JOSHUA 2:14 - Kemethajüh (N) (Re-editing) Bible (BSI)

¹⁴ Manyi ma wi kiza, “Ishinyi na ishinyi kekhi ha nsala lethu, Anyiza na ishinyi kahangli khuya kesawa sa! Keujüla no ithu kekuli cüki ha pi thola nkizala lethu, Apvüwa na ayyi hapi ithu kecü wi ithu na kemehai sa no noncca cüben kesa ishinyi na no wi khishiben.”

JOSHUA 2:14 Iomraidhean Croise

ADECHHÜ 24:49

Khili nthu na ipvüwa ssinu ajühkeyali nu atsentsa sa lethu hi kizalo; nyelethu tsü la khilo, isathu hi khati kesau khe saden.”

ADECHHÜ 47:29

Ma shü wa keten tsüwa na tetsaki kegho wi ma tsa Josef cichi nu ma wi khi, “Nkwen pi ipedhi cakhu wi chiya nu no hi pila Ejipt wi vhü nbenle kesa khi kishenlo.

2 SAMUEL 2:5

ma anyi pahan kesun pi ketsijüh ha pvü nu ciwi wa thsü: “Nthu na nthu kadimiwa jühkeya wina ma pi vhü kecü ghena Anyiza na sawegü pi nthu kecüwa salo.

2 SAMUEL 2:6

Nu khili Apvüwa na nthu tuwi ccatssü nu jühtsentsa kesawa salo. Nthu kekuli kemehai ghena hi la nthu tuwi mehaitsü saben.

2 SAMUEL 9:1

Ghanan kesü wi David na keü, “Ciwi Saul theghi pahan na hangbenla nu? Keujüla hangben lethu hi Jonathan ghena ma nantizenchi mvu benle.”

1 KADIMITHU 20:39

Kadimiwa na pvüdhi wa keten wi atusenjüh-kechüwa na ma cichi nu khi, “Njenkeben Kadimiwa, hi aghi sa keben wi süpahi kesü na aghinyi kesü ghansen hi wi gho nu khi, ‘Anyi ha hieben lalo; keujüla ma pi bvü thsü lethu, no kahangli pi tsü dhiben nyelela rükatssü hazar kecheng pi kedhikejü sa ben.’

KEMETSAJÜH 14:22

Keujüla no kemehaiwa kuli lethu nyu kenondi kekü melli yaden; keujüla no nkemehai kuliten lethu no sazzi bendha.

KEMETSAJÜH 18:24

Apvüshangkesa pahan na kesie ben nten, isala apvüshangthu pahan na cünyunyi miwi ajühkeyaliden.

MATHI 5:7

“Nyu nantizen ketenthu na kemihhi ntsa, kepaghenanye Anyiza na mathu nantizen cüden!

KEKULI 23:22

Benchüwa na khi, “No ajüh hapi hi kizadha le kesa pi thola nkiza lalo.” Isanu ma pvüzawa tsü kesun pi bvü thsüa.

JOSHUA 2:13

Nthu na iba, ijja, ibaghathu, ipvünonthu, nu mathu theghithu tsüdi hangsha cübenle kesa hi wi khishichilo! Ithu pathi nsa lalo!”

JOSHUA 2:15

Rahab na anyunutiwa khweti miwi na ajjen kesü sa sen ndukuwa du keben wi hangden, tsalina ma manyi ya jjenkubhi wi ali wina ccenca sen nu ayyiwi cüya thsüa.

JOSHUA 6:17

Anyunuti ciwi keben pala tsüdi yasatha sapi Apvüwa kekinyi sa nsathu yishü. Keqheza menkedsa nza Rahab nu ma jjen wi ma gweghe kebenthu ketan heilo, kepaghenanye ma ithu wahhaithu tsü pi kuthi cüle.

JOSHUA 6:22

Joshua na wahhai meshu keni wi khi, “Nshinyi na khishiketheng ti keqheza menkedsa nzawa jjen wi du nu ma nu ma theghi ssi shhugholo.”

JOSHUA 6:25

Isala Joshua na keqheza menkedsa nzawa Rahab nu ma theghithu tsüdila npathila, kepaghenanye ma wahhai keni kesun pi Jerikho wi kechi wi tsü manyi pi kuthi kecü ghena. (Ma shicüthu na khili kecu Israel nyithu jawi hangben.)

1 SAMUEL 20:8

Nchala hi kenenwa ha sa cülo, nu no hi wi khishikechi kemethawa tsü nielo. Isala keujüla hi sazzi lethu, no hi pathilo! Mangsale hi ssinu nba wi wa nu hi pathi thsüa nu?”