JOSHUA 18:16 - Kemethajüh (N) (Re-editing) Bible (BSI)

¹⁶ Tsüna ayikha ccü wi ben nu Hinnom Yyiketijü mu keben aghawa Refaim Yyiketijü kenten wi cüben. Tsüna acülawa sasen Hinnom Yyiketijü wi wa Jebus na acülawa Enrogel wi cü.

JOSHUA 18:16 Iomraidhean Croise

2 SAMUEL 17:17

Abiathar tsa Jonathan nu Zadok tsa Ahimaaz manyi na Enrogel tssükebvüpen wi ben nu hieben, Jerusalem na ameiwa, kepaghenanye manyi na anyunutiwa wi kedu wi nyu manyi muthu kemessi ghena. Maghale kesü keshüthangla mangwa khati saben khe wala pi manyi kizaden, isanu manyi na wala tsüpi Kadimiwa David kizaden.

2 SAMUEL 5:18

Filistinthu na gho Refaim Yyiketijü cuya nu tsü nkaya.

1 KADIMITHU 1:9

Ghanan kesü wi Adonijah na Enrogel tssükebvüpen kete Amaghang Lonshi wi kaghaneni, amesü süpon, nu amesü zza kekunonthu pi ahhansha sala kinyi. Ma Kadimi David tsa kepathu nu Judah wi kadimi kekhu wi kedithu ya ma ahhansha kesa kho witsü gholo cichi,

2 KADIMITHU 23:10

Kadimi Josiya na Hinnom Yyiketijü wi Anyiza nkechü kekinyipenwa Tofeth la sapi anyan kekinyen sa thsüa, tsalina thola ma tsanga pi mecang pi acenpvü Molek ncüla.

1 KHENICÜKI 14:9

Filistinthu na gho Refaim yyiketijü cuya nu yasa shhugho.

2 KHENICÜKI 28:3

Hinnom Yyiketijü wi hankedemvu mecang, nu Israel nyithu na atujügüwathu Apvüwa na ayyi ciwi kahang nyi jügüshi kesathu na nankiqanan kekuli sa keten ti ma tsathu lela pi ahhanshathu sapi atsikezhüthu tsü kinyi.

2 KHENICÜKI 33:6

Ma ma tsathu pi Hinnom Yyiketijü wi ahhansha sa nu mecang pi kekinyi sa. Ma chuchünyi, cenpvü ccüneng kekuli sa, nu atusenkekhithu nu keshü ghamu keccünengthu wi kecenkinali. Ma sami pi Apvüwa shun ntsa sa nu ma lebenketsu cüssi.

ISAYA 30:33

Matsü kesie wa kesa wi Assiriya kadimiwa mecang le kesalina apen kiden ketheng kesü wi anni sa ntsa pi theng. Tsüna dhu nu meza ntsa, nu achan pi misikhhali nbonkitheng. Apvüwa na annikeqhe hathakessashi pi tsü mecang thsüaden .

JEREMIYA 19:11

nu mathu wi Apvüwa Kekhangwa na hati khiben le kizalo khi, “Hi anyi hathu nu anyunuti hawa yasa den, isathu tsüna ayyipfü pakhhi nu kezhüghuli nkeya tsüti saaben. Anyithu na Tofeth wi lela mathu keshü kamang pi vhüaben, kepaghenanye apen khiewi la tsüthu pi vhükeya nmila keben ghena.

JEREMIYA 19:2

nu Hinnom Yyiketijü wi Apfükegi Khweti- jenka kedulen wi walo kiza. Ciwi ma pi hi cü keten ketsijüh tsüpi khilo sa.

JEREMIYA 19:6

Tsalina apen hapi Tofeth nyelela Hinnom Yyiketijü le ncila keten matsü na ghoden. Tsü kuti wi pi Kesüthi Yyiketijü le ciaden.

JEREMIYA 32:35

Mathu atsangathu pi acenpvü Molek kinyile kesa Hinnom Yyiketijü wi kekinyipen sapi Baal cü. Hi mathu na ha salo nkiza, nu mathu na hati sa nu Judah nyithu sapi sami thsüben kesa ileben wila ndugho.”

JOSHUA 15:63

Isala Judah nyithu na Jebus nyithu Jerusalem wi hang keben tsü jügüshi meyala. Tsalina Jebus nyithu na khili la ciwi Judah nyi gweghe hangben.

JOSHUA 18:28

Zela, Haelef, Jebus (nyelela Jerusalem), Gibeah nu Kiriath Jearim: anyunuti taghamejü pi tsüthu kevü wi anyutithu saghu. Ayyi hawa ha Benjamin mizza theghithu na pi mathu ji saya.

PENDHENYI 1:21

Isala Benjamin mizza nyithu na Jerusalem wi hang keben Jebus nyithu jügüshi meyala, nu Jebus nyithu na tsü nten na ciwi Benjamin nyithu gweghe hangben.

PENDHENYI 1:8

Judah nyithu na Jerusalem ssikaghashen nu tsü nkaya. Mathu na anyithu pathi nu anni pi anyunutiwa tsü mecang chia.

PENDHENYI 19:10

Isala anyi tsüwa na ciwi nben neng mvula, tsalina ma nu ma wubvü meshibvüwa manyi na gada keni miwi ki donkiya nu alentsen chia. Minulen wi mathu na Jebus (tsüna Jerusalem) ketsaki wi ghoya, tsalina amaghawa na ma pvüwa wi khi, “Mangkesa na ikhang shita hewi Jebus nyi nyunutiwa wi ha ben wa nsa nu?”