JOSHUA 18:12 - Kemethajüh (N) (Re-editing) Bible (BSI)

¹² Aghawa mathu ggü na Jordan wina sasen Jerikho na aghawa kesüphi wi shu nu nidu kepeghewa yyishiphon diyyiwa tsü pvüdhi sen Bethaven yyikeshü kecu waben.

JOSHUA 18:12 Iomraidhean Croise

HOSEYA 10:5

Anyi Samaria nyunuti wi hang kebenthu na messiben nu Bethel wi suna pi kesa amesü süponwa tsü kededi ghena anongü ben. Mathu nu atsikezhüwa kekuli sa keten keqhaikedithu na tsü qaikiben. Khathansha wi suna tsikemehaiwa tsü khusha pi khe mathu na qaiben.

HOSEYA 4:15

“No Israel nyithu na hi wi jühtsentsa nsa lela, Judah nyithu tsü tsü makesü nkesawa salo. Gilgal nyelela Bethaven wi nkinyila, nyelela hangkebenwa Apvüwa nyan wina ciwi kekishen nsala.

HOSEYA 5:8

Gibea wi aghi tutuwa khou chilo! Rama wi kemessi hhai sa chilo! Bethaven wi aghikesa hhai magha chilo! Aghikesa pen wi dulo, Benjamin nyithu!

JOSHUA 16:1

Ayyi pi Josef shicübvüghathu kecü ggü acülawa na Jordan wi Jerikho kete Jerikho tssükebvüpen wi tsüna ayyikeshü non wi du. Tsüna Jerikho wina yyishiphon diyyi non wa Bethel kecu.

JOSHUA 18:11

Ayyi pi Benjamin mizza theghithu kecü na atuwa. Mathu yyi na Judah nu Josef mizzathu jüwi ben.

JOSHUA 2:1

Tsaseng wi Joshua na Akakia kemnanpen wina wahhai keni kizala wa kuthila Kanaan yyi wi Jerikho nyunutiwa tsü hhainanlo kesun chi. Manyi na khathansha wi wa anyunutiwa tsü cuya khe, manyi wa keqheza menkedsa nza kesü ma nyan Rahab jjen wi ben.

JOSHUA 3:16

atssü na lle nwala dan shula Zarethan nyunuti ketsaki Adam kecu dan. Ssanwa lle sen cüla Keshü Tssükedone kecu danbhon nu anyithu na Jerikho kete wina tsü pvüdhi wa.

JOSHUA 6:1

Jerikho khweti jenka khen nu Israel nyithu na ndugho thsüle hieben. Anyi kesütanla anyunutiwa wi dushhu meya.

JOSHUA 7:2

Joshua na Jerikho wina anyi pahan kesun pi wa Bethaven kete wi Bethel na nishuwa anyunuti kesü Ai wi ayyi hhainan walo ahza khuchi. Mathu na wa tsüti kesa seng wi,

JOSHUA 8:15

Joshua nu ma nyithu na aseng kekheneng ghe sala bvü sen nu ayyikeshü kejentan wi wa.

1 SAMUEL 13:5

Filistinthu na Israel nyithu ssisale saghuya; mathu na aghi goru garithu hazar changha, anyi goru kessithu hazar tugho, nu süpahithu na atssükedone ghüsa wi ahachan ti ben. Mathu na Mikhmash, Bethaven na niduwa wa nu ciwi kemnanpen sa.