JOSHUA 18:7 - Kemethajüh (N) (Re-editing) Bible (BSI)

⁷ Isala Levi nyithu na nthu kepathu ti ayyi mathu shei muya nben, kepaghenanye mathu shei na Apvüwa ghena keqhaikedi kekuli kesawa tsü. Nu Reuben, Gad, nu nishuwa Manasseh mizzathu na Jordan na nishuwa mathu shei Apvüwa maghawa Mosa na pi mathu kecü tsü muyadha.”

JOSHUA 18:7 Iomraidhean Croise

SHICÜSI 18:20

Apvüwa na Aaron kiza, ‘No anuphan keben ji nshei mangla muya nben, nu Israel nyithu yyi wi n-yyi nmi. Hi Apvüwa, hi nthu nsenthu keyishüwa tsüdi tsüle.’ ”

SHICÜSI 18:23

Khili nten na Levi nyi ketan Nithsüjjen tsü noncca nu ciwi kekuli tsüdila saben. Ayen hawa ha anuphan nthu shicübvüghathu ghena la saben. Israel nyi ja wi Levi nyithu na anuphan kebenji tsü nmi,

SHICÜSI 18:7

Isala no nu ntsathu ketan Kemetha ntsa Pen nu kekinyipen wi keqhaikedi kekuli tsüdila sacen ben. Nthu na kekuli hathu ha saben, kepaghenanye hi keqhaikedi ha pi nju sa cüdha. Kekuli nkesa qo nyi thowa na kemetha tsanqaithu tetsaki gho khe pi shü thsüaben.”

AYENZHÜNENG 10:9

Tsalina Levi mizza na amizza kepathu ti mathu shei ayyi mu meya; mathu ghena kemehaiwa lethu Apvüwa nthu Nyiza na khishiketheng ti mathu na Apvüwa ghena keqhaikedithu kesa tsüle.)

JOSHUA 12:6

Mosa nu Israel nyithu na kadimi ha keni chaya. Apvüwa maghawa Mosa na mathu yyi pi Reuben, Gad mizzathu, nu Manasseh mizza kegishü pahanthu ji saya thsüa.

JOSHUA 13:33

Isala Mosa na ayyi keula pi Levi mizza ncü. Ma mathu shei na ahhansha sapi Apvüwa Israel Nyizawa kecü wi mukeya tsüpi mathu keben-keyeng sabenle kiza.