JOSHUA 22:18 - Kemethajüh (N) (Re-editing) Bible (BSI)

¹⁸ Nthu na khili la ma n-nie mvula hhaghe ben kwe? Keujüla nthu na nansü Apvüwa shun lethu, ma dhitsü wi Israel nyi tsüdi miwi aghepvü ben.

JOSHUA 22:18 Iomraidhean Croise

2 SAMUEL 24:1

Matsü kepa wila kuti Apvüwa na Israel miwi aghepvü nu ma David yala agükeccü sengho mathu miwi chi thsü. Apvüwa na ma wi khi, “Wala Israel nu Judah nyithu si nanlo.”

1 KADIMITHU 9:6

Isala keujüla no nu nshicübvüghathu na hi n-niela, nu iyenthu nu ayenkhuchi pi no kecüthu meyala, nu acenpvü kepathu kinyi wa lethu,

2 KADIMITHU 17:21

Apvüwa na Judah wina Israel khuthipi kesa seng wi Israel nyithu na Nebat tsa Jeroboam pi mathu kadimiwa sa thsüa. Jeroboam na mathu sapi Apvüwa teshitha sa thsüa nu mathu ssi wa qhethiketen kesami sa wa thsüa.

1 KHENICÜKI 21:1

Satan na agükeccü sengho Israel miwi chimvu sa, tsalina ma David sapi nyanzhüghu thsüle südheya.

1 KHENICÜKI 21:14

Tsalina Apvüwa na adhagha kesü kesun pi Israel miwi chi, mathu anyi hazar achentagü na shüa.

2 KHENICÜKI 25:27

Ma khathansha wi Apvüwa matang shun shagha khe tsü nten na Jerusalem wi acho sapi ma shun shagha. Ma asakhen wi bvü sen nu Lakhish nyunutiwa wi wa lela ciwi la ma ghinyithu na ma nie wa ma pathia.

2 KHENICÜKI 34:33

Kadimi Josiya na ayyi ciwi Israel nyithu ji nankiqanan atsikezhüthu tsüdila yasa, nu ma hang keben chu ma anyithu yala Apvüwa, mathu bamyithu Nyizawa kekuli sa thsü.

LEVIYEN 10:6

Tsaseng wi Mosa na Aaron nu ma tsa keni Eleazar nu Ithamar wi khi, “Nthu li nhhe nyelela athsümeni mezüqhe pvü nu nthu na anongü benle kesa pi nyu nccücala. Keujüla nthu na tsüti sa lethu, nthu na shüaben, nu Apvüwa na azitenti maben miwi ma leben minu ben. Isala nthu Israel nyithu tsüdila Apvüwa na anni kesun chi pi mecangthi thsü kesa keshü ha ghena anongüya mehai.

SHICÜSI 16:22

Isala Mosa nu Aaron manyi ayyi wi nkhwendu nu khi, “Oh Anyiza, no kahangli tsüdi sa kechiwa. Anyi kesü na sami lethu, no azitenti maben miwi n-ghepvü ten kwe?”

SHICÜSI 32:15

Keujüla no Reuben nu Gad nyithu na ma n-nie mvula hhaghe lethu, ma kheneng aghansha wi anyi hathu tsüdi teshiaben, nu mathu na shü lethu tsüna nthu ghena le.”

AYENZHÜNENG 7:4

kepaghenanye isalethu mathu na nthu tsangathu ya Apvüwa nkinyi thsüla ssinu acenpvü kepa wi bvüaben. Isalethu Apvüwa na nthu miwi aghepvü nu nthu yasa cüben.

JOSHUA 22:15

Mathu na Gilead yyi wi Reuben, Gad, nu nishuwa Manasseh mizza nyithu wi gho,

JOSHUA 22:16

nu azitenti maben ghena Apvüwa nyan wina mathu wi khi, “Nthu mangkesa na pala nkemehai hati sapi Israel Nyizawa shunten nu? Nthu na nthu ghena kekinyipen ha sapi Apvüwa matangdha. Nthu na ma n-nie ladha le!

JOSHUA 22:20

Zerah tsawa Akhan na keyisha tsanqaithu tsü ghena ayenkhukechi nkinala. Akhan ketan ma kesami ghena nshü isala Israel nyi zitenti mabenla tsü ghena khatila ketizensa khe meshenchilo.”

JOSHUA 7:1

Apvüwa na Israel nyithu wi mathu na Jerikho wi mangla khu meyala pi yasalo kekhi tsü n-niela. Anyi kesü ma nyan Akhan kesa na ahza tsü n-niela, tsalina Apvüwa na Israel nyithu miwi aghepvü ntsa sa. (Akhan na Judah mizza wi Zerah gei wi Zabdi tsawa Karmi tsa.)

JOSHUA 7:11

Israel na samidha! Hi mathu ya nieyalo kekiza mathu ssinu cenkethenjüh tsü mathu na pakhhidha. Mathu na atsanqaithu yasalo kesa tsü pahan khuyadha. Mathu na milimesa nu tsüthu ghanfü pi mathu ji saghu yadha.

JOSHUA 7:21

Ithu na atsanqai shukeya jawi tsü hi Babylon nyi thsü tsikemehai kesü, rükatssü kilogram keni-u, nu suna kekiyan kilogram kesü kegishü pahan-u muya. Hi tsüthu tsü khuya mvuthi nu khuyale. No hi tsüthu pi inithsüjjen non ayyi wi rükatssü pi acakhuwa sala chhüvhü ketheng muyaben. ”

1 SAMUEL 12:14

Keujüla nthu na Apvüwa nthu Nyiza tsü kinyikü, ma kekuli sa, ma jüh kina, nu ma yenkhukechithu tsü nie, nu nthu le nthu kadimiwa lela ma nie lethu, pala tsüdi wila nthu ghena mehaiben.

1 SAMUEL 12:20

Samuel na luneng, “Nthu na nkemehai hati kesa kesü sa lela nmessi lalo, nu Apvüwa wina khapeghe nbvüla, isala nthu leben tsüdi sen nu ma kekuli salo.