JOSHUA 22:22 - Kemethajüh (N) (Re-editing) Bible (BSI)

²² “Kekhang ntsawa tsüna Anyiza! Ma Apvüwa le! Kekhang ntsawa tsüna Anyiza! Ithu na mangkesa na ha satheng khe ma chüben, nu ithu na nthu la tsü chüya thsü mvuben! Keujüla ithu na Apvüwa matang lethu, ithu ya nhang thsü lalo!

JOSHUA 22:22 Iomraidhean Croise

1 KADIMITHU 8:39

mathu kekhie kina cülo. Tangwi njjen wi pen nu mathu kekhie kina cü, mathu kesami teshi cü, nu mathu kiqa cülo. No ketan anyi leben kemeshen kechüwa. Anyi kesüsü kemu-u wi pi cü,

Job Lesüshen 10:7

No hi nsazzile kesa nyu thola nkwen wina hi hangshaya nbenle kesa chüben.

Job Lesüshen 23:10

Isala Anyiza na ilen kekhha tsüdi chü; ma hi ghan-nan lela hi metha ben kesa muya ben.

Job Lesüshen 31:22

ihacü keni ya pashü thsülo; tsü keni ya idepfü wina zandhi thsülo.

ZAKECI 136:2

Nkesengcha sapi cenpvüthu kepa tsüdi miwi kedi ntsawa cülo; ma kaghali na anuphan ben den.

ZAKECI 37:6

Ma no ketsatan tsü sapi aghanan lapvü ti wegü thsüaden.

ZAKECI 40:9

Apvüwa, n-nyithu tsüdi saghu keben witsü, no ithu hangshakeya jüh kemehai tsü hi pi khichi. Hi tsüpi nkhila meyacha kesa no chüben.

ZAKECI 44:21

no tsü bhashiya metsi kepaghenanye no ithu kekuthi kemeshenthu tsüdila chüben.

ZAKECI 44:22

Isala matsü tsüdi wi nghena nyu ithu pathiben, nu ithu pi khaghaneni pathiale keben ti sa.

ZAKECI 50:1

Kekhang ntsawa Anyiza, Apvüwa na khi; ma nidu nu nishu wi ayyi maben cichi.

ZAKECI 82:1

Anyiza na tangwi kemehu tsü senben; Acenpvüthu na saghu keben witsü ma ajühsüdhe chiden:

ZAKECI 95:3

Kepaghenanye Apvüwa tsüna kekhang Nyiza kesü, kepa cenpvüthu miwi kekhang kadimi kesü.

ZAKECI 97:7

Atsikezhü kinyi ketenthu tsüpi kejüghekeya wi chi; acenpvü kepathu tsüdi Apvüwa tuwi kukedu.

BVÜKESHHU 18:11

Hi khili Apvüwa na acenpvü tsüdi miwi diki kesa chüyadha, kepaghenanye Ejipt nyithu na Israel nyithu metenmesha keben wi hati sachi cüle.”

JEREMIYA 12:3

Isala Apvüwa no hi chüben; no hi mangwa saden, nu khati no ghaliten khe no muben. Anyi nkemehai hathu ha ssinu khaghaneni pathiale keten ti bvülo; mathu süthiale kesa tsüwa npi kecu chu mathu hieya.

JEREMIYA 17:10

Hi Apvüwa, hi anyi leben ketsü nu kesinan den. Hi anyi kesüsü ma hang keten len kenie, nu ma kekuli qe wina pi ma ghan-nan den.”

DANIEL 11:36

“Siriya kadimiwa na ma kenen saaden, ma acenpvü tsüdi miwila diki, Kekhang ntsawa Anyiza miwi la diki le khi nu awisa den. Anyiza na ma kemeten tsüwa npi kecu chu ma hati sayaben. Anyiza na mangwa kidentheng khe tsüti saaben.

DANIEL 2:47

Kadimiwa na khi, “N-Nyiza hana acenpvü tsüdi miwi kedi ntsawa, kadimithu miwi Apvüwa, nu kekuthithu pi ccüca ketenwa tsü le. Hi ha chüben, kepaghenanye no kekuthi jjügi ha khimetha chi cüdha.”

MIKA 7:9

Ithu na sami pi Apvüwa shundha, tsalina khili matsü keujü wi ithu na ma lebenketsu wi kethankehi meyathu yishü. Isala asakhen wi ma ithu sheipiya nu nyu na ithu miwi sazzi kethengthu tsü sapi meshon cüaben. Ma ithu ssi shhugho kethang wi chicü; ithu na hangben nu ma ithu hangsha keya muyaben.

MALAKHI 3:18

Inyithu na kheneng kuti anyi ketsatanwa nu gheshighenawa, anyi hi kekuli kesawa nu nkesawa jüwi kepapa mangwa khati saben khe muyaben.”

JOHAN 21:17

Jisu na kecheng tughuwa ma wi keü, “Simon Johan tsawa, no hi tizenghaliben ma?” Jisu na kecheng tughu ma wi “No hi tizenghaliben ma?” kekeü ghena Simon na ma hathana wa, tsalina ma khi, “Apvüwa, no pala tsüdila chüben; hi no tizenghaliben kesa no chüben le!” Jisu na ma wi khi, “Ikhaghaneni nonccayalo.

KEKULI 1:24

Tsaseng wi mathu kekhie sa, “O Apvüwa, no anyi tsüdi leben kechüwa, tsalina pi ikhang ccücalo, no ha manyi khawa kessi pi

KEKULI 25:11

Keujüla hi ayen pahan pakhhi theng nu hi keshü qo kekuli sa theng lethu, hi nshüle kesa ghena alen bha nkesa. Isala keujüla mathu hi keshun jüh kekhi witsü atsentsa nmi lethu, thola hi pi mathu kwen wi chikeya nmi. Hi pi Rom Kadimiwa tuwi wa thsülo khieben.”

2 KORINTHNYI 11:11

Hi nthu nketizen ghena ha khiben kwe? Hi nthu tizenben kesa Anyiza na chüben.

2 KORINTHNYI 11:31

Apvüwa Jisu Nyiza nu Abawa na hi milimesa nben kesa chüben, anuphanla ma nyanthang keyawa salo!

2 KORINTHNYI 5:11

Ikhang na Apvüwa kemessi jjügi tsü chüben, tsalina ikhang nyu kepa wila kizaden. Anyiza na ikhang cüki chütha ben, nu hi kemeshen tsü nthu la nthu leben wi hi chübenshe saben.

AYENZHÜNENG 10:17

Apvüwa nthu Nyiza hana acenpvü tsüdi nu kekhang tsüdi miwi khangki. Ma khang nu di kesalina ma jühkina qole. Ma nyu nankepapa sa nten, nu alaa la ya nten.

1 TIMOTHI 6:16

Ma ketan shü nketenwa; ma anyi thola ma tetsakiya nketen kewegü wi tsü hangben. Anyi thola ma npi mu; nu thola ma muya nben. Ma ya kinyikü nu anuphanla kekhangwa salo! Amen.

IBRINYI 4:13

Ciwi mangla Anyiza tu wi kuthiya nben; ma nyon tu wi sahangkechithu tsüdila shaben nu muthatha ben. Ma tu wi ithu tsüdila ithu cüki nkhithu yishü.

JOSHUA 22:21

Reuben, Gad, nu nishuwa Manasseh nyithu na niduwa mizzathu theghi wi ccülikesathu luneng,

CCÜCAKECHI 19:16

Ma gwomejuwa kaghazu nu ma phede miwi anyan pi zhüki pvü keten na: “kadimithu miwi Kadimiwa nu apvüwathu miwi Apvüwa.”

CCÜCAKECHI 2:23

Hi ma tsangathu la pathi cüden, Tsaseng wi kemehuthu na hi anyi tsüdi kemeshen nu kenmvu kechüwa le kesa chüyaben. Hi nthu kesüsü kuli ketheng kenie wina akutimen pi cüden.

1 SAMUEL 15:23

Ma kematang kekuli tsüna kedema ti nmehai nu kinankeli tsüna atsikezhü kekinyi kesami tile. No Apvüwa jühkhukechi tsü meya mvula kesalina ma la no pi kadimiwa kesa tsü meya mvuladha.”

1 SAMUEL 2:3

Nthu nkapvüla yilo; nthu kekapvü jüh nkhi layi. Kepaghenanye Apvüwa tsüna Anyiza, ma pala tsüdi chüben, nu ma anyi tsüdi kekuli ghan nanden.