JOSHUA 17:1 - Kemethajüh (N) (Re-editing) Bible (BSI)

¹ Jordan na niduwa ayyi pahan pi Josef tsa keqhaiwa Manasseh shicübvügha theghithu cü. Gilead ba Makhir na Manasseh tsa keqhaiwa nu ma aghi kekhang nyi kesü, tsalina Jordan na nishuwa Gilead nu Bashan tsü pi ma cüa.

JOSHUA 17:1 Iomraidhean Croise

ADECHHÜ 41:51

Ma khi, “Anyiza na hi sapi igükeccü tsüdi nu iba theghi tsüdi mali thsüdha,” tsalina ma tsa tssütsewa nyan pi Manasseh ci.

ADECHHÜ 41:52

Ma kheneng khi, “Agükeccü kesa yyi wi Anyiza na atsanga pi hi cüdha,” tsalina ma tsa keniwa nyan pi Efraim ci.

ADECHHÜ 46:20

Josef na Ejipt wi atsa keni Manasseh nu Efraim manyi na Heliopoli wi keqhaikediwa Potifera ngawa Asenath wina pvügha keya.

ADECHHÜ 48:17

Josef na ma ba kwen ajewa pi Efraim li wi chi keben mukeya wi ma lebenmagha sa; tsalina ma Efraim li wina ma ba kwen zan sen wa Manasseh li wi chi.

ADECHHÜ 48:18

Ma ma ba wi khi, “Tsüti nyele, iba. pvüzanyi hawa ha keqhaiwa le, nkwen ajewa pi ma li miwi chilo.”

ADECHHÜ 50:23

Josef na hang wa Efraim tsanga tsangathu, nu Manasseh tsawa Makhir tsangathu la gweghe hangya.

2 SAMUEL 2:9

Ciwi Abner na Ishbosheth pi Gilead, Asher, Jezreel, Efraim, nu Benjamin nyithu, nu Israel tsüdi miwi kadimiwa sa thsüa.

1 KHENICÜKI 2:23

Isala Geshur nu Aram kadiyyi keni na ciwi Jair nu Kenath nyithu, nu tsü ketekevü wi anyunutithu pi wwala anyutithu achentugho nkaya. Anyi ciwi kahangthu tsüdila Gilead ba Makhir shicübvüghathu ketan.

EZEKIEL 47:13

Kemisintsa Apvüwa na khi, “Hathu ha ayyi pi amizza taghakeni jawi kegishü nu Josef mizza na ashei keni muya keten ggüwa tsü le.

SHICÜSI 26:29

Manasseh mizza. Manasseh tsa Makhir na Gilead ba, nu agei hathu mathu baqhai na Gilead:

SHICÜSI 27:1

Mahla, Noah, Hogla, Milka, nu Tirzah hathu na Hefer tsawa Zelofehad ngathu. Hefer na Gilead tsa, Gilead na Makhir tsa, Makhir na Manasseh tsa, Manasseh na Josef tsa.

SHICÜSI 32:33

Tsalina Mosa na Amor nyi kadimi Sihon nu Bashan nyi kadimi Og yyi tsüdi pi anyunutithu nu mathu kevü diyyi saghula pi Gad nu Reuben mizzathu nu Manasseh mizza gishü pahanthu cüa.

AYENZHÜNENG 21:17

Ma tsa tssütsewa tsüna ma wubvü ma kenenwa tsa nyelela ma keben-keyeng ashei keni pi ma cüben. Anyi kesü na ma tsa tssütsewa tsü chü nu ma shei ma kemu-u tsüpi ma ncüthu yishü.

JOSHUA 17:2

Jordan na niduwa ayyi tsü pi Manasseh theghi kepathu Abiezer, Helek, Asriel, Shekhem, Hefer, nu Shemida cüa. Hathu ha na Josef tsawa Manasseh shicü npvüzathu, nu mathu theghi jawi accülikesathu.

PENDHENYI 5:14

Mathu Efraim wina gho yyiketijü wi du, Benjamin mizza nu ma nyithu sengwa na. Benchüthu na Makhir wina dugho, Kedithu na Zebulun wina dugho.