JOSHUA 21:43 - Kemethajüh (N) (Re-editing) Bible (BSI)

⁴³ Tsalina Apvüwa na ma Israel bamyithu wi ayyi pi mathu cüle kishenketheng ti ayyi tsüdi pi mathu cüa. Mathu na tsü yakeya seng wi ciwi hang wa.

JOSHUA 21:43 Iomraidhean Croise

ADECHHÜ 12:7

Apvüwa na Abram tuwi gho nu ma wi khi, “Diyyi hawa ha hi pi nshicübvüghathu cü ketenwa tsü.” Ciwi Abram na kekinyipen kesü sapi Apvüwa ma tuwi keghowa tsü cü.

ADECHHÜ 13:15

No ayyi mukeben tsü tsüdi hi pi no nu nshicüthu cüden, nu tsüna anuphanla nji sa ben.

ADECHHÜ 28:4

Ma sawegü pi Abraham kecü ti pi no nu nshicübvüghathu la kecüwa salo, nu no khili hang keben Anyiza na pi Abraham kecü yyi ha ya keyawa sa.”

2 KHENICÜKI 20:8

Mathu na hewi hang nu no kinyikü wina Kekinyijjen kesü saya,

NEHEMIYA 9:24

Mathu na Kanaan yyi tsü nkaya; no ciwi anyithu miwi khangya, No kekhang pi n-nyithu cü nu mathu ya Kanaan nyithu, nu kadimithu miwi mathu kemeshen saya thsü.

NEHEMIYA 9:8

No ma no wi jühtsentsa kesa muya, nu no ma ssinu cenkethenjüh kesü sa. No Kanaan nyithu yyi pi ma cüle khishichi, Hitti nu Amor nyithu yyi, Jebus, Girgash, Periz nyithu yyi, ma shicübvüghathu hang keten yyi kesü. No jühtsentsa kesa ghena no khishikechi tsü nieden.

ZAKECI 105:8

Ma anuphanla cenkethenjüh tsü nie den, ma jühkhukechithu na abvüye hazar kesü ghena.

ZAKECI 44:3

N-nyithu na mathu njünnu sen nu ayyiwa tsü nka meya; mathu kekhang wina khang meya; isala no kekhang nu no kezü, no keten chüti kesa ghena, tsüna no mathu tizen tenle kesa pi ccüca kechi.

ZAKECI 78:55

Ma nyithu na atujügüwathu ma ayyi ciwi kahangthu tsüdila jügüa. Ma mathu yyithu tsüpi Israel mizzathu gishü cü, nu mathu jjenthu tsüpi ma nyithu cüa.

BVÜKESHHU 3:8

Tsalina hi Ejipt nyithu kwen wina mathu hangshaya nu Ejipt wina mathu ssi wa ayyi kemehai apen kemeza, ayyi kecca nu kinyan; Kanaan, Hitti, Amor, Periz, Hivi, nu Jebus nyithu na khili hang keben witsü chi cüle ghodha.

JEREMIYA 32:23

Isala mathu na ayyi hawa wi gho yaya keya sengwi mathu na no khukechi jüh nkina nyelela no pi nyu kesansijüh nie nu tsüti nhangla; mathu na no mathu salo ahza khukechithu tsü mangla nsa. Tsalina no kededi hathu sengho mathu miwi chidha.

SHICÜSI 33:53

Mathu yyi nkaya nu ciwi hang wa, kepaghenanye hi tsüpi nthu cüben.

SHICÜSI 34:2

kecükegwe hathu ha Israel nyithu ghena: “Nthu na Kanaan wi hi ayyi pi nthu kecü witsü duya lethu, nthu ggü na hathu ha.

AYENZHÜNENG 11:31

Nthu na Jordan Ghaku pvüdhi wa Apvüwa nthu Nyiza na pi nthu cü keben ayyiwa tsü yaya tendha. Nthu na tsü yaya nu ciwi benya lethu,

AYENZHÜNENG 12:29

“Nthu na mizzatentithu yyi nka wathu Apvüwa nthu Nyiza na mathu yasa cüben, nu nthu na tsü yaya nu ciwi ben waben.

AYENZHÜNENG 17:14

“Apvüwa nthu Nyiza na ayyi pi nthu cü keben tsü yaya nu ciwi benkeya seng wi nthu kevü mizzatentithu ti kadimiwa kesü senle kesa südhe yaben.

AYENZHÜNENG 34:4

Tsaseng wi Apvüwa na Mosa wi kiza, “Ayyi hawa ha hi Abraham, Isak, nu Jakob wi khishiketheng pi mathu shicübvüghathu cüle khi ketheng tsüle. Hi no ya tsü muya thsüdha, isala hi no ciwi waya thsü nten.”

JOSHUA 1:6

Lebenzü nu kempvüza sayalo, kepaghenanye no anyi hathu ccüli sa nu mathu na wala hi mathu bamyithu wi khishiketheng yyiwa tsü yaya ben.

PENDHENYI 11:24

No tsü khuyaneng le saben kwe? Ncenpvü Khemosh na mangwa pi no cü khe tsü pi theng yalo. Tsüti ithu la Apvüwa ithu Nyiza na pi ithu kecü tsüdi pi theng yaden.

1 SAMUEL 12:8

Jakob nu ma theghi na Ejipt wi wa nu Ejipt nyithu na mathu pasha nu nthu bamyithu na Apvüwa wi kekiqa khie. Apvüwa na Mosa nu Aaron manyi kesun chi nu Ejipt wina mathu ssi shhugho ayyi hewi hang thsüa.