JOSHUA 18:1 - Kemethajüh (N) (Re-editing) Bible (BSI)

¹ Mathu na ayyi nka keya seng wi Israel zitenti maben Shilo wi saghu nu Apvüwa ketenpen Nithsüjjen tsü sa.

JOSHUA 18:1 Iomraidhean Croise

2 SAMUEL 7:6

Hi Ejipt wina Israel nyithu kekashakeya nten na gho nansü kecu hi khiela kekinyijjen kesü wila nhang; hi kegoela nithsüjjen kesü wi hangden.

1 KADIMITHU 14:2

Jeroboam na ma wubvü wi khi, “Ntsi sakemiliya nu thola no nchü thsüla atusenjüh-kechüwa Ahijah na hi Israel kadimiwa saya benle kekhiwa kahang pen Shilo witsü walo.

1 KADIMITHU 14:4

Tsalina nzawa na Shilo wi Ahijah jjen wi wa. Qhaithi kesa ghena Ahijah na ma nyon nmuladha.

1 KADIMITHU 2:27

Isanu Solomon na Apvüwa kekuli wi keqhaikedi kesü sa keben Abiathar khushi pia. Tsalina Apvüwa na Shilo wi keqhaikediwa Eli nu ma shicübvüghathu ghena kekhi tsü ntsakhiwa sacen thsüa.”

NEHEMIYA 9:24

Mathu na Kanaan yyi tsü nkaya; no ciwi anyithu miwi khangya, No kekhang pi n-nyithu cü nu mathu ya Kanaan nyithu, nu kadimithu miwi mathu kemeshen saya thsü.

ZAKECI 78:60

Ma Shilo wi ma nithsüjjenwa tsü teshia, ma ithu jawi kahang jjenwa tsü.

ZAKECI 78:66

Ma ma ghinyithu pasha pi shagha nkeya sa kejügheyala jügü pi bvü neng thsüa.

JEREMIYA 26:6

Nthu na ajüh nkeya wi benki ten lethu hi Shilo wi sa kechi ti Kekinyijjen hawa miwi la sa chiden, nu ayyi wi mizzatenti tsüdila anyunuti hawa nyan pi kishen-keshi kesü sa wa ben.”

JEREMIYA 26:9

No mangkesa na Apvüwa nyan wina ajühkhi nu Kekinyijjen hawa hana Shilo wi ti sa nu anyunuti hawa dedi nu thola ciwi nhangla benle khiten nu?” Isanu anyithu na hi vübhonya.

JEREMIYA 41:5

anyi achentazen na Shekhem, Shilo, nu Samaria wina gho. Mathu na akhenkhen kenye whia, mathu thsümeni mezüqhe, nu mathu ketanla agwo handhi. Mathu na asu nu hankedemvu pi Kekinyijjen wi kinyile senden.

SHICÜSI 32:22

nu ayyi nkaya shaben. Tsaseng wina nthu na kheneng ghoya mehai, kepaghenanye nthu na Apvüwa nu nthu Israel nyithu tuwi kesau sadha. Isalethu Apvüwa na Jordan nishuwa ayyi ha nthu jidha le saben.

KEKULI 7:45

Tsashi seng wi ithu bamyithu na mathu bathu wi nithsüjjen tsü muya nu tsü pvü wa Joshua gweghe mathu na atujügüwa lethu Anyiza na amizza kepathu jügüshi kesa wi ayyi tsü nkaya. Nu tsüna David tsü kecu chu ciwi ben.

JOSHUA 18:2

Ciwila Israel nyi mizza tagü na mathu shei ayyi pi npi cü.

JOSHUA 18:8

Joshua na kecükegwe hathu pi mathu kecü seng wi anyithu na yyitsiton yale wa: “Wala ayyi tsüwa maben wi keqoe nu yyitsitonya nu tsü sen nu hi wi gho nenglo. Tsaseng wi hi Shilo wi nthu ghena Apvüwa tuwi akezen wwi ben na.”

JOSHUA 19:51

Keqhaikediwa Eleazar, Nun tsawa Joshua, nu Israel mizzathu wi atheghithu ccülikesathu na Shilo wi Apvüwa ketenpen Nithsüjjen kedulen wi akezen wwi pi Apvüwa kemeshen kina nu ayyi hathu pi gishü. Hatinu mathu na ayyiwa tsü pi gishü cenya.

JOSHUA 21:2

Kanaan yyi Shilo wi mathu na tsüthu wi khi, “Apvüwa na Mosa wi anyunutithu nu tsüthu kevü wi ithu sahangthu ghena amou pi ithu cüle khitheng.”

JOSHUA 22:12

Israel nyithu na ha za keya wi azitenti mabenla Shilo wi saghuya nu wa nishuwa mizzathu ssi nu aghisale sa.

JOSHUA 22:19

Tsalina nthu yyiwa ha nmetha lethu, Apvüwa yyi ma Nithsüjjenwa keben witsü ghalo. Ithu jawi ayyi pahan pi gishüyalo. Isala Apvüwa nmatangla nyelela kekinyijjen kepa wi sapi Apvüwa ithu Nyiza kekinyipenwa tsü wwa neng pi ithu nmatang lalo.

JOSHUA 22:9

Tsalina Reuben, Gad, nu nishuwa Manasseh mizzathu na ajjen wi whaneng. Mathu na Kanaan yyi wi Shilo wi Israel nyithu teshi nu Apvüwa na Mosa wina mathu kiza nu mathu ayyi yapi mathu ji sakeya Gilead yyi wi whaneng.

PENDHENYI 18:31

Shilo wi Nithsüjjen wi Anyiza kinyi keben chu Mika ji atsikezhü tsü la ciwi ben.

PENDHENYI 21:12

Mathu na Jabesh wi anyithu jawi nza pvünyimethathu meza mejü muya, tsalina mathu na tsüthu ssinu Kanaan yyi wi Shilo wi kemnanpen wi gho.

PENDHENYI 21:19

Isanu mathu kemeshen na, “Amapi keshu Shilo wi Apvüwa khowa sa ketenwa tsüna wan gho tendhale sa.” (Shilo hana Bethel na aghawa, Lebanon na acülawa, nu Bethel nu Shekhem manyi jüwi alen na nishuwa.)

1 SAMUEL 1:24

Ma atsawa tsü noncca pi mechan-metsa keshagha seng wi ma ssisen, amesü süpon amapi kecheng ji kesü awheng kilogram tagha, nu kisengtssü pi akhüti kesü pongti chiya nu Shilo wi wa. Ma Samuel na ghanyi keben tsü ssinu Shilo wi Apvüwa jjen wi wa.

1 SAMUEL 1:3

Amapi kaghapengla Elkana na Ramah wina Shilo wi Eli tsa Hofni nu Fineha manyi na Apvüwa keqhaikedithu sa keben wi wala kinyi nu ahhanshathu sapi Apvüwa Kekhangkedi ntsawa cüden.