JOSHUA 17:4 - Kemethajüh (N) (Re-editing) Bible (BSI)

⁴ Mathu na wa keqhaikediwa Eleazar, Nun tsawa Joshua, nu accülikesathu wi khi, “Apvüwa na Mosa wi ayyi pahan pi ithu baghathu nu ithu la cü nu pi ithu ji saya thsülo khitheng.” Tsalina Apvüwa na kekhi ti ayyi pahan pi mathu nu mathu baghathu cüa.

JOSHUA 17:4 Iomraidhean Croise

SHICÜSI 27:1

Mahla, Noah, Hogla, Milka, nu Tirzah hathu na Hefer tsawa Zelofehad ngathu. Hefer na Gilead tsa, Gilead na Makhir tsa, Makhir na Manasseh tsa, Manasseh na Josef tsa.

SHICÜSI 27:4

Ma atsa nkemi ghena ketan khe mangkesa na Israel ja wi ikhang ba nyan nmila nu? Keben-keyeng pi ikhang ba theghithu ikhang la cülo.”

SHICÜSI 36:10

Tsalina Zelofehad ngathu Mahla, Tirzah, Hogla, Milka, nu Noah, mathu Apvüwa na Mosa kekiza ti mathu nyi wi n-nuwa.

GALATIANYI 3:28

Tsalina ciwi Judah nyithu nu Judah nyi nkenyethu, amaghathu nu ahvuthu, npvüza nu nzathu kepapa kesa nmidha; kepaghenanye nthu tsüdila Jisu Khrista wi kesütan sadha.

JOSHUA 14:1

Hawa ha Kanaan yyi Jordan na niduwa pi Israel nyithu jawi kegishü cüki. Keqhaikediwa Eleazar, Nun tsawa Joshua, nu Israel mizzathu jawi atheghi ccülikesathu na tsüpi anyithu jawi gishü.

JOSHUA 17:5

Ha ghena Manasseh na Jordan na nishuwa ayyi Gilead nu Bashan tsü miwi ashei tagha muya,

JOSHUA 21:1

Levi nyi theghithu ccülikesathu na keqhaikediwa Eleazar, Nun tsawa Joshua, nu Israel mizza tsüdi wi theghithu miwi ccülikesathu wi wa.