JOSHUA 2:1 - Kemethajüh (N) (Re-editing) Bible (BSI)

¹ Tsaseng wi Joshua na Akakia kemnanpen wina wahhai keni kizala wa kuthila Kanaan yyi wi Jerikho nyunutiwa tsü hhainanlo kesun chi. Manyi na khathansha wi wa anyunutiwa tsü cuya khe, manyi wa keqheza menkedsa nza kesü ma nyan Rahab jjen wi ben.

JOSHUA 2:1 Iomraidhean Croise

ADECHHÜ 42:16

Nthu meshu kesü na wa ma ssi gholo. Nthu kekhi tsü atsentsala nye khe npi chükeya chu nthu kepathu pi hewi atssüzü sa benden, kadimiwa na hang keben ti nthu na wahhaithu.”

ADECHHÜ 42:9

Ma mathu ghena ma man keman tsü meshenya nu khi, “Nthu na wahhaithu, ikhang diyyiwa nkekhang chüya le bha ghoben.”

MIKA 6:5

Inyithu, Moab Kadimiwa Balak na nthu miwi mangwa sale kiden nu Beor tsawa Balaam na khati ma lunengchi khe tsü meshen yalo. Akakia wina Gilgal wi wa keten kemnanpen wi mangwa sa khe tsüthu meshenya. Hathu ha meshenchithu hi nthu hangshayale kesa ghena mangwa sachi khe nthu na chüyaben.”

SHICÜSI 13:1

Apvüwa na Mosa kiza,

SHICÜSI 13:2

“Amizza taghakeni ja wi ccülikesa kesüsü kessiya nu mathu kesun pi wahhaithu sala hi Kanaan yyi pi Israel nyithu cü kebenwa tsü hhainan wa thsülo.”

SHICÜSI 25:1

Israel nyithu na Akakia yyiketijü wi kemnanpen sa keben wi npvüzathu na Moab nyi nzathu ciwi kebenthu ssimehai wa.

MATHI 10:16

“Kinalo! Hi nthu pi khaghaneni ti sala kesun pi atennithu jawi chiben. Nthu na amaghang ti meghe-metsa nu nkhetsü ti ayencüki mehai nsathu yishü.

EFESANYI 5:5

Nthu na ha chütiben, qheza-qhena wi nkemetha, hang nkemetha, apvükemene (kepaghenanye apvükemene tsüna atsikezhü kekinyi) kesathu ha kesüla Khrista nu Anyiza Kadiyyiwa tsü ghong meyacha.

IBRINYI 11:31

Kenondi ghena qhezamen kedsawa Rahab pi Anyiza jüh nkekinathu gweghe npathi, kepaghenanye ma anonkeghe sala Israel nyi wahhaithu ssiya.

JAMES 2:25

Keqhezamen kedsawa Rahab la tsü makesü sa. Ma kekuli wina Anyiza tu wi meshonya; ma Israel nyi wahhaithu ssiya nu mathu kiqa pi alen kepawa wina bvü thsüa.

JOSHUA 1:18

Anyi thowa na no kekhangjüh kekhi nyelela no ahza khukechi tsü n-niela khe pi shü thsüaben. Lebenzü nu kempvüza sayalo!”

JOSHUA 2:2

Jerikho wi kadimiwa na tsü ghaja Israel nyi pahan na diyyiwa hhainanle gho benle kesa zaya,

JOSHUA 21:31

Helkath, nu Rehob, pi tsüthu amou saghu.

JOSHUA 3:1

Dhitsü ghanenwa wi Joshua nu Israel nyi tsüdi ghanen mitu na shagha Akakia wi kemnanpen tsü teshi nu Jordan wi wa tsü pvüdhile kemnanpen sa nu hieben.

JOSHUA 5:10

Israel nyithu na Gilgal deshentijü wi Jerikho kete wi kemnanpen sa keben wi mathu na asha tsüwa taghamejü ghaja Shhukeya Kho tsü sa.

PENDHENYI 18:14

Tsaseng wi meshu manga diyyiwa Laish kevü wi hhainan kewathu na mathu pvüshangthu wi keü, “Ajjen hathu kesü wi achan pi atsizhü nu rükatssü pi meju ketheng na keben tsü nthu na chüben ma? Ciwi atsikezhü kepathu nu adepfü kewhengthsü la ben. Khili ithu na khati nsathu yishü le meshen ben nu?”

PENDHENYI 18:17

Wahhaithu manga tsüna meshonqhe ajjen wi du nu achan pi atsikezhü nu rükatssü pi meju ketheng, atsikezhü kepathu, nu adepfü kewhengthsü tsü khuya, tsü tsüwi keqhaikediwa na anyi aghighe kidenpvü keten meza tugho tsü gweghe kaghapeng jenka wi nganben.

PENDHENYI 18:2

Tsalina Dan nyithu na mathu mizza tsüdi jawi kesaqo nyi meshu manga kessiya nu Zorah nu Eshtoal nyuti keni wina kesun pi ayyi wahhai sa wa thsü nu khi, “Wala ayyi tsü hhainanlo.” Mathu na gho Efraim yyishiphon diyyiwa cukeya wi Mika jjen wi ben.