AYENZHÜNENG 3:22

Mathu nmessi lalo, kepaghenanye Apvüwa n-Nyiza na nghena mathu ssisaben.’

AYENZHÜNENG 32:20

Ma khi, ‘Hi mathu kiqa ntendha, mathu miwi mangwa khati saten khe hi ghang chiden, leben dhu nu jühtsentsa nkesen nyithu ha.

AYENZHÜNENG 32:30

Mangkesa na anyi hazar kesü na meshu kesü nchala, nu hazar tagha na meshu keni nchala nu? Kepaghenanye Apvüwa mathu Nyiza na mathu teshia; mathu Nyiza kekhangwa na mathu teshia.

JOSHUA 10:42

Joshua na kutitan na kadimi hathu nu mathu yyi tsüdi miwi khangya, kepaghenanye Apvüwa Israel Nyizawa na Israel ghena aghisa.

JOSHUA 23:11

Tsalina kiden-kesha nu Apvüwa nthu Nyiza ghali yalo.

JOSHUA 23:3

Apvüwa nthu Nyiza na nthu ghena mizzatenti hathu tsüdi miwi sa kechi nthu na pala tsüdila muyadha. Apvüwa nthu Nyiza na nthu ghena aghisa.

PENDHENYI 15:15

Tsaseng wi ma gada hajü keshü khakhagü kesü muya. Ma tsü khuya nu pi anyi hazar kesü kihhethia.

PENDHENYI 3:31

Tsü seng wi pendhewa na Anath tsa Shamgar. Ma amesü süpon keku mighe khhatssü kesü pi Filistin nyi meza tugho yathia nu Israel khushiya.

1 SAMUEL 14:6

Jonathan na pvüzawa wi khi, “Ishinyi Anyiza nkechüthu Filistinthu kemnanpen witsü du na. Apvüwa na ishinyi kiqa cüla mechü; ishinyi ketan lela ma mangla khangkeya pi ishinyi nkecü sa nben.”