JOSHUA 2:9 - Kemethajüh (N) (Re-editing) Bible (BSI)

⁹ nu manyi wi khi, “Apvüwa na ayyi hapi nthu cüdha kesa hi chüben. Diyyiwa wi anyi tsüdila nthu messithi ben.

JOSHUA 2:9 Iomraidhean Croise

ADECHHÜ 35:5

Jakob nu ma tsathu na apen tsü keteshi wi kemessi na anyuti tsü kevü anyithu miwi gho nu mathu Jakob nu ma tsathu jügü nwala.

2 SAMUEL 17:10

Isalethu, anyi kempvüza ssensitemi ti messi nkentenwa lela messiaben, kepaghenanye Israel wi anyi tsüdila nba na süpahi kekhang kesü nu ma nyithu na aghi kekhangthu le kesa chüben.

2 KADIMITHU 5:15

Ma ma nyithu tsüdi ssinu Elisha wi gho neng nu khi, “Hi khili Israel Nyizawa ketan khe ciwi acenpvü kepa wi nmi kesa chüyadha; tsalina kediwa, nchala hi wi aju kesü ha khuyalo.”

2 KADIMITHU 7:6

Apvüwa na Siriya nyithu sapi süpahizi keti na goru nu gorugarithu ssigho keten hhai ti kesa zaya thsü, nu Siriya nyithu kemeshen na Israel kadimiwa na Hitti nu Ejipt nyi kadimithu nu mathu süpahizi ssisen mathu ssikaghashen ghotenle sa.

NEHEMIYA 6:16

Ithu ghinyi ithu kevü mizzatentithu wi kebenthu na ha zakeya wi mathu kejügheyadha kesa chüya, kepaghenanye anyi tsüdila Anyiza kekiqa sen nu kekuli ha sayale kesa chüben.

ESTHER 8:17

Diyyi tsüdi nu anyunuti tsüdi wi khiewi kadimi pi thangkechi ha sichi khe Judah nyithu na kenong sala mishu nu anonkeghe sa. Anyi kepathu kejon na Judah nyi saya, kepaghenanye mathu na khilitsü Judah nyithu messi.

Job Lesüshen 19:25

Isala hi tangwi anyi pahan na asakhen wi gho nu isheipiya benle kesa hi chüben.

ZAKECI 112:10

Gheshighenathu na ha muyanu lebentsu; mathu na nankemeghü nyon sapi ghang nu bvüa; mathu kaghangwa tsüna anuphanla nmiladha.

ZAKECI 115:16

Atssan tsüna Apvüwa ji ketan, isala ma ayyi tsüpi anyi cüchi.

BVÜKESHHU 18:11

Hi khili Apvüwa na acenpvü tsüdi miwi diki kesa chüyadha, kepaghenanye Ejipt nyithu na Israel nyithu metenmesha keben wi hati sachi cüle.”

BVÜKESHHU 23:27

“Hi anyi nthu shun ketenthu ya hi messi thsüaben; hi chükivvü sengho anyi nthu ssinu kesali ketenthu jawi chicü nu nthu ghinyithu sapi nthu wina khapeghe bvü thsüaben.

Sansichhü 8:12

Kesami nyi kesü na meza tughu ayen pakhhi nu hang benlaya mehai. Oh anle, mathu na mangwa khiben khe hi chüben: “Keujüla no Anyiza jühya lethu, tsüdila meshon yaben,

ISAYA 19:1

Hana Ejipt ghena ketsijüh kesü. Apvüwa na akulukeshü miwi ben nu mbhi ntsa Ejipt wi ghoden. Ejipt nyi tsikezhüthu na ma tuwi kedheggü ben, nu Ejipt nyithu na mathu kempvüza nmidha.

ISAYA 23:5

Ejipt nyithu lela Tur na dedidha le kesa chükeya wi amansa nu accükwenshü waben.

JEREMIYA 27:5

“Hi kekhang nu kezü keti sen nu ayyi, anyi, nu ayyi miwi hang keben aghangsa tsüdi sahangchi; nu hi tsüpi hi kessi keya nyi kesü le kesü lela cüden.

NAHUM 2:10

Nineve na yasadha, yisha, nu teshidha! Kemessi ghena leben pachadha, akhu kenün, nu kezü nmidha; ammi phalagha sadha.

SHICÜSI 20:14

Mosa na Kadesh wina nyilothu kesun pi Edom kadimiwa wi chi, mathu na khi, “Ajüh hawa ha nshili Israel mizzathu wi na kegho: No, ikhang na agükeccü nu ketizekesa tsü chüben,

SHICÜSI 20:24

“Aaron na hi ayyi pi Israel nyithu cüle khishi ketheng wi tsü duya nten; ma shüa tendha, kepaghenanye nshinyi na Meriba wi iyenkhukechiwa tsü matang nu shun.

MATHI 20:15

Hi ipisa pi hi kemeshen kesau nye kwe? Nyelela hi anon-nkhula pi nyu kecü ghena nthu anonpvü ben kwe?’ ”

AYENZHÜNENG 11:25

Nthu na khathansha ayyi ciwi waya khe Apvüwa nthu Nyiza na khishiketheng ti anyithu sapi nthu messi thsüaben, nu thola nthu khenya nben.

AYENZHÜNENG 2:25

Nansü nten na hi apen tsüdi wi anyithu sapi nthu messi thsüaden. Nthu nyan teng kechi wi tsüdila messi nu kedheggüben.’

AYENZHÜNENG 28:10

Isathu ayyiwi anyi tsüdila Apvüwa na nthu kessi pi ma nyithu sayadha le kesa muya, nu mathu na nthu messiaben.

AYENZHÜNENG 32:8

Kemisintsa na ayyi pi mizzatentithu cü; anyithu na khiewi hangten khe ma npi wina kiden pi cüden. Ma Anyiza tsangathu anyi keji kezeng qae wina sapi cüden.

IBRINYI 11:31

Kenondi ghena qhezamen kedsawa Rahab pi Anyiza jüh nkekinathu gweghe npathi, kepaghenanye ma anonkeghe sala Israel nyi wahhaithu ssiya.

JOSHUA 2:11

Ithu na tsü cüki zaya meyi messi ntsa sa; nthu ghena ithu kempvüza nmiladha. Apvüwa nthu Nyiza tsüna tang wi nu ayyi ha wi la Anyiza le!

JOSHUA 2:24

nu khi, “Apvüwa na diyyiwa maben pi ithu cüdha kesa chütiben. Ciwi anyi tsüdila ithu messiben le.”

JOSHUA 2:8

Wahhai keni na npi kejen wi Rahab na aqae wi ki

JOSHUA 5:1

Jordan na niduwa Amor nyi kadimithu nu Mediterranean Tssükedone kete wi Kanaan nyi kadimithu tsüdila Israel nyithu na Jordan npi pvüthikeya chu Apvüwa na tsü sapi keqha thsüle kesa zaya. Mathu na messi nu mathu kempvüza nmila.

JOSHUA 6:2

Apvüwa na Joshua wi khi, “Hi Jerikho, ma kadimiwa, nu ma süpahi kekhangthu tsüdi pi nkwen wi chiaden.

JOSHUA 9:10

nu Jordan na nishuwa Amor nyi kadimi keni: Heshbon wi Sihon kadimi nu Ashtaroth wi hang keten Bashan wi Og kadimi miwi mangwa sachi khe zayadha.

JOSHUA 9:24

Mathu na lunneng, “Kediwa, ithu na tsüti sale, kepaghenanye ithu chükeya na Apvüwa nthu Nyiza na ma maghawa Mosa wi ayyi ha maben pi nthu cülo nu nthu atujügüwathu anyi ciwi hang kebenthu tsüdila pathilo kekhi tsüna ntsakhiwa le. Ithu na nthu messi, nu ithu na shükea kemessi ghena tsüti sale.

JOSHUA 9:9

Tsaseng wi mathu na hati khipi ma kiza: “Kediwa, ithu na ayyi lenkesie wina ghole, kepaghenanye ithu na Apvüwa nthu Nyiza cüki tsü zayadha. Ithu na ma Ejipt wi kuli kechi tsüdi zayadha,

PENDHENYI 7:14

Ma pvüshangwa na luneng, “Tsüna Israel nyi Joash tsa Gideon njünnu tsüle! Tsüna kepa wi man ghena la nyele! Anyiza na Midia nyithu nu ithu süpahizi maben miwi khangkeya pi ma cüdhale!”