JOSHUA 22:4 - Kemethajüh (N) (Re-editing) Bible (BSI)

⁴ Khili Apvüwa nthu Nyiza na ma khishiketheng ti kecca pi no Israel nyithu cüdha. Tsalina ayyi nthu jile khi keben Jordan na nishuwa Apvüwa maghawa Mosa na pi nthu cü kethen witsü whanenglo.

JOSHUA 22:4 Iomraidhean Croise

1 KHENICÜKI 22:18

Ma khi, “Apvüwa nthu Nyiza na nthu ssiden, nu apen tsüdi wi kecca pi nthu cüdha. Ma hi yala anyi ayyi hewi hang ketenthu tsüdi miwi khangya thsü, nu mathu na khili nthu nu Apvüwa kekhu wi bendha.

BVÜKESHHU 33:14

Apvüwa na khi, “Hi no gweghe waden, nu khangkeya pi no cüden.”

SHICÜSI 32:18

Israel nyi kepathu tsüdila ayyi nkapi mathu keben npi sakeya chu ikhang na ikhang jjen wi kheneng gho nbenle.

AYENZHÜNENG 12:9

kepaghenanye nthu na wala cca hangya keten pen Apvüwa nthu Nyiza na ayyi pi nthu cü keben witsü npi duya.

AYENZHÜNENG 29:8

mathu yyi yaya, nu pi Reuben, Gad mizzathu nu Manasseh mizza gishü pahanthu jawi gishü cüa.

AYENZHÜNENG 3:20

No Israel nyi kepathu na wala Apvüwa na ayyi pi mathu cü keben Jordan na niduwa witsü Apvüwa na hewi nthu ghena sakechi ti ma mathu ya ciwi ceen npi hangkeya thsü chu mathu kiqalo. Tsaseng wi ccüna nthu na kheneng sen hi ayyi pi nthu kecü wi ha ghoya mehai.’

IBRINYI 4:8

Keujüla Joshua na Anyiza na khishi ketheng kecca tsü pi anyithu cü lethu, Anyiza na tsaseng wi atsathang kepawa cüki tsü khi nkesa.

JOSHUA 1:15

nu mathu Jordan na niduwa Apvüwa nthu Nyiza na ayyi pi mathu cü ketheng tsü npi yakeya chu mathu kiqale kesalina. Khathansha wi Israel mizzathu tsüdi yazishu benya thsü khe, nthu na kheneng gho Jordan na nishuwa Apvüwa maghawa Mosa na pi nthu cü kethengwa nthu yyi wi ha hang waya mehai.”

JOSHUA 12:6

Mosa nu Israel nyithu na kadimi ha keni chaya. Apvüwa maghawa Mosa na mathu yyi pi Reuben, Gad mizzathu, nu Manasseh mizza kegishü pahanthu ji saya thsüa.

JOSHUA 13:15

Mosa na ayyi pahan pi Reuben mizza theghithu cü nu pi mathu ji saya thsüdha.

JOSHUA 13:8

Reuben, Gad, nu Manasseh mizza kegishü pahan mizzathu na Jordan Ghaku na nishuwa Apvüwa maghawa Mosa na pi mathu kecü ayyi tsü muyadha.

JOSHUA 22:3

Matsü hathuthu wi ha nthu na kutitanla no Israel nyithu teshi nsale. Nthu na kiden-kesha nu Apvüwa nthu Nyiza yenkhukechithu tsü nie ghoben.