JOSHUA 2:18 - Kemethajüh (N) (Re-editing) Bible (BSI)

¹⁸ No hati salo. Khathansha wi ithu na nthu yyi nka gho khe no ishinyi ya ccenca cü thsü kesa ali kenmie ha pi njjenkubhi wi misüki theng lalo. Nba, njja, nbaghathu, nu nba theghithu tsüdi cighu pi njjen wi chiyalo.

JOSHUA 2:18 Iomraidhean Croise

ADECHHÜ 12:2

Hi ashicü kejon pi no cüden, nu mathu na mizzatenti keti kemehai saben. Hi sawegü pi no cü nu n-nyan sa mechan chiden, isanu no kesawegü kepvüwa saden.”

ADECHHÜ 7:1

Apvüwa na Noah kiza, “Ntheghithu maben ssinu ahunjjen wi duyalo; kepaghenanye hi ayyi wi no ketan ketsatan nyi muyale!

ESTHER 8:6

Hi khatinu agükeccüwa hana inyithu miwi kegho wi nu ishilithu kepathi witsü ghang pvü benya mehai nu?”

BVÜKESHHU 12:13

Ajjü na ajenka donbvü wi keben tsüna nthu ajjen ciwi hang keben zensu. Hi Ejipt nyithu metenmesha kegho wi ajjü muya lethu hi nthu ghübvü nu nthu yasa nben.

Kesaki khwi 4:3

Nkhemüggü na anonwe nmieman kesa ti; ajühkhithu tsüna no jiketsü. Ndhebi na n-mmi keshang kekhu wi wegüthsü ben.

LEVIYEN 14:4

keqhaikediwa na awa kemetha keni, sedar chan kesü, anonwe kesü, nu shonpheghe tsang kesü tsüti sengholo ahza khuchiben.

SHICÜSI 19:6

Tsaseng wi ma sedar chan pahan, shonpheghe tsang kesü, nu anonwe khuya nu tsüthu pi anni wi cüchi.

SHICÜSI 4:8

Mathu na athsü kenmie kesü pi tsüthu miwi chi, asahyu kemeju kemehai kesü pi ma miwi chiya, nu ma kepie chan pi shon chiya.

Luk Zhükechi Jühtheü Kemehaiwa 19:9

Jisu na ma wi kiza, “Nansü hangshakeya na ajjen ha wi ghodha, kepaghenanye anyi ha la Abraham shicü kesü.

KEKULI 10:27

Pitor nu Kornelia manyi keccünengli sen nu ajjen wi du ciwi anyi kejonla saghu keben mu.

KEKULI 10:33

Tsalina hi no cichilo kesun chile, nu no nantizen nu ghodha. Ikhang na khili tsüdila Anyiza tuwi ben nu Apvüwa na no mangwa khilo kiza khe tsü kinale hie ben.”

KEKULI 11:14

Ma ajühkhi pi no nu ntheghithu kizathu, ciwi nthu na hangsha yaben.’

2 TIMOTHI 1:16

Apvüwa ya nanketizen pi Onesifora theghi kecüwa salo, kepaghenanye ma matsü kejon wi la hi sa pi anongheya thsü. Hi atssüzü saben lela ma njüghe,

IBRINYI 9:19

Atuwa sa Mosa na Ayenwa wi ayenkhukechithu tsüdi pi anyithu wi kizachi. Tsaseng wi ma amesü süpon nu aneni jjü pi atssü saghuya, nu tsü pi ssenthsü kenmie nu shonpheghe chan cüna kesü wina pi Ayenwa lesüshen nu anyithu tsüdi miwi keghü,

JOSHUA 2:21

Nzawa na anlo khi nu manyi kesun pi bvü thsüa. Manyi kebvü seng wi nzawa na ali kenmie tsüpi ma jjenkubhi wi misükia.

JOSHUA 6:23

Tsalina manyi dula Rahab, ma ba, ma jja, ma baghathu, nu ma theghi kepathu ssi shhugho. Manyi na ma theghi nu nssümaghathu tsüdi ssinu Israel nyithu kemnanpen kete yazishu kesa pen wi wa.

JOSHUA 6:25

Isala Joshua na keqheza menkedsa nzawa Rahab nu ma theghithu tsüdila npathila, kepaghenanye ma wahhai keni kesun pi Jerikho wi kechi wi tsü manyi pi kuthi kecü ghena. (Ma shicüthu na khili kecu Israel nyithu jawi hangben.)