JOSHUA 21:44 - Kemethajüh (N) (Re-editing) Bible (BSI)

⁴⁴ Apvüwa na mathu bamyithu wi kishenketheng ti ayyi maben wi kecca pi mathu cüa. Mathu ghinyithu kesütanla mathu shun meya, kepaghenanye Apvüwa na mathu ghinyi tsüdi miwi khangkeya pi Israel nyithu cüdha.

JOSHUA 21:44 Iomraidhean Croise

2 KHENICÜKI 13:16

Israel nyithu na Judah nyithu wina bvüa, nu Anyiza na Judah nyithu ya mathu miwi khangya thsüa.

BVÜKESHHU 23:31

Hi nthu yyi ggü tsü Kenmie Tssükedone na wa Filistin Tssükedone kecu nu ayyikeshü na wa Eufrat Ghaku kecu sapi tisie kayi cüden. Hi ayyi ciwi hang kebenthu miwi kekhang pi nthu cü, nu nthu na mathu jügüshiaben.

BVÜKESHHU 33:14

Apvüwa na khi, “Hi no gweghe waden, nu khangkeya pi no cüden.”

ISAYA 63:14

Amesüsi ssinu ayyiketijü kemehai wi kewa tsüti Apvüwa na kecca pi ma nyithu cü. Ma ma nyithu lentsütson nu ma nyan kenyuwakü sengho.

AYENZHÜNENG 2:36

Apvüwa ithu Nyiza na ithu yala Arnon yyiketijü katen Aroer wi anyuti tsüdi, nu ayyikeshü non wi anyunutiwa, Gilead wi kewa len kecu tsüdi yaya thsüa. Ciwi anyuti khweti kesüla ithu ghena khang mtsü nsa.

AYENZHÜNENG 21:10

“Apvüwa nthu Nyiza na aghi wi kekhang pi nthu cü nu nthu na atssüzüthu ghanya lethu,

IBRINYI 4:9

Isala ciwi khili lela Anyiza na tagüwa tsathang wi kemnan tsüti Anyiza nyithu ghena kecca ben.

JOSHUA 1:13

“Apvüwa maghawa Mosa na khati nthu wi Apvüwa nthu Nyiza na Jordan na nishuwa ayyi pi nthu keben pen sa thsü benle kiza khe tsü meshenchilo.

JOSHUA 1:15

nu mathu Jordan na niduwa Apvüwa nthu Nyiza na ayyi pi mathu cü ketheng tsü npi yakeya chu mathu kiqale kesalina. Khathansha wi Israel mizzathu tsüdi yazishu benya thsü khe, nthu na kheneng gho Jordan na nishuwa Apvüwa maghawa Mosa na pi nthu cü kethengwa nthu yyi wi ha hang waya mehai.”

JOSHUA 1:5

Joshua, no hang keben chu anyi thola no chaya nben. Hi Mosa ssi kegho ti no la ssi benden. Hi keshüthangla no ssi benden; khiewila hi no teshia nben.

JOSHUA 11:12

Joshua na anyunuti hathu nu kadimithu yaya, nu Apvüwa maghawa Mosa na kekhi ti anyi tsüdi pi shü thsüa.

JOSHUA 11:23

Apvüwa na Mosa kekiza ti Joshua na ayyi mabenla nkaya. Joshua na tsü pi Israel nyithu ji sala pi amizza kesüsü gishü cüa. Tsalina anyithu na aghi nsala mnanya.

JOSHUA 11:8

Apvüwa na mathu miwi khangkeya pi Israel nyithu cüa, Israel nyithu na mathu ssikaghashen nu mathu jügü wa aghawa Misrefoth Maim nu Sidon, nu nishuwa Mizpah yyiketijü kecu wi chia. Aghinyithu kesüla hangkeben chu ssikesali.

JOSHUA 2:24

nu khi, “Apvüwa na diyyiwa maben pi ithu cüdha kesa chütiben. Ciwi anyi tsüdila ithu messiben le.”

JOSHUA 22:4

Khili Apvüwa nthu Nyiza na ma khishiketheng ti kecca pi no Israel nyithu cüdha. Tsalina ayyi nthu jile khi keben Jordan na nishuwa Apvüwa maghawa Mosa na pi nthu cü kethen witsü whanenglo.

JOSHUA 22:9

Tsalina Reuben, Gad, nu nishuwa Manasseh mizzathu na ajjen wi whaneng. Mathu na Kanaan yyi wi Shilo wi Israel nyithu teshi nu Apvüwa na Mosa wina mathu kiza nu mathu ayyi yapi mathu ji sakeya Gilead yyi wi whaneng.

JOSHUA 23:1

Apvüwa na Israel nyithu ya mathu ghinyithu tuwi yazishu benkeya matsü kesie seng wi tsü Joshua na qhai ntsa sadha.