JOSHUA 2:19 - Kemethajüh (N) (Re-editing) Bible (BSI)

¹⁹ Keujüla anyi kesü njjen wina shhunu wa shü lethu, tsüna ithu khhi nye, ma ketanla ma kesazzi; isala ajjen wi no gweghe keben kesüla pathi lethu, tsüna ithu khhi le.

JOSHUA 2:19 Iomraidhean Croise

2 SAMUEL 1:16

nu David na Amalek nyiwa wi khi, “No ketanla ha sengho nmiwi chikeyale. No Apvüwa na kessi pi kadimi kesawa pathidhale kekhishi wi no ketanla no meshensadha.”

2 SAMUEL 4:11

Anyi nkemehai na anyi kesami nkemi kesü na ma jjen wi jen keben pathi kesa ghena tsü miwi khati nmehaiki sadha nu! Nshinyi na ma pathi kesa ghena hi khili nshinyi miwi ajukhiya nu ayyi ha miwi nshinyi pi nmi thsü laden!”

1 KADIMITHU 2:32

Joab na iba David nchü thsüla mathu pathi kesa ghena Apvüwa na ma meten cüben. Joab na ma miwi kemehaiki keni kesami nkemi nyi Israel süpahizi benchüwa Abner, nu Judah süpahizi benchüwa Amasa pathia.

BVÜKESHHU 12:13

Ajjü na ajenka donbvü wi keben tsüna nthu ajjen ciwi hang keben zensu. Hi Ejipt nyithu metenmesha kegho wi ajjü muya lethu hi nthu ghübvü nu nthu yasa nben.

BVÜKESHHU 12:22

Shonphighe tsang kesü khuya nu pi aghangsa jjü chi ketheng wi tsü tenya, nu ajjü tsüpi ajenka donbvüthu nu kenthsüwa tsü nyenya. Ghanenwa npi kegho chu nthu thola ajjen nteshi lalo.

BVÜKESHHU 12:23

Apvüwa na Ejipt yyi tsüdi wi wa Ejipt nyithu pathile kewa wi nthu jenka donbvüthu nu kenthsüwa wi ajjü muya lethu nyu kepathi nyilowa ya nthu jjen wi dula nthu pathi thsü nben.

LEVIYEN 20:11

Npvüza kesü na ma ba wubvü kesü ssimehai nu ma ba nyankenyen lethu, ma nu nzawa manyi qho pi shü thsüaben. Manyi keshü khhiwa tsüna manyi ketanla manyi ghena.

LEVIYEN 20:9

Apvüwa na ayen hathu ha khuchi. Anyi thowa na ma ba nyelela ma jja kishencü khe ma pi shü thsüaben; ma keshü khhiwa tsüna ma ketanla ma ghena.

MATHI 24:17

Anyi kesü ajjen mili wi kebenwa na kheneng du ma jjen wi ma tsanqaithu khuyale sayishü.

KEKULI 18:6

Mathu na ma shun nu ma nkemehai kekhi wi Paul na ma thsümeni ketheng nu mathu wi khi, “Keujüla nthu na dedi lethu, nthu ketanla nthu meshensa lo! Ikuti mangla nmidha, hi khili nten na Judah nyi nkenyethu wi wa tendha!”

KEKULI 20:26

Tsalina hi nansü ha pi nthu kiza ntsa chiben: keujüla nthu pahan na bhatagha lela ikuti nmidha.

KEKULI 27:31

Isala Paul na süpahizi kediwa nu süpahithu wi khi, “Keculathu na ahunjjen wi nbenla lethu, nthu hangya nben le!”

FILIPPINYI 3:9

nu ma gweghe bentha yaden. Hi Ayenwa kenie wi kiyi keya tsü ghena hi wi ketsatan mangla nmi. Hi khilitsü Khrista kenondi wi ketsatan pi kecüwa tsü ben, ketsatan tsüna kenondi ghena Anyiza wina kegho.

IBRINYI 10:29

Isalethu, anyi Anyiza Tsawa pi ma men nkemi sa, ajjü pi Anyiza Cenkethenjüh sa nu kesami wi ma satemetha ketheng tsü pi lekete sa, nu Aghamu nanketizen then ketenwa tsü khati saben nu? Meshenchilo, ma kemeten-kemesha nkemehai khacu muya qo nu!

JOSHUA 2:12

Khili, hi nshinyi noncca kecü ti nthu la itheghithu noncca cüben kesa Apvüwa nyan wina kishenlo, nu hi nondiya kemehai zensu kesü pi hi cülo.

JOSHUA 2:14

Manyi ma wi kiza, “Ishinyi na ishinyi kekhi ha nsala lethu, Anyiza na ishinyi kahangli khuya kesawa sa! Keujüla no ithu kekuli cüki ha pi thola nkizala lethu, Apvüwa na ayyi hapi ithu kecü wi ithu na kemehai sa no noncca cüben kesa ishinyi na no wi khishiben.”

JOSHUA 2:20

Isala keujüla no ithu kulikeben cüki hapi nyu kiza lethu, no ishinyi ya no wi khishikechi tsü ishinyi na nie nben.”