JOSHUA 17:11 - Kemethajüh (N) (Re-editing) Bible (BSI)

¹¹ Issakhar nu Asher manyi yyi non wi Manasseh na Beth Shen nu Ibleam manyi, tsü kevü wi anyutithu, nu Dor (atssü katen wi kebenwa Endor, Taanak, Megiddo, nu tsüthu kevü wi anyutithu na ben.

JOSHUA 17:11 Iomraidhean Croise

2 SAMUEL 21:12

ma wa Gilead wi Jabes nyithu wi Saul nu Jonathan manyi güthu tsü khuya. (Mathu na Filistinthu na Gilboa Yikha miwi Saul kepathi ghanan akamangthu pi Beth Shan wi anyi tsüdi kemu pen wi dügü ketheng tsü ghanfüya.)

1 KADIMITHU 9:15

Kadimi Solomon na meten pi kekuli sa kebenthu ssinu Kekinyijjen nu ma kadijjen sa, anyunutiwa khweti tsü zhüyale kesalina ayyi pvüpi anyunuti na nishuwa tsü pongya. Ma tsüthu ssinu anyunuti hathu la sapfüneng Hazor, Megiddo, nu Gezer.

2 KADIMITHU 9:27

Kadimi Ahaziya na mangwa khati sadha khe muya, tsalina ma bvüsen Beth Haggan wiwa wa nu Jehu na ma jügü. Jehu na ma nyithu wi “Ma la pathilo” khi, Ibleam nyutiwa kete Gur kewalen kecu wi mathu na ma gorugari jügü wa ma mesa-mena cüa. Isala ma bvü wa Megiddo nyunutiwa cuya nu ciwi shüa.

1 KHENICÜKI 6:70

Niduwa Manasseh yyiwi anyuti keni— Aner nu Bileam pi tsü kevü wi amou yyithu saghu pila mathu cüa.

1 KHENICÜKI 7:29

Manasseh shicübvüghathu na Beth Shean, Taanak, Megiddo, nu Dor nyunutithu, nu tsüthu kevü wi anyutithu miwi kekhang sen. Apen hathu ha tsüdi wi Jakob tsa Josef shicübvüghathu na hang.

2 KHENICÜKI 35:22

Isala Josiya na ssisale kidenya. Ma Anyiza na Kadimi Neko wina khi kebenwa tsü hhaghe, tsalina ma tsisa kemiliya nu Megiddo deshentijü wi aghi wi wa.

ZAKECI 83:10

No Endor wi mathu miwi khangya, nu mathu kamangthu na ayyi wi bighea.

JEREMIYA 49:2

Isala matsü kesü na ghoden, ciwi hi ghazen nyunutiwa Rabbah wi anyithu ya aghikesa hhai zaya thsüden, nu tsü yasa nu ma nyuthu mecang chiaben . Tsaseng wi Israel na ma yyi khuya kesathu wi tsü khu nengyaden.

ZEKHARIYA 12:11

Tsü tsüwi Jerusalem wi anonkegü na di ntsa sapi Megiddo deshentijü wi Hadad Rimmon ghena anonkegü cu saaden.

JOSHUA 11:2

aghawa yyishiphon diyyi, Galilee Ghajü na acülawa Jordan yyiketijü, yyishiphon ccü, nu Dor kete tssükaten wi kadimithu wi chi.

JOSHUA 12:21

Taanak, Megiddo,

JOSHUA 12:23

Dor (atssü katen wi), Goiim (Galilee)

JOSHUA 16:9

Manasseh ggü non wi anyuti nu anyu pahan lela pi Efraim nyithu cüa.

JOSHUA 17:10

Efraim na acülawa nu Manasseh na aghawa sala Mediterranean Tssükedone pi niduwa manyi ggü saben. Asher na agha niduwa, nu Issakhar na agha nishuwa wi saben.

JOSHUA 17:16

Mathu na khineng, “Yyishiphon diyyiwa ha ithu ghena zza mtsüdha, isala deshentijü wi Kanaan nyithu Beth Shen nu tsü kevü anyutithu nu Jezreel yyiketijü wi hang kebenthu na amighe gorugarithu ben.”

PENDHENYI 1:27

Manasseh mizza na anyunutithu Beth Shean, Taanak, Dor, Ibleam, Megiddo, nu tsü kevü anyunutithu wi hang keben anyithu jügüshi meyala; Kanaan nyithu na ciwi hang ben wa.

PENDHENYI 5:19

Megiddo ghaku kete Taanak wi kadimithu na gho kesali; Kanaan kadimithu na gho kesali, isala mathu rükatssü senpvü meyala.

1 SAMUEL 28:7

Tsaseng wi Saul na ahza pi ma kekhu wi kedithu cü, “Wala ighena keshü ghamu keccüneng nza kesü bha chilo, nu hi wa ma wi kecenkinali chiden.” Mathu na luneng, “Endor wi meshu kesü benle.”

1 SAMUEL 31:10

Tsaseng wi mathu na ma ghighethu pi acenpvü nzawa Astart kekinyijjen wi chi, nu ma kamang pi Beth Shan nyunutiwa keshong wi dügüa.

1 SAMUEL 31:12

anyi aghikekhang ntsathu na ghaja thangthang lentsen sen nu Beth Shan wi wa. Mathu na Beth Shan nyunutiwa keshong wi Saul nu ma tsathu kamangthu tsü khushaya, nu tsüthu sengho Jabesh wi mecang.