JOSHUA 2:12 - Kemethajüh (N) (Re-editing) Bible (BSI)

¹² Khili, hi nshinyi noncca kecü ti nthu la itheghithu noncca cüben kesa Apvüwa nyan wina kishenlo, nu hi nondiya kemehai zensu kesü pi hi cülo.

JOSHUA 2:12 Iomraidhean Croise

ADECHHÜ 21:23

No khiela hi, itsangathu, nu ishicübvüghathu mechu nbenle khi Anyiza tuwi na kishenlo. Hi njühkina kegho ti no la hi nu no hang keben diyyiwa ha jühkina benle khishi chilo.”

ADECHHÜ 24:3

Hi no ya Apvüwa Anyiza nu ayyi sakechiwa nyan wina kishen thsü mvuben; tsüna no hewi Kanaan nyithu jawi itsawa ghena awubvü kessi pi ncü thsüle kesalina.

ADECHHÜ 24:9

Tsalina amaghawa na ma kwen pi ma pvüwa Abraham pedhi keni jüwi chiya nu Abraham na kekhi tsü sale khila kishen.

ADECHHÜ 40:14

Isala no ghena tsüdila mehaikeya wi hi meshenchilo, tizenthu kadimiwa wi inyan khichi nu hi kiqa pi atssüzüjjen he wina shhuya thsülo.

2 KHENICÜKI 36:13

Zedekiya na Kadimi Nebukhadnezzar matang shun, Nebukhadnezzar na ma meten pi jühkeya wi ben thsüle Anyiza nyan wina kishen thsü theng. Ma ma leben-dhu mtsü nu khapeghe sen Apvüwa, Israel Nyiza wi kheneng ngho mvula.

ESTHER 8:6

Hi khatinu agükeccüwa hana inyithu miwi kegho wi nu ishilithu kepathi witsü ghang pvü benya mehai nu?”

BVÜKESHHU 12:13

Ajjü na ajenka donbvü wi keben tsüna nthu ajjen ciwi hang keben zensu. Hi Ejipt nyithu metenmesha kegho wi ajjü muya lethu hi nthu ghübvü nu nthu yasa nben.

JEREMIYA 12:16

Keujüla mathu na mathu leben tsüdi pi inyithu keccüna yaya nu mathu na kuti tsüwi inyithu sansi pi Baal nyan wina ‘Apvüwa na hangkeben ghena’ tsüti kishen thsü kesa ti kishen lethu, mathu la inyithu ti sa nu mehai kayi yaden.

MARK 14:44

Judah na azensu kesü sa pi mathu cü nu khitheng; “Hi wa anyi kesü kimang chithu tsüna nthu ghanya mvu kebenwa tsüna, ma ghan sen nu bvülo.”

ROMNYI 1:31

mathu kemeshen nmi; mathu jüh kekhi tsü nie nten, nu mathu nyu tuwi kemehai nyelela nyu nanketizen nmi.

1 TIMOTHI 5:8

Isala keujüla anyi kesü ma shilithu, tsü miwi la ma theghithu tsü noncca meyala lethu, tsüna ma kenondi tsü meya mvu nu nkenondi nyi kesü miwi nmehai.

JAMES 2:13

Kepaghenanye ajühkekaghaten wi Anyiza na nyu nantizen nketen nyithu nantizen nben; isala nanketizenwa tsüna ajühkekaghaten miwi khang yaden.

JOSHUA 2:13

Nthu na iba, ijja, ibaghathu, ipvünonthu, nu mathu theghithu tsüdi hangsha cübenle kesa hi wi khishichilo! Ithu pathi nsa lalo!”

JOSHUA 2:18

No hati salo. Khathansha wi ithu na nthu yyi nka gho khe no ishinyi ya ccenca cü thsü kesa ali kenmie ha pi njjenkubhi wi misüki theng lalo. Nba, njja, nbaghathu, nu nba theghithu tsüdi cighu pi njjen wi chiyalo.

JOSHUA 2:19

Keujüla anyi kesü njjen wina shhunu wa shü lethu, tsüna ithu khhi nye, ma ketanla ma kesazzi; isala ajjen wi no gweghe keben kesüla pathi lethu, tsüna ithu khhi le.

JOSHUA 6:22

Joshua na wahhai meshu keni wi khi, “Nshinyi na khishiketheng ti keqheza menkedsa nzawa jjen wi du nu ma nu ma theghi ssi shhugholo.”

JOSHUA 9:15

Joshua na Gibeon nyithu ssinu gweghe kemehai keponghu kesü sa nu mathu yala hang thsüa. Israel nyitenti ccülikesathu na keponghu sa ketheng tsü niele mathu jühkhishi chia.

PENDHENYI 1:24

mathu na anyi kesü anyunuti wina shhugho keten muya nu ma wi khi, “Anyunutiwa wi kedulen pi ikhang kizalo, isathu ikhang no patena nben.”

1 SAMUEL 30:15

David na ma keü, “No hi ssi wa ayelakeshuthu wi tsü chicü ma?” Ma luneng, “Keujüla no Anyiza nyan wina hi npathi nyelela hi pi ipvüwa kwen wi chi neng nbenle kesa hi wi khishi lethu, hi no ssi wa ciwi chicüben.”