JOSHUA 2:11 - Kemethajüh (N) (Re-editing) Bible (BSI)

¹¹ Ithu na tsü cüki zaya meyi messi ntsa sa; nthu ghena ithu kempvüza nmiladha. Apvüwa nthu Nyiza tsüna tang wi nu ayyi ha wi la Anyiza le!

JOSHUA 2:11 Iomraidhean Croise

1 KADIMITHU 8:60

Isanu ayyi wi mizzatenti tsüdila Apvüwa tsü ketan Anyiza khe kepa wi khiela nmile kesa chüya thsüle kesalina.

2 KADIMITHU 5:15

Ma ma nyithu tsüdi ssinu Elisha wi gho neng nu khi, “Hi khili Israel Nyizawa ketan khe ciwi acenpvü kepa wi nmi kesa chüyadha; tsalina kediwa, nchala hi wi aju kesü ha khuyalo.”

NEHEMIYA 6:16

Ithu ghinyi ithu kevü mizzatentithu wi kebenthu na ha zakeya wi mathu kejügheyadha kesa chüya, kepaghenanye anyi tsüdila Anyiza kekiqa sen nu kekuli ha sayale kesa chüben.

ESTHER 8:17

Diyyi tsüdi nu anyunuti tsüdi wi khiewi kadimi pi thangkechi ha sichi khe Judah nyithu na kenong sala mishu nu anonkeghe sa. Anyi kepathu kejon na Judah nyi saya, kepaghenanye mathu na khilitsü Judah nyithu messi.

ZAKECI 102:15

Mizzatentithu na Apvüwa messi den; ayyi wi kedithu tsüdila ma kekhangwa tsü messi den.

ZAKECI 22:14

Hi kezü na bvüdha, atssü na ayyi wi lle kewa ti sa bvüdha. Igüthu na nkeshunkili ladha; ileben na anie lleghe kesa ti sadha.

ZAKECI 58:7

Mathu ya atssü lle bvü keten tsüti nmu thsüla; alen wi kepaghathu ti mathu cücha thsü kesawa salo.

ZAKECI 83:18

No ketan Apvüwa le kesa mathu la chükeyawa sa, ayyi tsüdi miwi kekhang kesen kedi ntsawa.

BVÜKESHHU 15:14

Mizatentithu na tsü zaya nu messi pi kedheggü; Hathakina na Filistinthu miwi gho.

BVÜKESHHU 15:15

Edom wi alikesathu na qhethiketen sa; Moab nyi kekhangthu na kedheggü wa; Kanaan nyithu na mathu kempvüza nmila.

ISAYA 13:7

Anyi tsüdi kwen na kelaca ben; nu anyi tsüdila kempvüza nmila ben.

ISAYA 19:1

Hana Ejipt ghena ketsijüh kesü. Apvüwa na akulukeshü miwi ben nu mbhi ntsa Ejipt wi ghoden. Ejipt nyi tsikezhüthu na ma tuwi kedheggü ben, nu Ejipt nyithu na mathu kempvüza nmidha.

EZEKIEL 21:15

Tsüna inyithu sapi ccükwenshü nu accümeshü den. Hi njünnu atsancwe ti cwencwe kesa kesü pi mathu nyunutiwa pateqhe nu süthi le kesa kidenyadha.

NAHUM 2:10

Nineve na yasadha, yisha, nu teshidha! Kemessi ghena leben pachadha, akhu kenün, nu kezü nmidha; ammi phalagha sadha.

AYENZHÜNENG 1:28

Mangsale ithu ciwi wa nu? Ithu na messiben. Ithu anyi kesun kechithu na ciwi anyithu na ithu miwi züki nu sieki, nu mathu na anyunuti khweti sapi atssan la cukeben non wi hangbenle ithu kiza. Mathu na ciwi kücanyithu la muyale!’

AYENZHÜNENG 20:8

“Kedithu na kheneng anyithu wi khiben, ‘Hewi anyi pahan na aghi gheya nu messiben kwe? Isalethu ma ajjen wi wha thsülo. Nyelethu ma anyi kepathu leben yasa ben.’

AYENZHÜNENG 4:39

Tsalina nansü nmalila nu meshenyalo: Apvüwa na atssan nu ayyi miwi Anyiza. Ciwi acenpvü kepa wi nmi.

JOSHUA 14:8

Isala anyi hi gweghe kewathu na ithu nyi sapi messi thsü lela hi tsü Apvüwa iNyiza jüh nie tsentsa sale.

JOSHUA 2:24

nu khi, “Apvüwa na diyyiwa maben pi ithu cüdha kesa chütiben. Ciwi anyi tsüdila ithu messiben le.”

JOSHUA 5:1

Jordan na niduwa Amor nyi kadimithu nu Mediterranean Tssükedone kete wi Kanaan nyi kadimithu tsüdila Israel nyithu na Jordan npi pvüthikeya chu Apvüwa na tsü sapi keqha thsüle kesa zaya. Mathu na messi nu mathu kempvüza nmila.

JOSHUA 7:5

Ai wi anyithu na khweti-jenka wina mathu jügü sen nu Shebarim kecu yyishiphon kencüggü wi mathu changha nu tugho cen pathia. Tsaseng wi Israel nyithu na mathu kempvüza nmila messi wa.

JOSHUA 9:24

Mathu na lunneng, “Kediwa, ithu na tsüti sale, kepaghenanye ithu chükeya na Apvüwa nthu Nyiza na ma maghawa Mosa wi ayyi ha maben pi nthu cülo nu nthu atujügüwathu anyi ciwi hang kebenthu tsüdila pathilo kekhi tsüna ntsakhiwa le. Ithu na nthu messi, nu ithu na shükea kemessi ghena tsüti sale.

CCÜCAKECHI 6:16

Mathu na ayikha nu alon ketithu ci nu khi, “Ithu miwi qanca dugho nu kadipen miwi donki kebenwa nyon kemu nu Khaghanenizzawa lebenketsu wi ithu pi kuthi cülo!